Room 8:6 - Tampulma

⁶ Ba naa la lisi ba bara kina wɛ, Koosa zi wa ta ba yɔriu, amaa ba naa ka la lisi Koosa siim weri ti kina wɛ, ba waa kpak bara sɔɔna awa o mi fali ti.

Room 8:6 Marejeleo ya Msalaba

Jɔn 14:27

“Mu zi nyɛ ma bar sɔɔnau a chi chenani mu bara du. A wa kaali tɛɛnɛ nɔ tim maga bar sɔɔnau kinkan. Ma ta nyɛ ma bambe bure a ta ɔmi.

Jɔn 14:6

Yesu fun ŋɔ un, “Min ya doon nyinbaan ti. Mu ya wuti tiina awa Koosa mi fali tiina. Nandigi wa kila mu nyan ti wati aa vɛ na min.

Jɔn 17:5

Mu nyana, i funɛ te kpa i jirima awa i chaani kinkan i wa min bɔni saha digi a zi naami tɛɛnɛ nɔ maga. Kpa chenani mu zi nyɛ hin jirima a gbaari un ni a biksi nara di a ya kibɛgimnɛ.

Room 13:14

Ma burgi chenani ya kunyana Yesu Kristo du. Ma ta tiŋ ma titi daŋnɛ a tum tum tagna.

Room 14:17

Koosa dɔ ma, diwe naa ma di a la nyɔ wa bu ya kibirigi o wati. Chenani o siim weri ti nyɛ ma bara sɔɔna awa tu sɔɔna a la suŋi ma di ma tum tum were a nyɛ Koosa ni, kin nama ka ya kibirigi a li o wati.

Room 5:1

Lalaknɔ Koosa wa piin na ya galimsa ya se suuli daha. Ya wa un kpak nɔ bɛgimnɛ ya kunyan Yesu Kristo daha.

Room 5:10

Ya funɛ ya Koosa dɔmawa, amaa lalaknɔ o be ti nyɛ ya wa Koosa kpak nɔ bɛgim o sou daha. Koosa funɛ lɛli un a li o sou ni. Chendaha ya gbanko kpak bambi di o zi wa yisi yau a li ya tum tagna ni hali o wa peti.

Room 6:21

Tum tagna naa ma funɛ tum chen, nyɛ ma na hiisa lalaknɔ. Baŋ nyɔɔrrɛ ma na a li a ni? Ba naa maga la tum a, Koosa zi wa ta ba yɔriu.

Room 6:23

Ba naa maga la tum tum tagna, Koosa zi wa ta ba yɔriu. O ya chen, o chi o bɔ bau. Amaa papaha naa Koosa ka kpa a nyɛ ya yɔri, waa ya o mi fali naa vɛ kpak bɔ, domi ya wa ya kunyan Yesu Kristo ya nibɛgim.

Room 7:11

Tum tagna funɛ na a nyinbaanu chiksɛ tima daha a fun mur min di o deŋlu di Koosa tum chen.

Room 7:5

Ya funɛ tiŋ ya gantɛl tuha kinawa, chiksɛ ta kpa kpok a nyɛ ya titi daŋnɛ ni di ya tiŋ a. Ba naa maga tiŋ chen, Koosa zi ta ba yɔriu,

Room 8:13

Yaa tiŋ ya bara kina, Koosa zi wa ta ya yɔriu. Amaa ma ka vɛ ma bara tum tagna tiŋi Koosa siim weri ti kpok daha, ma zi kpak o miisa naa vɛ kpak bɔu.

Room 8:27

Koosa naa la nyini nibinsa bambe a zim chenani a du, waa zim chenani o siim weri ti lise. O siim weri ti zim Koosa tutɔ aa sumi chen a nyɛ o nara ni.

Room 8:7

Ba naa la lisi ba bara kina wɛ, ba waa ya Koosa dɔma. Ba wa tiŋ o nɔ. Hali ba daŋni baa tiŋ o nɔ, ba wa kikoti.

Gal. 5:22

Amaa Koosa siim weri ti ka nyɛn ma ni, o zi nyɛ maa daŋni dɔŋau a kinyɛ ma tu sɔɔna awa bara sɔɔna saha maga. O zi nyɛ ma kpak kanyitau a tum tum were a nyɛ nara ni a ya nibin were a ya wuti tima,

Gal. 6:8

O tiŋ o titi daŋnɛ, a zi bur wa o watiu a chɔk un. O ka tiŋ chenani Koosa siim weri ti daŋni, a zi bur wa o watiu. Waa la zi kpa o mi fali naa vɛ kpak bɔ a nyɛ un hali o wa peti.