Room 4:15 - Tampulma

¹⁵ Koosa na paan a du ba naa la chɔk o chiksɛ ta a wa lɛrgi ba diŋsa. Chiksɛ ta fu vɛ nyɛni, nara fu wa zi koti a chɔk a.

Room 4:15 Marejeleo ya Msalaba

Jɔn 15:22

Mu funɛ wa ŋɔ ba di ba bur a li ba tum tagna tiŋi ni. Ba vɛ. Chendaha Koosa na ba galimsa. Ba wa zi wa koti a sɛm wu digi o suwachak ni.

Jɔn 3:36

Ba naa maga se su o be ti, Koosa kpa o mi fali naa vɛ kpak bɔ a nyɛ ba. Ba naa maga se ka vɛ su un a vɛ tiŋ o nɔ, Koosa wa zi kpa o mi fali ti a nyɛ ba. O zi na paanu a du ba ni a lɛrgi ba diŋsa hali saha naa vɛ kpak bɔ.”

Room 1:17

Koosa biksi yau gbampulim ni a li o laaboor weri ti ni chenani o zi bu vɛ na nibinsa galimsa o wati. Chenani nibinsa se duŋduŋ su un nyɛ o tum chen. Ba fun sɔbi chen wɛ a li o sɛm tɔn ti ni saha digi a ŋɔ, “Nara se su Koosa, o wa zi bu na ba galimsa o wati a kpa o mi fali a nyɛ ba.”

Room 5:13

Nibinsa funɛ te tum tum tagna ka Koosa zi kpa o chiksɛ ta a nyɛ ba. Hali o chiksɛ ta funɛ wa, o wa fun fiksi ba di ba chɔk a,

1 Kɔr. 15:56

Tum tagna daharɛ sou koti aa muksi ya. Koosa chiksɛ daha, ya daŋni ya tum tum tagna kinkan.

Gal. 3:10

Ba naa la nyini Koosa chiksɛ ta tiŋi se ni aa tiŋ a nɔ, Koosa zi ŋɔ nɔu a nyɛ ba. Ba fun a sɔbi a li o sɛm tɔn ti ni a ŋɔ, “Nar tim Koosa chiksɛ hali a wa peti a chel, Koosa zi ŋɔ nɔu a nyɛ un.”

Gal. 3:19

Yɛrɛ Koosa fun kpa o chiksɛ ta a nyɛ Mosis ni a gbaari o vɔwi naa o fun piin kpa a nyɛ Abraham ni? Koosa funɛ ya chene, chen ni nibinsa zi zimu chenani tum tagna duu, hali saha naa Abraham be luli naa Koosa fun vɔu di o tum, fun wa. Koosa funɛ kpa o chiksɛ ta a nyɛ nara ni, o funɛ te kpa a a nyɛ o malaikasi ta nɛɛ. Ba fun a kpa a a nyɛ Mosis ni o ka fun kpa a a nyɛ nara ni.

Ɛfɛ. 5:6

Ma ta nu nara womsi sɛma a nyɛ ba mur ma. Ba wara tiŋ Koosa nɔ. Chendaha o na paan a du ba ni a zi wa lɛrgi ba diŋsa.

Kɔl. 3:6

Koosa na paanu a du ba naa la ya chen tim ni. Wuzu digi o zi wa lɛrgi ba naa vɛ tiŋ o nɔ diŋsau.

1 Jɔn 3:4

Ba naa maga la tum tum tagna, ba chɔk Koosa chire. Tum tagna maga ya Koosa chire.

JɔnN Deesi 19:15

Ba nyuhu tiina fun kpak chisi nɔsa lɛ o li o nɔ ni naa o zi lisi a nyaŋi tɛɛnɛ nɔ tim maga. O zi sɔ bau wa kpok kinkan ni a hɛmsi bugil ta nɔna naa malaika ti teŋsi a lagmi a dau, a bar hɛmsi ni. Dooni awa chenani Koosa na paan kinkan a la zi lɛrgi tɛɛnɛ nɔ tim maga diŋsa ya kibɛgimnɛ. Waa kpak kpok a kaali kina maga. Chendaha o zi koti a ya chen.