Room 9:3 - Tampulma

³ Mu fu koti a chiŋi ba bar chiŋi ni a nyɛ Koosa ŋɔ nɔ a nyɛ min a waligi min a li Kristo ni, mu fu zi ya chenu.

Room 9:3 Marejeleo ya Msalaba

Tuma 13:26

“Mu niinbisa, ma naa ya Abraham bi lulɛ, awa ma naa vɛ ya Ju tima a la jɛɛmi Koosa. Laaboor weri naa la biksi chenani Koosa daŋni o lisi nara a li ba tum tagna ni ba tiŋ un ya ya kinnɛ.

Tuma 22:5

Koosa dam kɔkɔɔrsi ta nihɛɛ ti awa tɔhɔn ti nihɛɛti maga zimu di mu ŋɔ ma wutirɛ. Ba fun sɔbi tɔna a nyɛ min di mu kpa la nyɛ Ju tima ba naa nyɛn Damaskus ni, chen ni ba zi suŋi minu. Mu fun la tel doon a kpaksi Yesu nitiŋɛ ta nidamata a kpa zɔglɛ a vɔti ba a kpa ba bur wa bar nɔ di mu lɛrgi ba diŋsa.”

Tuma 28:21

Ju tima ba naa funɛ nyɛn Room ni, fun ŋɔ un, “Ya niinbisa ba naa nyɛn Judia pulum ni, digi wa to a sɔbi i wɛ a du tɔn ni a nyɛ ya. Nandigi wa gba a li dooni a wa ŋɔ ya i laaboora koo a chɔk i sɔn ya wati.

Room 1:3

O ya o be wɛwa. Waa ya ya kunyana Yesu Kristo. O ya koor hɛɛ Devid be lulirɛ,

Room 11:1

Koosa funɛ vɛ o nara magauu? Aai. Mu gbanko ya Ju tim narrɛ awa Abraham lul bisa digi a li Bɛnjamin walɛ ni.

Room 11:14

Nan daha, amii mu titi nara bɔnɛ kpak ma handɔtau, chen ni Koosa zi koti a yisi bau a li ba tum tagna ni.

Room 16:11

awa Hɛrɔdiɔn naa ya Ju tiina a chi min. Ma zaami ba naa ya Yesu nitiŋɛ ta a nyɛn Nasisus dam ni,

Room 16:21

Timoti naa wa min la tum tuma zaami mau. Lusius, Jesɔn awa Sosipata ba naa ya Ju tim ta, gbanko zaami mau.

Room 16:7

awa Andrɔnikus awa Junias ba naa wa min ba fun tɔ dɛ chen. Ba ya Ju timwa a chi min. Ba se funɛ te min a su Yesu, ka Koosa nitumɛ ta nyɛ ba jirima.

Room 9:2

Mu titi nara se wa su Yesu Kristo. Chendaha mu tuha chɔk aa kpak muksi kinkan.

1 Kɔr. 12:3

Adaha mu daŋni ma zimu di nibine naa Koosa siim weri ti nyɛn, o wa zi koti a ŋɔ nɔ a nyɛ Yesu ni. Nibine wa to a la zi koti a sɛm nara ni di Yesu ya o kunyannɛ, see Koosa siim weri ti nyɛn un ni.

1 Kɔr. 16:22

Nibine naa vɛ daŋni ya kunyan ti, Koosa zi ŋɔ nɔu a nyɛ un. Ya kunyana, kuwa.

2 Kɔr. 12:15

Mu daŋni mu kpu mu titirɛ a nyɛ ma, chen ni mu zi suŋi mau. Chenani mu daŋni ma la suwachak, ma daŋni zi bur gantɛluu?

Gal. 1:8

Koosa malaikasi ta digi zi wa li o tɔhɔn tiu koo min wa biksi ma laaboor weri naa kurgɛɛ a li Koosa laaboor weri naa ya piin biksi ma chen, Koosa zi na ya galimsau a ta ya yɔri.

Gal. 1:9

Mu funɛ te ŋɔ ma nanu. Lalaknɔ mu bur a ŋɔ mau. Nandigi biksi laaboor weri ti ka o kur a li Koosa laaboor weri naa ma fun a la nɔɔni di o ya wutirɛ, Koosa zi na o galimsau a ta un yɔri.

Gal. 3:10

Ba naa la nyini Koosa chiksɛ ta tiŋi se ni aa tiŋ a nɔ, Koosa zi ŋɔ nɔu a nyɛ ba. Ba fun a sɔbi a li o sɛm tɔn ti ni a ŋɔ, “Nar tim Koosa chiksɛ hali a wa peti a chel, Koosa zi ŋɔ nɔu a nyɛ un.”

Gal. 3:13

Kristo funɛ sou, waa funɛ chiŋi doonani Koosa kaa ŋɔ nɔ a nyɛ ya bar chiŋi ni a la ya nyuuna a nyɛ ya. Ba fun bukoo sɔbi a li o sɛm tɔn ti ni a ŋɔ, “Koosa zi ŋɔ nɔu a nyɛ naa ba yisi a tɛ daakakli ti ni.”

Ɛfɛ. 6:5

Yosa, maa nyɛ ma kunyama wa jirima kinkan aa tiŋ ba nɔɔna ma bambe ni, a chi chenani maa tiŋ Yesu Kristo.