Tuma 1:15 - Tampulma

¹⁵ Wuzu digi Yesu gantɛl tiŋsa ba naa funɛ dugli nara kɔkwa awa fumlɛ, funɛ lagmi dɔŋ ni. Pita fun si a chiŋi ba bambaan ni a ŋɔ ba,

Tuma 1:15 Marejeleo ya Msalaba

Mat. 13:31

Yesu fun bukoo jɛɛgi jɛɛgɛ a ŋɔ ba, “Koosa koor ti chi kiduha naa ba yir ‘mastad’ ba yaa kpa a du chene. Waa yaa kidusi maga kiwewe.

Luk 22:32

N funɛ sumi Koosa a nyɛ hinu di chenani i si su min wa zi bur gantɛl hali a wa peti. Sintana wa zaamsi hin, i zi chelu, amaa i burɛɛ a tiŋ min nɛnɛ, n daŋni i chiŋi i dɔŋtima gantɛl nɛɛ.”

Jɔn 14:12

Wutirɛ mu ŋɔ ma, ba naa se su min, ba zi tum chenani mu tumu. Hali ba zi tumu tum zene a kaali chenani mu tum, domi mu zi wa bur la mu nyan ti watiu.

Jɔn 21:23

Chenani Yesu fun sɛm nyɛ o gantɛl tiŋsi ta fun ŋɔ dɔŋ ni di naa o daŋni kinkan wa zi wa sou. Yesu wa fun sɛm o wɛ di o wa zi sou. O ka funɛ ŋɔ Pita ni, “O ya mu tutɔ di o ha vɛɛn kpak miisa ka mu wa bur wa, o wa ya i wi.”

Tuma 10:23

Pita funɛ nu ba sɛm ta, o fun yir ba di ba wa chɔ. Chɔɔsa funɛ wa pisi, ba maga fun si a tiŋ dɔŋa a kaali. Yesu nitiŋɛ ba naa funɛ nyɛn Jɔpa ni, bɔnɛ fun gbaari ba ni a kaali.

Tuma 11:1

Nitumɛ ta awa Yesu nitiŋɛ ba naa maga nyɛn Judia pulum ni, fun nu di ba naa vɛ ya Ju tim chen, bɔnɛ nyɛ ba se su Koosa laaboor weri ti.

Tuma 11:12

Koosa siim weri ti fun ŋɔ min di mu si tu la ba wati a ta ɔmi di mu tiŋ ba. Yesu nitiŋɛ nara banɔra ba naa nyɛn Jɔpa ni, fun wa gbaari ya ni. Ya maga fun kaali Siizaria a la zu Kɔnilius dama.

Tuma 11:26

O funɛ na un, Barnabas fun kpa un a bur kaali Antiɔk. Ba fun nyɛn doon bun bɛgim aa biksi Yesu nitiŋɛ ba naa i kinkan chen. Saha tirɛ ba naa funɛ nyɛn doon chen fun te chɛrgi chenani ba yir Yesu nitiŋɛ ta a du ba Yesu Kristo nitiŋɛ ta.

Tuma 11:29

Yesu nitiŋɛ ba naa funɛ nyɛn Antiɔk ni, funɛ daŋni ba suŋi ba niinbisa ba naa nyɛn Judia pulum ni. Ba nibɛgim bɛgima fun lisi chenani ba nyaŋi a li ba malɛ ni,

Tuma 12:17

O fun kpa o nin a ya ba ba gil chɛɛma a ŋɔ ba chenani ya kunyan ti yisi un a li dɛ naa ba tɔ nara chen ni. O fun ŋɔ ba, “Ma la ŋɔ Jems awa Yesu nitiŋɛ ta chenani yɛɛ.” Doone o fun gil ba a kaali bar digi.

Tuma 14:2

Ju tima ba naa se funɛ vɛ suuli funɛ nyɛ ba naa vɛ ya Ju tim ta, bɔnɛ paan fun si a du nara balɛ ta ni.

Tuma 15:1

Wuzu digi nibin bɔnɛ fun li Judia pulum a kaali Antiɔk a la biksi Yesu nitiŋɛ ba naa ya ya nibinsa a nyɛn dooni, a ŋɔ ba, “Koosa wa kikoti a yisi ma a li ma tum tagna ni see ba teŋsi ma a chi chenani Ju tim ta chiksɛ ta biksi ya.”

Tuma 15:3

Yesu nitiŋɛ ta maga fun tiŋ ba a li ta nyinbaan ni. Ba funɛ nyɛn nyinbaan ni a la chene, ba fun ŋɔ Yesu nitiŋɛ ba naa nyɛn Fonisia pulum awa Samaria pulum chenani ba naa vɛ ya Ju tima nidamata funɛ gil ba tum tagna a bur tiŋ Koosa. Chenani Antiɔk tim ta fun ŋɔ ba nyɛ ba tusa sɔɔni kinkan.

