Room 7:9 - Tampulma

⁹ Mu ha wa fun zim chiksɛ ta wuti wɛ muna, o chi mu funɛ nyɛnu, amaa mu funɛ wa zim a wuti muna, o chi mu funɛ sou. Tum tagna fun na nyinbaan di a tum chen.

Room 7:9 Marejeleo ya Msalaba

Mat. 19:20

Bunɔɔn ti fun ŋɔ un, “Kin naa magawa mu yaa tiŋ. Baŋa ka mu kaa ya?”

Luk 15:29

Amaa o fun ŋɔ o nyan ti ni, ‘Kunu mu wati. Bunsa naa maga n tum a nyɛ hinu a chi yoma a la nu i nɔ. I wa nyɛ min hali buun di n wa mu chɛnsa kɔɔrigi a di diwe.

Luk 18:21

O fun ŋɔ, “Mu kunyana, kin naa maga n fun tiŋ n bichɛsi ni hali wa zinan.”

Room 10:5

Mosis fun sɔbi a li Koosa sɛm tɔn ti ni ba naa la daŋni ba tiŋ chiksɛ ta wɛ, chen ni Koosa wa zi bu na ba galimsa, a ŋɔ, “Nibine tiŋ chiksɛ ta hali a wa peti, o zi na miisau a li o tiŋi ti ni.”

Room 7:10

Koosa funɛ kpa o chiksɛ ta a nyɛ nara ni, chen ni ba zi tiŋ a nɔu a kpak miisa. Chen saha ti mu fun zim di mu wa fun a tiŋ a nɛnɛ. Chendaha mu fun zim di o deŋlu di Koosa zi wa ta min yɔriu.

Room 7:11

Tum tagna funɛ na a nyinbaanu chiksɛ tima daha a fun mur min di o deŋlu di Koosa tum chen.

Room 7:4

Mu niinbisa, chen vɛɛna chiksɛ ta wa bu kpak kpok ma ni. O chi ma wa Kristo funɛ sou a li o daakakli ti ni. Lalaknɔ naa Koosa fun lɛli a li o sou ni chen, waa dɔ ma, chen ni ma zi tum tum wereu a nyɛ Koosa ni.

Room 7:6

amaa lalaknɔ Koosa chiksɛ ta wa bu kpak kpok ya ni. O chi ya funɛ sou chiksɛ ta watɛɛ. Koosa chiksɛ naa ba fun sɔbi a li o sɛm tɔn ti ni, ya nyinbaan bunirɛ. Ya naa kpak o siim weri ti o nyɛn ya ni, la tiŋ o nyinbaan fali ti.

Room 7:8

Mu wa fun zim chiksɛ ta, tum tagna fun a na nyinbaan aa nyɛ mu ya si tiina kinkan. Chiksɛ ta fu vɛ waali, tum tagna fu wa zi na chen nyinbaan.

Room 8:7

Ba naa la lisi ba bara kina wɛ, ba waa ya Koosa dɔma. Ba wa tiŋ o nɔ. Hali ba daŋni baa tiŋ o nɔ, ba wa kikoti.

Gal. 2:19

Mu tiŋ o chiksɛ ta duŋduŋ, mu wa kikoti a tiŋ a a peti, a na galimsa o wati. Mu wa bu tiŋ chen. Lalaknɔ mu nyɛn a nyɛ Koosa nɛɛ. O chi mu wa Kristo sowɛɛ a li o daakakli ti ni,

Gal. 3:10

Ba naa la nyini Koosa chiksɛ ta tiŋi se ni aa tiŋ a nɔ, Koosa zi ŋɔ nɔu a nyɛ ba. Ba fun a sɔbi a li o sɛm tɔn ti ni a ŋɔ, “Nar tim Koosa chiksɛ hali a wa peti a chel, Koosa zi ŋɔ nɔu a nyɛ un.”