Room 4:11 - Tampulma

¹¹ Koosa wa fun te na o galimsa o si suuli daha ka ba zi teŋ un. Ba funɛ teŋ un, chen biksi nara di Koosa wa piin na o galimsa o si suuli daha. Chendaha ba naa maga Koosa vɛ na ba galimsa o wati ba se suuli daha, ba waa ya Abraham bi lulɛ, hali ba naa ba vɛ teŋsi.

Room 4:11 Marejeleo ya Msalaba

Mat. 16:16

Simɔn Pita fun ŋɔ un, “Hin ya Koosa naa nyɛn chen be. I gbanko ya Kristo naa Koosa fun ŋɔ di o zi wa tumu wuzu digi chene.”

Mat. 8:11

Maa nu mu sɛm na. Wuzu digi nidamata zi wa li bawu maga niu a wa lagmi Abraham, Aizik awa Jakɔb wati a li Koosa koor ti ni a di diwe.

Luk 19:9

Yesu fun ŋɔ un, “Wutirɛ i sir ya Abraham bi luli digirɛ. Koosa wa bu na i wa i dam walɛ galimsa zinan kpa la.

Jɔn 3:33

Ba naa maga nu o sɛm ta zimu nɛnɛ di Koosa ya wuti tiinnɛ.

Jɔn 3:36

Ba naa maga se su o be ti, Koosa kpa o mi fali naa vɛ kpak bɔ a nyɛ ba. Ba naa maga se ka vɛ su un a vɛ tiŋ o nɔ, Koosa wa zi kpa o mi fali ti a nyɛ ba. O zi na paanu a du ba ni a lɛrgi ba diŋsa hali saha naa vɛ kpak bɔ.”

Jɔn 6:35

Yesu fun ŋɔ ba, “Mu wa mi fali diwe ta ya kibɛgimnɛ. Lɔsa wa zi bu kpak ba naa wa mu wati. Nyɔksa ka wa zi kpak ba naa nyɛ ba se su min.

Jɔn 6:40

Mu nyana tutɔ ti chi nɛɛnɛ. O wa wa di o di tɛɛnɛ ŋɔ tim maga sɛria, mu zi nyɛ ba naa maga se su minu o mi fali naa vɛ kpak bɔ.”

Jɔn 6:47

Wutirɛ mu sɛm ma, ba naa maga se su min piin na o mi fali naa vɛ kpak bɔu.

Jɔn 8:33

Ba fun ŋɔ un, “Ya waa ya Abraham bi lulɛ a ha vɛ ya nara yosa. I ŋɔ di wuti ti la zi yisi ya a li yosi ni. Nan mun ya yɛrɛ?”

Room 10:11

Koosa sɛm tɔn ti bukoo a biksi ya di o wa zi buti ba naa maga se su un.

Room 10:4

Kristo funɛ kpa Koosa chiksɛ ta tiŋi a nyɛ a peti, chen ni Koosa wa zi bu koti a na ba naa maga se su un galimsa.

Room 10:6

Amaa ba gbanko funɛ sɔbiu ba naa nyɛ ba se su Koosa wɛ, chen ni o wa zi bu na ba galimsa, a ŋɔ, “Ma ta pɛɛsi ma titi, anti la zi zini a la zu Koosa tɔhɔn ti, chen ni Kristo zi tu wa ma watiu?”

Room 3:22

Koosa wa bu a na ba naa maga se su Yesu Kristo galimsa.

Room 3:26

Lalaknɔ o kpak nyinbaan naa o zi bu vɛ na nibinsa galimsau o wati. Nan biksi ya di o ya tum weri tiin naa la zi vɛ na ba naa maga se su Yesu galimsa.

Room 3:30

Koosa bɛgim duŋduŋ nyɛnɛɛ. Ju tim ta nyɛ ba se su Yesu Kristo, o wa zi bu na ba galimsa. Ba naa vɛ ya Ju tima nyɛ ba se su un, Koosa gbanko wa zi na ba galimsa.

Room 4:10

Saha leemawa chen fun ya? Ba funɛ piin teŋ un chen saha tiu akoo ba wa fun teŋ unn? Ba ha wa fun teŋ un.

Room 9:30

Tɔ. Yɛrɛ ya zi sɛm? Ba naa vɛ ya Ju tima wa funɛ dɛu di Koosa wa zi bu na ba galimsa o wati. Amaa ba se funɛ su un. Chendaha o fun ya chen.

