Room 7:5 - Tampulma

⁵ Ya funɛ tiŋ ya gantɛl tuha kinawa, chiksɛ ta kpa kpok a nyɛ ya titi daŋnɛ ni di ya tiŋ a. Ba naa maga tiŋ chen, Koosa zi ta ba yɔriu,

Room 7:5 Marejeleo ya Msalaba

Mat. 15:19

Kinkin naa nyɛn ba tusa ni, nyɛ nibinsa lisi wu tagna a la tum chɔkumsi tuma awa sakaal tuma, a la kpu nara a la ŋmɛ a la suni wɛ a la chɔk nara sɔna.

Jɔn 3:6

Nibinsa la lul dɔŋa. Koosa siim weri ti kpa o mi fali ti a du nar ni, o gbanko nyɛn un ni.

Room 1:26

Koosa fun kpa ba a ta di ba tiŋ ba titi daŋnɛ naa nyɛ ba na hiisa. Hali ba nihaana fun vɛ di ba wa nibaala wa zi chɔ aa la chɔ dɔŋa.

Room 3:20

O chiksɛ ta biksi ya di ya maga ya tum tagna nitumɛwa. Koosa ha zi vɛɛn na ya galimsau o chiksɛ ta tiŋi daha.

Room 4:15

Koosa na paan a du ba naa la chɔk o chiksɛ ta a wa lɛrgi ba diŋsa. Chiksɛ ta fu vɛ nyɛni, nara fu wa zi koti a chɔk a.

Room 5:20

Koosa funɛ kpa o chiksɛ ta a nyɛ Ju tim ta ni, a waa funɛ nyɛ nara tum tum tagna a gbaari kinkan. Ba funɛ tum au a gbaari, chenani Koosa suŋi ba gbanko gbaari a kaali chen.

Room 6:13

Ma ta kpa ma titi a nyɛ tum tagna ni. Ma ka kpa ma titi a nyɛ Koosa ni. O chi ma funɛ sitiu. O fun wa lɛli ma a li ma sou ni a nyɛ ma o mi fali ti. Chendaha ma kpa ma titi a tum tum were aa nyɛ un.

Room 6:19

O bɔmu di ma zim kin nama mun. Chendaha mu ŋɔ ma a li ma nyɛni ni. Saha digi ma yaa fun kpa ma titiu a tum chɔkumsa tuma awa tum tagna bɔnɛ a gbaari. Lalaknɔ ma kpa ma titi aa tum tum were.

Room 6:21

Tum tagna naa ma funɛ tum chen, nyɛ ma na hiisa lalaknɔ. Baŋ nyɔɔrrɛ ma na a li a ni? Ba naa maga la tum a, Koosa zi wa ta ba yɔriu.

Room 6:23

Ba naa maga la tum tum tagna, Koosa zi wa ta ba yɔriu. O ya chen, o chi o bɔ bau. Amaa papaha naa Koosa ka kpa a nyɛ ya yɔri, waa ya o mi fali naa vɛ kpak bɔ, domi ya wa ya kunyan Yesu Kristo ya nibɛgim.

Room 7:23

amaa mu zimu di mu bara kuru aa yo mu bambi lise a kpak min, chen ni mu zi la nɔɔniu a tum mu bara tum tagna.

1 Kɔr. 15:56

Tum tagna daharɛ sou koti aa muksi ya. Koosa chiksɛ daha, ya daŋni ya tum tum tagna kinkan.

2 Kɔr. 10:3

O ya wutirɛ di ya nyɛn tɛɛnɛ nɔ maga ni, amaa ya wara tiŋ ya tutɔ daŋnɛ a chi chenani tɛɛnɛ nɔ tim maga tiŋ a.

Gal. 3:10

Ba naa la nyini Koosa chiksɛ ta tiŋi se ni aa tiŋ a nɔ, Koosa zi ŋɔ nɔu a nyɛ ba. Ba fun a sɔbi a li o sɛm tɔn ti ni a ŋɔ, “Nar tim Koosa chiksɛ hali a wa peti a chel, Koosa zi ŋɔ nɔu a nyɛ un.”

Gal. 5:24

Ba naa Yesu Kristo dɔ, ba funɛ kpa ba titi daŋnɛu a ta.

Ɛfɛ. 2:11

Ba funɛ lul ma a li ba naa vɛ ya Ju tim nɛɛ. Ju tim ta yir ma ba naa ba vɛ teŋsi. Ba ka yir ba titi ba naa ba teŋsi. Ma lisi chenani ma fun nyɛn saha digi.

Ɛfɛ. 2:3

Saha digi ya maga funɛ tiŋ chene. Lise tagna a naa funɛ nyɛn ya bambe ni awa ya titi daŋnɛ nyɛ ya yaa funɛ tum tum tagna damata. Chendaha Koosa fun na paan a du ya ni. Chenani o funɛ daŋni di o wa lɛrgi ya diŋsa awa tɛɛnɛ nɔ tim maga diŋsa funɛ ya kibɛgimnɛ.

Kɔl. 3:5

Ma kpa ma tum tagna a ta. Ma ta kpa ma bara aa tum chɔkumsi tuma, a ta tum sakaal tuma koo tum tum tagna ma lisi tagna daha. Ma gbanko ta chi kidɔŋtima. Kidɔŋtim maga chi ba naa yaa nyɛ vursa wa jirima chene a ya yɔrirɛ.

Tait. 3:3

Ya ha wa fun zim Koosa a ya womna saha digi. Ya funɛ tiŋ ya titi nyinbaannɛ a vɛ tiŋ o nɔ. Saha maga ya yaa daŋni ya titi daŋnɛwa ka ya tusa sɔɔni. Ya yaa chɔk ya dɔŋtima sɔniwa a di handɔta a du ba ni. Nidamata fun ha ya. Ya gbanko ka fun ha ba.

Jems 1:15

Ya tiŋ ya bambe kidaŋnɛ, ya zi tum tum tagnau. Ya tum tagna nyinbaan wa peti, Koosa zi wa na ya galimsau a ta ya yɔri.

Jems 4:1

Yɛrɛ maa yo dɔŋa aa la muksi dɔŋa saha maga? Ma titi daŋni nɛɛ maa yo dɔŋa.

1 Jɔn 3:4

Ba naa maga la tum tum tagna, ba chɔk Koosa chire. Tum tagna maga ya Koosa chire.