Tuma 10:22 - Tampulma

²² Ba fun ŋɔ un, “Ya kunyana Kɔnilius naa ya lanjimasa nihɛɛ, tum ya i wati. O ya nibin werire a yaa jɛɛmi Koosa ka Ju tim ta maga nyɛ un jirima kinkan. Koosa malaikasi ta digi funɛ wa ŋɔ un di o yir hin i wa o dama, chen ni o zi nu chenani i daŋni i ŋɔ unu.”

Tuma 10:22 Marejeleo ya Msalaba

Mat. 1:19

Josɛf funɛ ya wuti tiinne. Chendaha o funɛ daŋni o tum chenani deŋlee. O wa funɛ daŋni o du Mɛri wa hiisa nara suwachak ni a la daŋni o sogli a vɛ un.

Mat. 2:12

Ba funɛ hiisi chene, Koosa fun sɛm ba a li ba deesi ni a ŋɔ, “Ma ta bur la Hɛrɔd wati.” Doone ba fun si a tiŋ nyinbaan digi a kaali ba tɔha.

Maak 6:20

Hɛrɔd funɛ ɔm Jɔnu a la nyɛ un jirima, domi o funɛ zim di Jɔn ya nibin werere. Adaha o fun vɛ la nɔɔni di ba kpu un. Hali Jɔn sɛm ta fun muksi un kinkan, amaa o ha funɛ vɛɛn a daŋni o nu o sɛm tau.

Maak 8:38

Zinan nara vɛ Koosirɛ kinkan a la tum tum tagna. Nar kpa hiisa a du mu biksi nɔ ni lalaknɔ, saha naa n waa nibine be wa bur wa awa Koosa jirima awa o malaikasi ta, n gbanko zi wa kpa hiisau a du un ni.”

Luk 2:25

Baal digi funɛ nyɛn Jɛrusalɛm ni. Ba yir un Simiɔn. O funɛ ya narrɛ a la tiŋ Koosa nɛnɛ. O funɛ pɔ di Koosa tum naa kaa wa yisi Ju tim tum tagna. Koosa siim weri ti nyɛn un ni.

Luk 23:50

Ju tim baal digi funɛ nyɛn doon a li tɔhɔn naa ba funɛ yir Arimatia. O sɔn funɛ ya Josɛf. O funɛ ya tum were tiinnɛ a kpak sɔn weri nara wati a nyini di o wa na saha naa Koosa zi wa dɔ nara. O funɛ ya sɛria nidiile ta nidigirɛ, amaa o tuha wa fun sɔɔni chenani ba di Yesu sɛria chen.

Luk 9:26

Nar kpa hiisa a du mu biksi nɔ ni lalaknɔ, saha naa n waa nibine be wa bur wa awa Koosa jirima awa o malaikasi ta, n gbanko zi wa kpa hiisa a du un niu.

Jɔn 13:20

Ma bu nu mu wati nɛnɛ. Ba naa maga la naa mu tum a du, minnɛ ba la du chen. Ba naa maga la min a du, naa tum min chene ba la du.”

Jɔn 17:20

“Mu ha vɛɛn a sumi hinu a nyɛ mu gantɛl tiŋsi ta ni a gbaari ba naa la zi nyɛ ba se su min a li ba biksi ti ni.

Jɔn 17:8

Sɛm naa i fun sɛm nyɛ min chen, mu funɛ kpa au a ŋɔ ba. Ba se funɛ su di hin tum min ba wati.

Jɔn 5:24

“Sɛm naa mu kaa sɛm nan ya sɛm birigewa, adaha maa nu a nɛnɛ. Ba naa maga nu mu biksi nɔ a nyɛ ba se su Koosa naa tum min chen, o zi nyɛ ba o mi fali naa vɛ kpak bɔu. O gbanko wa zi bu na ba galimsa ba tum tagna daha a ta ba yɔri.

Jɔn 6:63

Ba funɛ lul ma, ma wa fun kpak Koosa miisa naa vɛ kpak bɔ. Koosa siim weri ti wa nyɛn nar ni, o fun kpa Koosa mi fali naa vɛ kpak bɔ a du o bambi ni. Mu ŋɔ ma lalaknɔwa chenani ma zi na o mi fali ti,

Jɔn 6:68

Simɔn Pita fun ŋɔ un, “Mu kunyana, anti watɛɛ ya kaa la? Hin kpak Koosa mi fali naa vɛ kpak bɔ sɛma,

Tuma 10:2

O wa o walɛ yaa funɛ sumi Koosa a la jɛɛmi un. O gbanko yaa funɛ suŋi Ju tim fara tim tau.

