Tuma 10:35 - Tampulma

³⁵ Ba naa maga yaa tum tum were a la nyɛ un jirima a li pulumsi maga ni, o zi la ba duu.

Tuma 10:35 Marejeleo ya Msalaba

Luk 1:28

Malaika ti fun wa zaami Mɛri a ŋɔ un, “Koosa dugli hinu a daŋni o suŋi hin.”

Tuma 10:2

O wa o walɛ yaa funɛ sumi Koosa a la jɛɛmi un. O gbanko yaa funɛ suŋi Ju tim fara tim tau.

Tuma 10:28

Pita fun ŋɔ ba, “Ma zimu nɛnɛ di Ju tim ta chiksɛ biksɛɛ di ya wa ba naa vɛ ya Ju tima ta lagmi dɔŋ ni. Koosa ka funɛ biksi minu di mu zi kotiu a lagmi nara maga ni.

Tuma 15:9

Koosa funɛ gil ba tum tagna a nyɛ ba domi ba se su o laaboor weri ti daha. Nan biksi ya di ya naa ya Ju tima awa ba naa vɛ ya Ju tima ya nibɛgimnɛ.

Tuma 9:31

Saha ti kpa la, Yesu nitiŋɛ ba naa funɛ nyɛn Judia pulum, Galili pulum awa Samaria pulum ni, wa fun bu namsi. Koosa siim weri ti fun nyɛ ba se su a gbaari a la nyɛ ya kunyan ti wa jirima saha maga. Nidamata fun nyɛ ba se su un a gbaari ba ni.

Room 2:13

Nara funɛ nu o chiksɛ ta duŋduŋnɛ, ba galimsa ti ha vɛɛn nyɛn o watiu. Amaa ba naa ka tiŋ a nɔ, o wa zi bu na ba galimsa.

Room 2:14

Ba naa vɛ ya Ju tima, ba wa la o chiksɛ ta. Amaa ba bambe nyɛ ba tum chenani o chiksɛ ta ŋɔ di baa tiŋ, ba titi bambe la nyɛ ba chiksɛ.

Room 3:22

Koosa wa bu a na ba naa maga se su Yesu Kristo galimsa.

1 Kɔr. 12:13

Ya bɔnɛ ya Ju timwa. Ya bɔnɛ ka wa ya Ju tima. Ya bɔnɛ ya yosa ka ya bɔnɛ ka dɔ ya titi. Amaa Koosa funɛ kpa o siim weri tiu a du ya maga ni ya burgi nibɛgim.

2 Kɔr. 7:1

Mu bi daŋnɛ, sɛm nama ya vɔwi naa o fun vɔu a nyɛ ya. Ma nyɛ ya chaksi ya titi, chen ni ya zi yisi doŋau a li ya bara awa ya bambe ni a ta. Ma nyɛ ya kpaŋi saha maga hali a wa peti a ya tu chaan tima, domi ya nyɛ Koosa wa jirima.

Gal. 3:28

Ma naa ya Ju tima awa ma naa vɛ ya Ju tima, ma naa ya yosa awa ma naa vɛ ya yosa, ma nibaala awa ma nihaana, ma maga ya nibɛgimnɛ, domi ma wa Yesu Kristo ya nibɛgimnɛ.

Ɛfɛ. 1:6

Koosa funɛ suŋi yau a kaali chenani o daŋni. Ma nyɛ ya pɛgi un o funɛ kpa o be daŋni a nyɛ ya yɔri chen.

Ɛfɛ. 5:21

Ma kpa ma bambe a lagmi dɔŋ ni, chen ni ma zi nyɛ Yesu Kristo wa jirimau.

Filip. Tima 3:3

Ba teŋsi ti wa ya wuti. Koosa wara daŋni ya teŋsi ya bara, domi o funɛ kpa o siim weri tirɛ a nyɛ ya, chen ni ya zi kotiu a jɛɛmi un wa wuti ni. Lalaknɔ Yesu Kristo ya ya jirima tiina. Ya wa bu kpak wu digi a li chenani nara tum tuma li ba titi kpok ni.

Kɔl. 1:6

Koosa laaboor were tirɛ ba kpa a mɔɔli bar damata ni a gbaari. Nara kinkan se funɛ su Koosa, ba bur a tum tum were o daha. Saha naa ma se fun te lɛli a zim di Koosa funɛ suŋi mau, o gbanko fun nyɛ ma se su un, chen ni ma zi tum tum wereu.

Kɔl. 3:11

Ba naa kpak Koosa suwachak tuhu kina wɛ, ba wara zim di digi ya Ju timwa ka digi ka vɛ yaali. Ba wara zim di digi teŋu ka digi ka vɛ teŋi. Ba wara zim di digi ya hɔɔrrɛ ka digi ka vɛ yaali. Ba wara zim di digi ya yomne ka digi ka vɛ yaali. Baa zimu di Kristo kaali kina maga. Waa nyɛn o nitiŋɛ ta maga wati.

1 Jɔn 2:29

Ya zimu di Yesu wɛ maga deŋlu. Chendaha ya zim di ba naa maga tuma deŋlee, ba ya Koosa bisiwa.