Tuma 11:30 - Tampulma

³⁰ a kpa lagmi dɔŋ ni a du Barnabas awa Sɔɔl nin ni di ba kpa la nyɛ Yesu nitiŋɛ ta nihɛɛti ni dooni.

Tuma 11:30 Marejeleo ya Msalaba

Tuma 12:1

Chen saha ti koor Hɛrɔd funɛ namsi Yesu nitiŋɛ ta bɔnɛ.

Tuma 12:25

Barnabas awa Sɔɔl funɛ kpa Yesu nitiŋɛ ba naa funɛ nyɛn Antiɔk ni, malɛ a du Yesu nitiŋɛ ba naa nyɛn Jɛrusalɛm ni, nihɛɛti ta nin ni. Doone Barnabas awa Sɔɔl fun kpa Jɔn Maak a gbaari ba ni a kaali Antiɔk.

Tuma 14:23

Doone ba fun lisi nihɛɛta a li Yesu nitiŋɛ ta tuhu ni di ba nyini ba a li tɔsi ta ni. Pɔɔl awa Barnabas funɛ vɔti ba nɔɔna a sumi Koosa peti, ba fun kpa Yesu nitiŋɛ ta a du ya kunyan ti nin ni a kaali.

Tuma 15:2

Pɔɔl awa Barnabas wa ba fun di amɔrɛ kpok a li ba biksi nɔ ni. Yesu nitiŋɛ ta fun lisi Pɔɔl, Barnabas awa ba bɔnɛ a li ba tuhu ni ba la Jɛrusalɛm ba wa nitumɛ ta awa nihɛɛti ta na dɔŋa chenani ba zi ya.

Tuma 15:23

Nannɛ ba fun sɔbi a li tɔn nɔ ni. “Nitumɛ ta awa Yesu nitiŋɛ nihɛɛta, ba naa ya ma niinbisa, sɔbi tɔn nɔ a zaami Yesu nitiŋɛ ba naa vɛ ya Ju tima a nyɛn Antiɔk, Siiriya pulum awa Salisia pulum ni.

Tuma 15:4

Ba funɛ la tel Jɛrusalɛm, nitumɛ ta, nihɛɛti ta awa Yesu nitiŋɛ ta maga fun wa zaami ba. Doone ba fun ŋɔ ba naa nyɛn dooni, chenani maga Koosa yaa funɛ suŋi ba ba tum o tuma.

Tuma 15:6

Nitumɛ ta awa nihɛɛti ta fun li ba duŋduŋ a na dɔŋa chenani ba zi ya.

Tuma 16:4

Ba funɛ li tɔsi ni, ba yaa fun ŋɔ Yesu nitiŋɛ ta ni chenani nitumɛ ta awa nihɛɛta ba naa funɛ nyɛn Jɛrusalɛm ni, fun sɔbi a li ba tɔn ti ni. Ba gbanko fun ŋɔ ba di o lawa ba tiŋ chenani ba sɛmu.

Tuma 20:17

Pɔɔl funɛ nyɛn Mailitus nɛɛ a tum nara ba la ŋɔ Yesu nitiŋɛ ba naa nyɛn Ɛfɛsus ni, nihɛɛta di ba wa pu un.

Tuma 21:18

Chɔɔsa funɛ wa pisi, ya wa Pɔɔl fun kaali a la zaami Jems. O wa Yesu nitiŋɛ nihɛɛti ta maga funɛ lagmi dɔŋa a kani.

Tuma 4:36

Ba nidigi sɔn funɛ ya Josɛf. Nitumɛ ta gbanko funɛ yir un Barnabas. Barnabas ti mun ya, ‘naa la kpami nara’. O funɛ li lul naa ba yir Livai nɛɛ a li pulum ni gore. Ba yir dooni Saiprus.

1 Tim. 4:14

Ta suglɛ papaha naa Koosa fun nyɛ hin saha naa o wa yir hin di i ya o tumtumna a nyɛ o witiina sɛm a li o kpok ni ka Yesu nitiŋɛ nihɛɛti ta kpa ba nisa a sak hin ni.

1 Tim. 5:17

Yesu nitiŋɛ nihɛɛta ba naa la nyini ba nara nɛnɛ a kpak si sɛm aa biksi nara Koosa wɛ kinkan, o lawa ba na jirima bilɛu.

1 Tim. 5:19

Nandigi daŋni o fiksi Yesu nitiŋɛ nihɛɛ, nyɛ o kpa nara balɛ koo nara batora ba wa a ya sɛhɛra tima, chen ni i zi nu ba sɛmau. O vɛ ya chen, ta nu o wati.

Tait. 1:5

Mu funɛ gil hin Krit ni, i kpalimi dooni a kɔɔri Yesu nitiŋɛ kina a lisi nihɛɛta a li doonani maga baa lagmi. Lisi chenani mu fun ŋɔ hin.

Jems 5:14

Nandigi nyɛn ma ni a wiuu? O yir Yesu nitiŋɛ ta nihɛɛta di ba wa ya nu a biti a du un ni a sumi Koosa a nyɛ un.

1 Pita 5:1

Mu daŋni mu sumi ma naa ya Yesu nitiŋɛ nihɛɛtau. Mu gbanko ya nihɛɛrɛ, a ya Kristo namsi sɛhɛra tiina. O wa bur wa, mu wa ma zi bɔni o jirima awa o chaani kinkanu.

2 Jɔn 1:1

Mu waa, nihɛɛ, la sɔbi tɔn nɔ a nyɛ nihaan naa Koosa fun lisi a nyɛ o titi ni awa o bisa ba naa mu daŋni kinkan. Mu duŋduŋ laata la daŋni ma chen, amaa ba naa maga zim Koosa wuti, ba daŋni ma chene,

3 Jɔn 1:1

Mu waa, nihɛɛ, la sɔbi tɔn nɔ a nyɛ mu chɛn, Gaiyus, naa mu daŋni wuti.