Room 6:10 - Tampulma

¹⁰ O funɛ sou bu bɛgim duŋduŋnɛ a sou tum tagna wati. Koosa funɛ lɛli un a li o sou ni, chen ni lalaknɔ o nyɛn Koosa watɛɛ.

Room 6:10 Marejeleo ya Msalaba

Luk 20:38

Ba naa sitɛɛ laata la jɛɛmi Koosa, amaa ba naa kpak miisa. Nara maga kpak miisa o suwachak ni.”

Room 6:11

Maa zim di ma wa ma tum tagna wa bu kpak wu digi wa dɔŋ ni. Koosa funɛ kpa o mi fali ti a nyɛ ma, domi ma wa Yesu Kristo ya nibɛgimnɛ. Maa nyɛn a sɔɔni o tuha.

Room 6:9

Koosa funɛ lɛli Kristo a li o sou ni. Ya zimu di o wa zi kut bu sou. Sou wa bu kpak kpok un ni.

Room 8:3

Nibinsa wa kpak kpok. Chendaha Koosa chiksɛ ta fun vɛ koti a ya chen. Koosa funɛ nyɛ o be burgi nibine a tum un o wa tɛɛnɛ nɔ maga a sou nibinsa tum tagna daha. O funɛ ya chen, Koosa chɔk tum tagna kpok ti,

2 Kɔr. 5:15

O funɛ sou chene, chen ni ba naa la o mi fali ti wa zi bu tiŋ ba titi tutɔ, amaa ba zi tiŋ unu naa funɛ sou a si o sou ni ba daha.

2 Kɔr. 5:21

Yesu Kristo funɛ nyɛn tɛɛnɛ nɔ maga ni, o wa fun tum tum tagna hali tama, amaa Koosa funɛ kpa ya tum tagnau a du o nin ni. Domi ya wa Yesu Kristo ya nibɛgimnɛ lalaknɔ, Koosa wa zi bu na ya galimsa o wati.

1 Pita 3:18

Kristo titi funɛ sou bu bɛgimnɛ ma tum tagna daha, chen ni o zi kpa mau a la Koosa wati. Naa funɛ ya tum were nitumi, waa funɛ chiŋi ya naa ya tum tagna nitumɛ bar chiŋi ni. Ba funɛ kpu o barawa, amaa Koosa siim weri ti funɛ lɛli unu a li o sou ni,

1 Pita 4:6

Chendaha Koosa fun nyɛ nara kpa o laaboor weri ti a nyɛ ma ni. Waa la di nara maga sɛria. Chendaha ba siti. Ma bɔnɛ fun siti, amaa ba siimsa kpak miisau a chi Koosa.