Room 5:8 - Tampulma

⁸ Amaa Koosa funɛ biksi ya chenani o daŋni ya kinkan. Ya ha funɛ vɛɛn a tum tum tagnau, chen saha ti Kristo funɛ chiŋi ya bar chiŋi ni a sou a nyɛ ya.

Room 5:8 Marejeleo ya Msalaba

Jɔn 15:13

Nar chiŋi a chɛna bar chiŋi ni a sou, chenani o daŋni un chen kaali a maga.

Jɔn 3:16

Koosa funɛ daŋni tɛɛnɛ nɔ maga nara kinkannɛ a fun tum o be bɛgim ba wati, chen ni Koosa wa zi na ba naa se su un galimsa a ta ba yɔri, amaa o ka zi kpa o mi fali naa vɛ kpak bɔu a nyɛ ba.

Room 3:5

Ya tum tagna nyɛ Koosa tum deŋli a li a gbaari, yɛrɛ ya zi sɛm? Ma nyɛ mu kpa nibinsa sɛma a pɛɛsi ma, “O ya chen ni, o lɛrgi ya diŋsa ya tum tagna daha, o tum wu taginuu?”

Room 4:25

Koosa funɛ nyɛ Yesu sou ya tum tagna daha a bu lɛli un a li o sou ni, chen ni o wa zi bu koti a na ya galimsa.

Room 5:20

Koosa funɛ kpa o chiksɛ ta a nyɛ Ju tim ta ni, a waa funɛ nyɛ nara tum tum tagna a gbaari kinkan. Ba funɛ tum au a gbaari, chenani Koosa suŋi ba gbanko gbaari a kaali chen.

Room 5:6

Saha digi ya wa fun koti a suŋi ya titi. Koosa saha wa tel, Kristo fun wa chiŋi tum tagna nitumɛ bar chiŋi ni a sou a nyɛ ya.

Room 5:7

Nar ya nibin weri, amii nandigi zi la nɔɔniu a chiŋi o bar chiŋi ni a sou a nyɛ un.

Room 8:32

Hali waa funɛ lisi o titi be a nyɛ o sou a li o daakakli ti ni ya daha. Chendaha o kpa kina maga a gbaari un a nyɛ ya yɔri.

Room 8:39

wa buudaha kina wa tɛɛnɛ nɔ maga kina, wa kin nawara maga Koosa fun naami, kin nama wa kikoti a waligi ya a li chenani Koosa daŋni ya, domi ya wa ya kunyana Yesu Kristo ya nibɛgimnɛ.

Gal. 2:20

chen ni mu wa zi bu nyɛn, amaa Kristo kinyɛn min ni. Mu si su Koosa be naa la daŋni min a fun sou mu daha. Chene muu tiŋ lalaknɔ.

Ɛfɛ. 2:7

Koosa funɛ ya chen maga a nyɛ ya a biksi ba naa maga nyɛn o tɔhɔn ti ni awa ba naa nyɛn tɛɛnɛ nɔ maga ni, chenani o funɛ daŋni ya kinkan a la gali a tum Yesu Kristo di o wa suŋi ya. O biksi nɔ nyɛnu hali saha naa vɛ kpak bɔ.

Ɛfɛ. 5:2

Yesu Kristo funɛ sou ya daha, chen chi chenani Ju tim ta fun kpa kin a nawara sɔɔra weree awa sela a kɔɔri kɔɔra a nyɛ Koosa ni. Yesu Kristo fun sɔɔni Koosa tuha kinkan a biksi ya di o daŋni yau. Ma nyɛ ma nara daŋni te ma suwachak a chi un.

1 Tim. 1:16

Chendaha Koosa fun a kpak min siki ka muu tum tum tagna a kaali nara maga ka Yesu Kristo fun kpak kanyita kinkan min ni. Chenani ba fun ya a nyɛ min biksi ba naa la zi wa a nyɛ ba se su un, chenani ba zi wa la o mi fali naa vɛ kpak bɔ.

Ju 8:3

Ju tim ta fun lisi ba Koosa dam kɔkɔɔrsi ta di ba kpa ba papaha awa ba sela a kɔɔri kɔɔra a nyɛ Koosa ni. Chendaha o lawa ya Koosa dam kɔkɔɔra kpa kundɔŋu a nyɛ Koosa ni.

1 Pita 3:18

Kristo titi funɛ sou bu bɛgimnɛ ma tum tagna daha, chen ni o zi kpa mau a la Koosa wati. Naa funɛ ya tum were nitumi, waa funɛ chiŋi ya naa ya tum tagna nitumɛ bar chiŋi ni. Ba funɛ kpu o barawa, amaa Koosa siim weri ti funɛ lɛli unu a li o sou ni,

1 Jɔn 3:16

Chenani Yesu fun sou ya daha biksi ya wuti daŋni. O weru wa yaa daŋni ya dɔŋtima chenu, hali a sou ba daha.