Tuma 11:12 - Tampulma

¹² Koosa siim weri ti fun ŋɔ min di mu si tu la ba wati a ta ɔmi di mu tiŋ ba. Yesu nitiŋɛ nara banɔra ba naa nyɛn Jɔpa ni, fun wa gbaari ya ni. Ya maga fun kaali Siizaria a la zu Kɔnilius dama.

Tuma 11:12 Marejeleo ya Msalaba

Mat. 1:20

Josɛf funɛ lisi a nama maga, Koosa malaikasi ta digi fun wa o wati. Josɛf fun na un a chi oo deesi. Malaika ti fun ŋɔ un, “Josɛf, Devid bi luli, Koosa siim weri ti nyɛ Mɛri kpak lo. Ta ɔmi wa i kpa un wa i dama.

Jɔn 16:13

Koosa siim weri naa ya wuti tiina, wa nyɛn ma bambe ni, o zi nyini mau a li wuti nyinbaan ni. O biksi ti wa zi wa li o titi ni. Sɛm naa o zi wa nu mu wa mu nyan ti wati, o zi kpa au a sɛm ma. O gbanko zi biksi ma kin nawara zi wa yau wɛ.

Tuma 1:15

Wuzu digi Yesu gantɛl tiŋsa ba naa funɛ dugli nara kɔkwa awa fumlɛ, funɛ lagmi dɔŋ ni. Pita fun si a chiŋi ba bambaan ni a ŋɔ ba,

Tuma 10:23

Pita funɛ nu ba sɛm ta, o fun yir ba di ba wa chɔ. Chɔɔsa funɛ wa pisi, ba maga fun si a tiŋ dɔŋa a kaali. Yesu nitiŋɛ ba naa funɛ nyɛn Jɔpa ni, bɔnɛ fun gbaari ba ni a kaali.

Tuma 10:45

Alaazibu kinkan fun kpak Ju tim ba naa ya Yesu nitiŋɛ ka ba wa Pita fun li Jɔpa a wa chen. Hali saha ti Koosa wa fun kpa o siim weri ti a du ba naa vɛ ya Ju tim ni. Chendaha alaazibu fun kpak ba chen.

Tuma 11:13

Waa funɛ ŋɔ ya di o na Koosa malaikasi ta digiu o dam ti ni. Malaika ti fun ŋɔ un, ‘Tum i walɛ ta bɔnɛ ba la yir baal naa ba yir Pita chen a li Jɔpa ni. O sɔn digi ya Simɔn.

Tuma 13:2

Wuzu digi Yesu nitiŋɛ ta funɛ jɛɛmi ya kunyan ti a la vɔu nɔ, Koosa siim weri ti fun ŋɔ ba, “Min funɛ lisi Barnabas awa Sɔɔl di ba tum tum digi a nyɛ min. Ma waligi ba a nyɛ min.”

Tuma 13:4

Koosa siim weri ti fun ŋɔ Barnabas awa Sɔɔl ni di ba la tɔhɔn naa ba yir Selusia a la zu arŋa a la Saiprus pulum naa ni go chen.

Tuma 15:7

Ba funɛ sɛm chene a vusi, Pita fun si chiŋi ba bambaan ni a ŋɔ ba, “Mu niinbisa, ma zimu di Koosa funɛ lisi min a li ma ni saha digi di mu la biksi o laaboor weri ti a nyɛ ba naa vɛ ya Ju tim ni, chen ni ba zi nu unu a nyɛ ba se su un.

Tuma 15:9

Koosa funɛ gil ba tum tagna a nyɛ ba domi ba se su o laaboor weri ti daha. Nan biksi ya di ya naa ya Ju tima awa ba naa vɛ ya Ju tima ya nibɛgimnɛ.

Tuma 28:15

Yesu nitiŋɛ ba naa nyɛn dooni, fun val nyinbaan ziŋi a wa chem ya. Bɔnɛ fun chem ya a li yawa naa ba yir Apius. Ba wa ya fun val tama ka ba naa tiŋ ba gantɛl a wa chen, fun chem ya a li hɔɔra bar chɔɔli damsi butora. Pɔɔl funɛ na ba chen, o kpami un o zaami Koosa chen daha.

Tuma 8:29

Koosa siim weri ti fun ŋɔ Filip ni, “Kila a la tiŋ o gantɛl.”

Room 3:22

Koosa wa bu a na ba naa maga se su Yesu Kristo galimsa.

2 Tɛs. 2:2

nara ŋɔ ma di ya kunyan ti piin bur wau, ma ta nyɛ o jɛri ma a li ma lise ni a ta nyɛ ba sɛma kimuksi ma. Nara nama ŋɔ ma di ba ya Koosa witinsiwa akoo ba karimɛ tɔnnɛ a ŋɔ di min sɔbɛɛ, ma ta nu ba sɛm ta.

JɔnN Deesi 22:17

Koosa siim weri ti awa piisi be haan ti la ŋɔ, “Ma wa.” Ba naa maga nu ba sɛma zi gbaari a ŋɔ, “Ma wa.” Ma naa maga nyɔksa kpak, ma wa nyɔ Koosa mi fali ni yɔri.