Tuma 11:26 - Tampulma

²⁶ O funɛ na un, Barnabas fun kpa un a bur kaali Antiɔk. Ba fun nyɛn doon bun bɛgim aa biksi Yesu nitiŋɛ ba naa i kinkan chen. Saha tirɛ ba naa funɛ nyɛn doon chen fun te chɛrgi chenani ba yir Yesu nitiŋɛ ta a du ba Yesu Kristo nitiŋɛ ta.

Tuma 11:26 Marejeleo ya Msalaba

Mat. 28:19

Ma la biksi Koosa laaboor weri ti a nyɛ nibinsa ba naa nyɛn bawu maga ni. Ma chaksi ba wa ni ni, chen ni ba zi burgiu mu wa mu kunyan Koosa awa o siim weri ti gantɛl tiŋsa.

Jɔn 2:2

Ba fun yir Yesu awa o gantɛl tiŋsa gbanko di ba wa haan fali dam ti.

Tuma 1:15

Wuzu digi Yesu gantɛl tiŋsa ba naa funɛ dugli nara kɔkwa awa fumlɛ, funɛ lagmi dɔŋ ni. Pita fun si a chiŋi ba bambaan ni a ŋɔ ba,

Tuma 11:20

Yesu nitiŋɛ ba naa funɛ li Saiprus pulum awa Sairini pulum a wa nyɛn Jɛrusalɛm ni, ba gbanko fun pisi a la Antiɔk. Ba waa funɛ biksi Koosa laaboor weri ti ya kunyan Yesu wɛ a nyɛ Ju tim ta awa ba naa vɛ ya Ju tim ni.

Tuma 11:22

Yesu nitiŋɛ ba naa funɛ nyɛn Jɛrusalɛm ni, funɛ nu chenani ya Antiɔk ni a tum Barnabas dooni.

Tuma 11:27

Saha naa Barnabas awa Sɔɔl fun nyɛn Antiɔk ni, Koosa witinsi ta bɔnɛ fun li Jɛrusalɛm a kaali dooni.

Tuma 11:29

Yesu nitiŋɛ ba naa funɛ nyɛn Antiɔk ni, funɛ daŋni ba suŋi ba niinbisa ba naa nyɛn Judia pulum ni. Ba nibɛgim bɛgima fun lisi chenani ba nyaŋi a li ba malɛ ni,

Tuma 14:20

Yesu nitiŋɛ ta fun go un wa kaali di ba na ba kisuŋi unu, amaa o funɛ kotiu a si chiŋi. O wa ba bur kaali tɔhɔn ti tuha. Chɔɔsa fun bu wa pisi o wa Barnabas fun li dooni a kaali Dɛɛbɛ.

Tuma 14:22

Ba funɛ nyɛn nyinbaan ni a la chene, ba fun nyɛ Yesu nitiŋɛ ta se suuli gbaari a kpami ba di ba kpak Yesu nɛnɛ. Ba fun ŋɔ ba, “O deŋlu wa ya te namsiu kinkan ka Koosa zi wa dɔ ya a peti.”

Tuma 14:23

Doone ba fun lisi nihɛɛta a li Yesu nitiŋɛ ta tuhu ni di ba nyini ba a li tɔsi ta ni. Pɔɔl awa Barnabas funɛ vɔti ba nɔɔna a sumi Koosa peti, ba fun kpa Yesu nitiŋɛ ta a du ya kunyan ti nin ni a kaali.

Tuma 14:27

Ba fun la tel Antiɔk a yir Yesu nitiŋɛ ta maga a lagmi dɔŋ ni a ŋɔ ba chenani maga Koosa suŋi ba ba tum awa chenani Koosa nyɛ ba naa vɛ ya Ju tima nyinbaan di ba se su Koosa laaboor weri ti.

Tuma 14:28

Ba fun nyɛn Yesu nitiŋɛ ta wati dooni a vusi.

Tuma 18:27

O fun wa ya wuzu bilɛ Apɔlɔs fun lisi di o zi la Girik tim pulumu. Yesu nitiŋɛ ba naa funɛ nyɛn Ɛfɛsus ni, daŋni ba suŋi un a sɔbi tɔn a nyɛ ba niinbisa ba naa nyɛn dooni. Ba fun sɔbi a ŋɔ di o wa tel ba la un nɛnɛ a du. O fun la tel doon a suŋi ba naa Koosa fun suŋi a nyɛ ba, se su un chen kinkan.

Tuma 19:9

Ba bɔnɛ bambe funɛ kpoku ka ba se vɛ su o sɛm ta. Ba fun sɛm wu tagna a du ya kunyan ti nyinbaan tiŋi ti ni a li nara tima maga suwachak ni. Pɔɔl funɛ nu chenani ba sɛm, o wa Yesu nitiŋɛ ta fun gil ba a la zu dɛ zen digi. Nibiksi naa ba yir Tiranus gbanko yaa funɛ biksi narau dooni. Wuzu kam Pɔɔl yaa funɛ biksi Yesu nitiŋɛ ta dooni ka ba lɛusi un.

Tuma 20:1

Wuzu bilɛ gantɛl ni, Pɔɔl fun yir Yesu nitiŋɛ ta a lagmi dɔŋ ni a ŋɔ ba di o daŋni o la Masɛdonia pulumnɛ. O fun kpami ba a chausi ba a kaali.