Tuma 16:2

Ya niinbisa ba naa maga nyɛn Listira awa Ikonium ni, funɛ sɛm di Timoti ya narrɛ.

Tuma 16:40

Pɔɔl awa Sailas fun kaali Lidia dama di ba la na ba niinbisa ba naa lagmi dooni. Ba fun sɛm sɛma a kpami ba a li tɔhɔn ti ni.

Tuma 17:10

Dusum funɛ wa biri, Yesu nitiŋɛ ta fun tum Pɔɔl awa Sailas a li tɔhɔn naa ba yir Bɛrɛa. Ba fun la tel doon a la zu Ju tim ta bar lagmi dɛ.

Tuma 17:14

Ya niinbisi ta fun vaan lisi ba bɔnɛ a li ba ni di ba wa Pɔɔl kila ni nɔ. Sailas awa Timoti fun kpalimi Bɛrɛa ni.

Tuma 17:6

Ba funɛ vɛ na ba, ba fun kpak Jesɔn awa Yesu nitiŋɛ ta bɔnɛ a zaksi ba a la tɔhɔn ti nihɛɛta suwachak a tɛsi a ŋɔ, “Doonani nara nama la, ba yaa muksi narawa kinkan. Lalaknɔwa ba tel ya tɔha,

Tuma 18:18

A gantɛl nɛɛ Pɔɔl fun nyɛn Kɔrint ni a vusi. Doone Yesu nitiŋɛ ta fun tiŋ o wa Akwila awa Prisila a la ta nyinbaan ni ba la tɔhɔn naa ba yir Kɛnkrɛa. Doonee Pɔɔl fun vɔu vɔwi a nyɛ Koosa ni di o zi tiŋ unu a gbaari a nyɛ ba funi o nyuha di nara zim. Ba fun zu arŋ naa le la Siiriya pulum.

Tuma 18:27

O fun wa ya wuzu bilɛ Apɔlɔs fun lisi di o zi la Girik tim pulumu. Yesu nitiŋɛ ba naa funɛ nyɛn Ɛfɛsus ni, daŋni ba suŋi un a sɔbi tɔn a nyɛ ba niinbisa ba naa nyɛn dooni. Ba fun sɔbi a ŋɔ di o wa tel ba la un nɛnɛ a du. O fun la tel doon a suŋi ba naa Koosa fun suŋi a nyɛ ba, se su un chen kinkan.

Tuma 21:17

Yesu nitiŋɛ ba naa nyɛn Jɛrusalɛm ni fun la ya du num num ni.

Tuma 21:20

O funɛ sɛm peti, Jems awa nihɛɛti ta fun pɛgi Koosa chenani o tum chen daha. Ba fun ŋɔ Pɔɔl ni, “Ya niinbe, i zimu di Ju tima ba naa nyɛn bar nɔ, tusugsa funɛ nyɛ ya se su ya kunyan ti a kpak un ba bambe ni kinkan di ba tiŋ ba chiksɛ ta.

Tuma 21:7

Ya fun li dooni a tiŋ ni nɔ kaali tɔhɔn naa ba yir Tɔlimeis. Ya fun bu gil arŋ ti dooni a la zaami Yesu nitiŋɛ ta a nyɛn ba wati wuzu bɛgim.

Tuma 22:5

Koosa dam kɔkɔɔrsi ta nihɛɛ ti awa tɔhɔn ti nihɛɛti maga zimu di mu ŋɔ ma wutirɛ. Ba fun sɔbi tɔna a nyɛ min di mu kpa la nyɛ Ju tima ba naa nyɛn Damaskus ni, chen ni ba zi suŋi minu. Mu fun la tel doon a kpaksi Yesu nitiŋɛ ta nidamata a kpa zɔglɛ a vɔti ba a kpa ba bur wa bar nɔ di mu lɛrgi ba diŋsa.”

Tuma 28:14

Yesu nitiŋɛ ba naa nyɛn dooni, fun nyɛ ya wa nyɛn ba wati. Wuzu bunɔpɛ gantɛl ni, ya fun li dooni a kaali Room.

1 Kɔr. 15:6

Chen saha ti o nitiŋɛ tusugsa nyuu gbanko funɛ lagmi a na un. Ba nidamata ha vɛɛn nyɛn dooni, amaa bɔnɛ situ.

JɔnN Deesi 11:13

Tɛɛnɛ ti fun vaan zigsi kinkan a kpu ba nara tusugsa nɔpɛ a purigi tɔhɔn ti bufi a lisi bar digi a chɔk. Ba naa funɛ ka, hansura fun kpak ba hali a la gali ka ba nyɛ Koosa naa nyɛn o tɔhɔn ti ni wa jirima kinkan.

JɔnN Deesi 3:4

Ma naa nyɛn Sardis ni, bɔnɛ ha wa tum tum tagna naa nyɛ ma tusa doŋ. Mu zi nyɛ ma kipilimau ma laari a nyɛ ma wa min lagmi dɔŋ ni chenani ma ya chen daha.