Room 9:33

Ba fun sɔbi buŋkul digi wɛ a li Koosa sɛm tɔn ti ni. O funɛ chi ba mo un wa ba naŋgere nee. Ba fun sɔbi di Koosa ŋɔ, “Mu kpa mu buŋkullɛ a chiŋsi Jɛrusalɛm ni. Ba naa maga nyɛ ba se su un, ba bambe wa zi buti.”

Room 9:6

Ju tim ta nara tama se su Yesu Kristo. Chen mun ya di vɔwi naa Koosa fun kpa nyɛ ba chen chɔkuu? Aai. Ju tim ta maga laata ya Koosa titi nara.

2 Kɔr. 1:22

a zer o dani a du ya ni. O gbanko funɛ kpa o siim weri ti a du ya bambe niu. Waa ya o purigiri bɔɔli kin naa maga o zi kpa a nyɛ ya.

Gal. 3:22

Ba fun a sɔbi a li Koosa sɛm tɔn ti ni di tɛɛnɛ nɔ tim maga na galimsa ba tum tagna daha. Chendaha ba naa se su Yesu Kristo, la Koosa papaha naa o fun vɔu a nyɛ Abraham ni chen.

Gal. 3:29

Kristo dɔ ma. Chendaha ma zi na kin naa maga Koosa fun vɔu a nyɛ Abraham bi lulɛ ni chenu.

Gal. 3:7

O lawa ma wa zimu di ba naa se su Koosa ya Abraham wuti bi lulɛwa.

Gal. 5:5

Ya titi kpak bambi bɛgim di wuzu digi Koosa wa zi bu na ya galimsa hali o wa peti. O funɛ kpa o siim weri kpok tiu a du ya ni di ya se su un. Chendaha ya koti a pɔ Koosa di o wa ya chen.

Gal. 6:16

Ba naa maga la lisi nan, Koosa zi kpak ba sikiu a kinyɛ ba bara sɔɔna. Ba waa ya Ju tima ba naa Koosa dɔ wuti ni.

Ɛfɛ. 1:13

Ba funɛ wa biksi ma Koosa laaboor weri naa ya wuti wɛ, ma fun a nu ba biksi ti, ka Koosa fun a yisi ma a li ma tum tagna ni ma tiŋ un. Chen saha ti ma se funɛ su Yesu Kristo. Chendaha Koosa fun kpa o siim weri naa o fun vɔu di o nyɛ ma a dani ma.

Ɛfɛ. 4:30

Ma vɛ tiŋ chenani mu sɛm nan, ma zi chɔk Koosa siim weri ti tuhau. Waa ya Koosa daana ma ni, hali saha naa Koosa zi wa la ma nyuuna a nyɛ ma.

Filip. Tima 3:9

Mu daŋni di o wa min zi burgi nibɛgimnɛ hali o wa peti. Mu funɛ tiŋ Koosa chiksɛ ta, o ha funɛ vɛɛn na mu galimsau. Lalaknɔ mu si su Kristo, Koosa wa bu na mu galimsa.

Ju 11:7

Baal digirɛ ba funɛ yir Nowa, o si fun su Koosa. Chendaha o fun koti a nu ka Koosa ŋɔ un di o kaa kpa nire a su tɛɛnɛ nɔ maga. Nowa fun tiŋ Koosa nɔ a koori arŋa. O funɛ kɔɔri un peti, o wa o walɛ fun zu o tuha ka Koosa yisi ba a li ni ti ni. Tɛɛnɛ nɔ tim maga fun siti, domi ba se wa fun su Koosa. Amaa Nowa si funɛ su unu. Chendaha Koosa bu vɛ na o galimsa.

2 Pita 1:1

Mu waa, Simɔn Pita, naa ya Yesu Kristo tumtumna awa o nitumi, min la sɔbi tɔn nɔ a nyɛ ba naa se su Yesu Kristo a chi ya se su un chen. Ya se suuli ti kaalɛɛ. Waa ya wuti tiina. Chendaha ya se suuli ti awa ma se suuli naa ma kpak un ya kibɛgim. O gbanko ya Koosa a fun yisi ya a li ya tum tagna ni.

JɔnN Deesi 9:4

Ba fun ŋɔ a di a ta se kpachaga koo kɔsa, amaa a la dusi ba naa malaika ti vɛ dani ba tilsa duŋduŋ.