Tuma 10:21

Pita fun si tu a la ŋɔ ba, “Min ya naa ma dɛu chen. Baŋnɛ maa daŋni mu suŋi ma?”

Tuma 10:30

Kɔnilius fun ŋɔ un, “Wuzu bunaasi gantɛl ni saha naa niparɛ yaa si ba par ni chen, mu funɛ nyɛn bar nɔwa a sumi Koosa. Chen saha ti awa lalaknɔ funɛ ya kibɛgimnɛ. Baal digi fun laari kichaani a vaan wa chiŋi mu suwachak ni,

Tuma 10:33

Mu fun vaan tum ba di ba la yir hin. I ka ya nibin weri a wa. Lalaknɔ ya maga lagmi bar nɔwa Koosa suwachak ni a pɔ di i ŋɔ ya chenani o ŋɔ hin.”

Tuma 10:6

O nyɛn Simɔn naa la tum sela tɔna tuma chen dam nɛɛ a dugli teku nɔ.”

Tuma 11:14

Waa la zi ŋɔ ma chenani i wa i walɛ zi ya, chen ni Koosa zi wa yisi mau a li ma tum tagna ni ma bur a tiŋ un.’

Tuma 22:12

“Baal digi funɛ nyɛn doon ba yir un Ananias. Waa yaa funɛ jɛɛmi Koosa wa wuti ni aa tiŋ ya chiksɛ ta nɛnɛ. Ju tim ba naa maga nyɛn Damaskus ni, funɛ nyɛ un jirima kinkan.

Tuma 24:15

Chenani Ju tim ba naa nyɛn bar nɔ nan kpak bambi bɛgim di wuzu digi Koosa zi wa lɛli ba naa la tum tum were awa ba naa la tum tum tagnau a li ba sou ni, awa chenani min du ya kibɛgimnɛ.

Tuma 6:3

Ya dɔŋtima, ma nyɛ ya lisi nara banɔpɛ ba naa nyɛn ya ni a kpak jirima awa nɛha kinkan a nyɛ Koosa siim weri ti te ba suwachak, kinyini malɛ ta.

Room 1:17

Koosa biksi yau gbampulim ni a li o laaboor weri ti ni chenani o zi bu vɛ na nibinsa galimsa o wati. Chenani nibinsa se duŋduŋ su un nyɛ o tum chen. Ba fun sɔbi chen wɛ a li o sɛm tɔn ti ni saha digi a ŋɔ, “Nara se su Koosa, o wa zi bu na ba galimsa o wati a kpa o mi fali a nyɛ ba.”

2 Kɔr. 5:18

Kin nama magawa Koosa fun ya nyɛ ya. Yesu Kristo siwi daha, Koosa wa ya fun bu ya nɔ bɛgim a daŋni ya la ŋɔ nara ni o wɛ, chen ni o wa ba gbanko zi bu ya nɔ bɛgimu.

1 Tim. 3:7

O lawa ba naa vɛ zim Koosa, kinyɛ un jirimau, chen ni sintana wa zi wa mo o lo o di hiisa.

Ju 10:38

Nara se su Koosa, o wa zi bu na ba galimsa o wati a kpa o mi fali a nyɛ ba. O tuha wa zi sɔɔni a li ba naa bur ba se suuli ni.”

Ju 11:2

Nidamata ba naa funɛ nyɛn saha digi, nyɛ ba se su Koosa a sɔɔni o tuha.

Ju 12:23

Ma funɛ dugli Koosa nara ba naa lagmi dooni ka ba sɔbi ba sɔna a du Koosa tɔn naa nyɛn dooni. Waa bu vɛ na ba galimsa a yisi ba a li ba tum tagna ni hali a wa peti. O gbanko zi di nara maga sɛriau.

2 Pita 3:2

Mu daŋni maa lisi sɛm naa Koosa witinsi ta fun sɛm saha digi wɛwa awa chenani ya kunyana naa funɛ yisi ya a li ya tum tagna ni yaa tiŋ un, fun a biksi o nitumɛ. Ba fun kpa chenani ba nu a wa biksi ma.

3 Jɔn 1:12

Dimitrius ya nibin werire. Nara maga zimu di oo tiŋ Koosa wuti nyinbaannɛ nɛnɛ. Mu titi ŋɔɛɛ di o ya nibin werire ka i zim di mu sɛm ya wutirɛ.

JɔnN Deesi 14:10

Koosa na paan kinkan a du ba ni a lɛrgi ba diŋsa. O paan kinkan chi sin kpokre ba vɛ kpa kundɔŋ a pulsi, naa o muksi ba di ba nyɔ. O zi nyɛ ba kpa bau a du din ni di ba namsi kinkan a li piisi be ti awa o malaikasa naa o fun lisi a nyɛ o titi ni suwachak ni.