Tuma 20:30

Hali saha zi wa telu di ma Yesu nitiŋɛ ta bɔnɛ zi wa siu a suni wɛ, chen ni bɔnɛ zi purigiu a la tiŋ ba.

Tuma 21:4

a dɛu Yesu nitiŋɛ a nyɛn ba wati wuzu bunɔpɛ. Koosa siim weri ti fun nyɛ ba ŋɔ Pɔɔl ni di o ta la Jɛrusalɛm.

Tuma 26:28

Agripa fun ŋɔ un, “Mu lisi di sɛm tam nɔ i sɛm min nan i daŋni mu ya Yesu nitiŋirɛ.”

Tuma 6:1

Chen saha ti Koosa yaa fun kpa nidamatau a gbaari Yesu nitiŋɛ ta ni. Wuzu kam nitumɛ ta yaa bɔni luhaana wa malɛu. Wuzu digi Yesu nitiŋɛ ba naa la sɛm Girik tim sɛm chen funɛ zulimi ba naa la sɛm Ju tim sɛm chen, domi ba luhaani ta wa funɛ la ba tutɔ malɛ maga.

Tuma 6:5

Ba sɛm ta funɛ nyɛ Yesu nitiŋɛ ta tu sɔɔnau kinkan. Doone ba fun lisi baal naa sɔn ya Stivin. O si funɛ su Yesu nɛnɛ ka Koosa siim weri ti fun te o suwachak. Ba gbanko fun lisi Filip, Prɔkɔrɔs, Nikanɔr, Timɔn, Parminas awa Nikolas naa funɛ si a bur tiŋ Ju tim jɛɛmi nyinbaan. O funɛ li tɔhɔn naa ba yir Antiɔk. Ba fun kpa ba a gbaari Stivin ni.

Tuma 9:19

O fun di diwe o kpok bu bur a wa. Doone o fun nyɛn Yesu nitiŋɛ ba naa nyɛn Damaskus ni chen wati wuzu bilɛ.

Tuma 9:38

Jɔpa awa Lida wa fun bol wa dɔŋ ni. Yesu nitiŋɛ ba naa nyɛn Jɔpa ni, funɛ nu di Pita nyɛn Lida ni, ba fun tum nara balɛ o wati ba la ŋɔ un di o ta vusi a kuwa.

1 Kɔr. 11:18

Nara funɛ ŋɔ min ma wɛu di ma wa lagmi dɔŋ ni a sumi Koosa, ma wara kpak nɔ bɛgim. Mu lisi di a bɔnɛ ya wutirɛ ba sɛm.

1 Kɔr. 12:12

Ma nyini chenani ya bara du. O ya kibɛgimnɛ amaa o luk pɛksa iiu. Amaa o luk pɛksa kurgɛ ta lagmi dɔŋ ni a burgi bara bɛgim. Chene Kristo du.

1 Kɔr. 14:23

Adaha ma Yesu nitiŋɛ ta wa lagmi dɔŋ ni ka ma maga sɛm sɛm kurgɛ, ba naa vɛ nu ba sɛm ta chen awa ba naa se vɛ su Koosa wa zu, ba wa zi ŋɔ di ma zu galɛŋwaa?

1 Kɔr. 4:17

Mu zi kpa Timotiu a tum ma wati di o wa biksi ma nyinbaan naa ma zi tiŋ wɛ. Waa ya mu bi daŋni a li Kristo ni a ya wuti tiina. Waa la zi wa lisi ma chenani muu tiŋ aa tum tuma Yesu Kristo wati. Chen nyinbaannɛ mu fun kpa biksi Yesu nitiŋɛ ba naa nyɛn bawu maga ni.

Ɛfɛ. 3:15

Ba naa maga nyɛn o tɔhɔn ti ni awa ba naa se su un tɛɛnɛ nɔ maga ni, waa ya ba nyana.

Jems 2:7

Ba waa la sɛm wu tagna a nyɛ sɔn weri naa Koosa fun kpa nyɛ ma chen.

1 Pita 4:14

Nara pini ma zoma maa tiŋ Kristo daha, ma gbanko nyɛ ma tusa sɔɔni. Nan biksi ma di Koosa funɛ kpa o siim weri naa kpak o jirima kinkan a du ma bambe ni.

1 Pita 4:16

Amaa ma ya Yesu Kristo nitiŋɛ. Maa ka saksi ma namsi o daha a ta nyɛ hiisa kpak ma. Maa zaami Koosa di maa tiŋ Kristore.

1 Jɔn 2:27

Koosa funɛ kpa o siim weri ti a du ma bambe ni. Chendaha nara wa biksi ma a gbaari o biksi ti ni, o ya yɔrirɛ. Koosa siim weri ti ya naa la zi biksi ma kina maga nyinbaan. O biksi maga ya wutirɛ. Nusuna wa to un ni. Adaha ma nyɛ ma wa Yesu ya nibɛgim a chi chenani Koosa siim weri ti fun a biksi ma chen.

JɔnN Deesi 3:18

Ma wa mu wati a wa yau salma naa ba fun kpa du din ni a chaksi di ma ya kin tima wuti awa gar pilima naa ma laari, chen ni ma wa zi bu na hiisa. Ma wa yau se luri a du ma se ni, chen ni ma zi bukoo kinau.