Tuma 11:19 - Tampulma

¹⁹ Ju tim ta funɛ kpu Stivin a nyɛ Yesu nitiŋɛ ba naa nyɛn Jɛrusalɛm ni, na namsi, ba nidamata fun pisi a kaali bar bole. Ba bɔnɛ fun kaali Fonisia pulum awa tɔhɔn naa ba yir Antiɔk. Bɔnɛ ka zu arŋa a kaali pulum naa ba yir Saiprus ka ni go un. Ba maga fun kpa Koosa laaboor weri ti a biksi Ju tim ta duŋduŋ.

Tuma 11:19 Marejeleo ya Msalaba

Mat. 10:6

Ma ka la gba doonani Ju tim ta nyɛn. Ba waa chi piisisi naa funɛ nyuksi a nyinbaan.

Jɔn 7:35

Ju tim ta wa fun zim o sɛm ta mun a la pɛɛsi dɔŋa, “Leene o kaa gba la ka ya vɛ na un? O zi la Ju tim ba naa wa hɔɔra nyɛnɛɛ a la biksi ba chenuu?

Tuma 11:20

Yesu nitiŋɛ ba naa funɛ li Saiprus pulum awa Sairini pulum a wa nyɛn Jɛrusalɛm ni, ba gbanko fun pisi a la Antiɔk. Ba waa funɛ biksi Koosa laaboor weri ti ya kunyan Yesu wɛ a nyɛ Ju tim ta awa ba naa vɛ ya Ju tim ni.

Tuma 11:22

Yesu nitiŋɛ ba naa funɛ nyɛn Jɛrusalɛm ni, funɛ nu chenani ya Antiɔk ni a tum Barnabas dooni.

Tuma 13:1

Yesu nitiŋɛ ba naa funɛ nyɛn Antiɔk ni, bɔnɛ yaa mɔɔli Koosa laaboor weri ti. Bɔnɛ ka yaa biksi ba o mun. Ba funɛ yir ba sɔna, Barnabas, Simiɔn naa funɛ ya nibin bilim, Lusius naa funɛ li Sairini pulum, Manayɛn naa wa koor Hɛrɔd funɛ lagmi a bi, awa Sɔɔl.

Tuma 13:4

Koosa siim weri ti fun ŋɔ Barnabas awa Sɔɔl ni di ba la tɔhɔn naa ba yir Selusia a la zu arŋa a la Saiprus pulum naa ni go chen.

Tuma 13:46

Chenani ba funɛ sɛm nyɛ Pɔɔl awa Barnabas bambe kpok ka Pɔɔl ŋɔ ba, “O deŋlu wa ya te kpa Koosa laaboor weri ti a biksi ma Ju tima. Ya waa funɛ nyɛ ma nyinbaan di ma nu un a la Koosa mi fali naa vɛ kpak bɔ ka ma vɛ a. Chenani ma vɛ chen, ya wa zi bu biksi Koosa laaboor weri ti a nyɛ Ju tim ta ni. Ya ka zi biksi unu a nyɛ ba naa vɛ ya Ju tim ta duŋduŋ nɛɛ.

Tuma 14:26

a la zu arŋa dooni a bur kaali Antiɔk naa nyɛn Siiriya pulum ni chen. Antiɔk ti nɛɛ Yesu nitiŋɛ ta fun te kpa Pɔɔl awa Barnabas a du Koosa nin ni di o suŋi ba ba la tum o tuma a li tɔsi naa bole ni a peti.

Tuma 15:22

Jems funɛ sɛm peti, nitumɛ ta, nihɛɛti ta awa Yesu nitiŋɛ ta maga fun lisi nara balɛ a li ba tuhu ni di ba la lagmi Pɔɔl awa Barnabas ni ba la Antiɔk. Ba sɔna funɛ ya Judas Barsabas awa Sailas. Yesu nitiŋɛ ta maga fun nyɛ ba jirima kinkan.

Tuma 15:3

Yesu nitiŋɛ ta maga fun tiŋ ba a li ta nyinbaan ni. Ba funɛ nyɛn nyinbaan ni a la chene, ba fun ŋɔ Yesu nitiŋɛ ba naa nyɛn Fonisia pulum awa Samaria pulum chenani ba naa vɛ ya Ju tima nidamata funɛ gil ba tum tagna a bur tiŋ Koosa. Chenani Antiɔk tim ta fun ŋɔ ba nyɛ ba tusa sɔɔni kinkan.

Tuma 15:30

Nitumɛ ta awa nihɛɛti ta fun kpa tɔn ti a la nyɛ nara banaasi ta ni ba kpa kaali Antiɔk. Ba fun la tel doon a lagmi Yesu nitiŋɛ ta maga dɔŋ ni a kpa tɔn ti a nyɛ ba.

Tuma 15:35

Pɔɔl awa Barnabas fun kpalimi Antiɔk ni. Ba wa Yesu nitiŋɛ ta fun biksi nara Koosa laaboor weri ti wɛ.

Tuma 15:39

Pɔɔl awa Barnabas funɛ di amɔrɛ kpok o daha a waligi dɔŋ ni. Barnabas fun kpa Maak a la zu arŋa ba kaali Saiprus pulum.

Tuma 18:22

O fun la tel Siizaria a li arŋ ti ni a la zaami Yesu nitiŋɛ ba naa nyɛn Jɛrusalɛm ni a gali kaali Antiɔk a li Siiriya pulum ni.

Tuma 21:16

Yesu nitiŋɛ ba naa funɛ nyɛn Siizaria ni, bɔnɛ fun gbaari ya ni a kaali. Ya funɛ la tel Jɛrusalɛm, ba fun te ya suwachak a kpa ya a la baal naa ba yir Manasɔn, dama di ya nyɛn dooni. O funɛ li Saiprus pulum nɛ ka o se su ya kunyan ti a vusi.

Tuma 21:2

Ya fun li arŋ ti ni dooni a la zu arŋ naa la daŋni o la Fonisia pulum. Ya fun li Patara ni,

Tuma 3:26

Chendaha Koosa fun lisi o be Yesu di o ya o tumtumna a te tum un ma wati di o kpa o nyusum a nyɛ ma ma gil ma tum tagni ta a bur tiŋ Koosa.”

Tuma 4:36

Ba nidigi sɔn funɛ ya Josɛf. Nitumɛ ta gbanko funɛ yir un Barnabas. Barnabas ti mun ya, ‘naa la kpami nara’. O funɛ li lul naa ba yir Livai nɛɛ a li pulum ni gore. Ba yir dooni Saiprus.

Tuma 6:5

Ba sɛm ta funɛ nyɛ Yesu nitiŋɛ ta tu sɔɔnau kinkan. Doone ba fun lisi baal naa sɔn ya Stivin. O si funɛ su Yesu nɛnɛ ka Koosa siim weri ti fun te o suwachak. Ba gbanko fun lisi Filip, Prɔkɔrɔs, Nikanɔr, Timɔn, Parminas awa Nikolas naa funɛ si a bur tiŋ Ju tim jɛɛmi nyinbaan. O funɛ li tɔhɔn naa ba yir Antiɔk. Ba fun kpa ba a gbaari Stivin ni.

Gal. 2:11

Wuzu bilɛ Pita fun wa dooni. O funɛ nyɛn doon chene, mu fun a fiksi un gbampulim ni di mu na o galimsau.