Room 8:5 - Tampulma

⁵ Ba naa nyɛ ba bara dɔ ba, ba waa la lisi di ba bara kina ya kibirigewa. Amaa ba naa ka nyɛ Koosa siim weri ti dɔ ba, ba waa la lisi di o kina ya kibirige.

Room 8:5 Marejeleo ya Msalaba

Maak 8:33

Yesu fun burgi a nyini a go o gantɛl tiŋsi ta a ŋɔ Pita ni, “Tur dooni, domi i lisi chi sintannɛ. Chenani i sɛm chen wa li Koosa wati. A li nibinsa watɛɛ.”

Jɔn 3:6

Nibinsa la lul dɔŋa. Koosa siim weri ti kpa o mi fali ti a du nar ni, o gbanko nyɛn un ni.

Room 8:9

Amaa ma ka wa tum tuma a li ma bara kpok ti ni. Maa tum au a li Koosa siim weri ti kpok ni. Waa nyɛn ma ni. Nar vɛ kpak Kristo siim weri ti nyɛn un ni, Kristo dɔ un.

1 Kɔr. 15:48

Ba naa nyɛn tɛɛnɛ nɔ maga ni, ba chi Adam naa Koosa fun kpa hɛɛra a naamirɛ. Ba naa nyɛn Koosa tɔhɔn ti ni, ba chi Adam naa funɛ li Koosa tɔhɔn ti ni chene.

1 Kɔr. 2:14

Nibine naa vɛ kpak siim weri ti o nyɛn un ni, o vɛ Koosa siim weri ti kinawa. A ya yɔrirɛ o wati ka o vɛ zim a muna.

2 Kɔr. 10:3

O ya wutirɛ di ya nyɛn tɛɛnɛ nɔ maga ni, amaa ya wara tiŋ ya tutɔ daŋnɛ a chi chenani tɛɛnɛ nɔ tim maga tiŋ a.

Gal. 5:17

Ma tutɔ la yo chenani Koosa siim weri ti daŋni maa tiŋ. Chenani o siim weri ti daŋni ma nyɛn yo ma tutɔ daŋnɛ tau. O siim weri ti awa ma tutɔ daŋnɛ ya dɔmawa. Chendaha o bɔm ma wati di ma tum chenani maa daŋni.

Ɛfɛ. 5:9

Ba naa nyɛn nha ni yaa tum tum werewa a nyɛ Koosa ni saha maga a ya nibin were a la sɛm wuti sɛma.

2 Pita 2:10

O zi lɛrgi ba naa la tiŋ ba titi daŋnɛ aa vɛ tiŋ o nɔ, diŋsau hali a vɛ weri. Nibiksɛ na kpak ba bambewa a zer ba titi. Ba wara nyɛ o malaikasi ta wa jirima, amaa ba ka pini ba zomwa.