Room 2:9 - Tampulma

⁹ Muksi awa wiili zi wa pu ba naa maga la tum tum tagnau. A zi wa te pu ba naa ya Ju tima a zi pu ba naa vɛ ya Ju tima.

Room 2:9 Marejeleo ya Msalaba

Mat. 16:26

Nar koti a na tɛɛnɛ nɔ maga lɛmlɛm, baŋ nyɔɔrrɛ o wa di? O wa zi wa na Koosa mi fali ti. Baŋnɛ nibine zi bukoo zer a kpiŋi a na lɛmlɛm titi?

Luk 24:47

O fun ŋɔ ba, “Koosa laaboor weri ti biksi nara gil ba tum tagna a bur a tiŋ Koosa, o zi gil ba tum tagnau a nyɛ ba chen tiin sou daha. Ba fun bukoo sɔbi di o lawa o gantɛl tiŋsi ta te biksi laaboor nɔ a li Jɛrusalɛm ni a zi biksi bawu maga ni.

Tuma 11:18

Yesu nitiŋɛ ta fun nu o sɛm ta, ba fun gil Pita zulimi a la pɛgi Koosa a ŋɔ dɔŋ ni, “Lalaknɔwa ya zim di Koosa funɛ nyɛ ba naa vɛ ya Ju tima nyinbaanu di ba gil ba tum tagna a bur tiŋ un, chen ni ba zi wa na o mi fali tiu.”

Tuma 13:26

“Mu niinbisa, ma naa ya Abraham bi lulɛ, awa ma naa vɛ ya Ju tima a la jɛɛmi Koosa. Laaboor weri naa la biksi chenani Koosa daŋni o lisi nara a li ba tum tagna ni ba tiŋ un ya ya kinnɛ.

Tuma 20:21

Mu funɛ tɛ Ju tim ta awa ba naa vɛ ya Ju tima ninu di o lawa ba gil ba tum tagnau a burgi a tiŋ Koosa a nyɛ ba se su ya kunyana Yesu.

Tuma 26:20

Mu funɛ te biksi Koosa laaboor weri ti a nyɛ Damaskus tim ni a zi kaali Jɛrusalɛm awa Judia pulum awa ba naa vɛ ya Ju tima a la biksi doonma ni. Mu fun biksi ba di o lawa ba gil ba tum tagnau a bur tiŋ Koosa a tum tum were di ba biksi nara chenani ba tum.

Tuma 28:17

Wuzu butora gantɛl, o fun yir Ju tima ba naa nyɛn dooni, nihɛɛta ba lagmi a wa o wati. O fun ŋɔ ba, “Mu niinbisa, mu wa fun tum tum tagin a du ya walɛ ni. Mu ka wa fun vɛɛn biksi nara di ba ta bu tiŋ ya nawaalsi ta nyinbaan. Hali nan daha, ba fun kpak min a tɔ dɛ a li Jɛrusalɛm ni a kpa min a du Roman tim nisa ni.

Tuma 28:28

Pɔɔl fun bukoo ŋɔ ba, “Mu daŋni ma zimu di ba naa vɛ ya Ju tima na nyinbaanu di ba nu Koosa laaboor weri ti di o daŋni o yisi bau a li ba tum tagna ni ba tiŋ un. Ba nidamata zi nu unu.” ((

Tuma 3:26

Chendaha Koosa fun lisi o be Yesu di o ya o tumtumna a te tum un ma wati di o kpa o nyusum a nyɛ ma ma gil ma tum tagni ta a bur tiŋ Koosa.”

Room 1:16

Koosa laaboor weri ti ya mu jirima kin. Koosa funɛ kpa o kpokre a du un ni, chen ni Koosa zi kotiu a yisi ba naa maga se su o laaboor weri ti a li ba tum tagna ni. O te ya chene a nyɛ ba naa ya Ju tim ni a ka zi ya a nyɛ ba naa vɛ ya Ju tim ni.

Room 10:12

Koosa wara daŋni bɔnɛ a ka bɔnɛ. Ba naa ya Ju tima awa ba naa vɛ ya Ju tima, ba maga ya kibɛgimnɛ o wati. Ba maga kunyana yaa nu a la suŋi ba naa la yir o sɔn kinkan.

Room 2:10

Ba naa ka la tum tum were zi wa la jirima awa chaani kinkan awa bara sɔɔnau. Ba naa ya Ju tima zi wa te la ka ba naa vɛ ya Ju tima ka zi la.

Room 8:35

Anti la zi waligi ya a li chenani Kristo daŋni ya? Namsi awa muksi kinkan wa lɔsa wa fara wa bar tagna wa kpuuli, kin nama wa kikoti a waligi ya a li chenani Kristo daŋni ya ni.

Room 9:24

Ya waa ya ba naa o fun tum chen nyɛ. Ya naa ya Ju tim ta awa ma naa vɛ ya Ju tima, waa funɛ yir ya di ya wa o wati.

Gal. 3:28

Ma naa ya Ju tima awa ma naa vɛ ya Ju tima, ma naa ya yosa awa ma naa vɛ ya yosa, ma nibaala awa ma nihaana, ma maga ya nibɛgimnɛ, domi ma wa Yesu Kristo ya nibɛgimnɛ.

Kɔl. 3:11

Ba naa kpak Koosa suwachak tuhu kina wɛ, ba wara zim di digi ya Ju timwa ka digi ka vɛ yaali. Ba wara zim di digi teŋu ka digi ka vɛ teŋi. Ba wara zim di digi ya hɔɔrrɛ ka digi ka vɛ yaali. Ba wara zim di digi ya yomne ka digi ka vɛ yaali. Baa zimu di Kristo kaali kina maga. Waa nyɛn o nitiŋɛ ta maga wati.

2 Tɛs. 1:6

Koosa ya wuti tiina. Ya kunyan Yesu awa o malaikasa ba naa chi di a kpak kpok, wa li Koosa tɔhɔn ti a wa, o zi nyɛ ma namsi ti awa ya namsi petiu a kpa namsi ti a du ba naa la namsi ma chen ni.

1 Pita 4:17

Koosa saksi di o di tɛɛnɛ nɔ tim maga sɛriau lalaknɔ. O wa wa, o zi te di ba naa o dɔ chen sɛriau a zi di ba naa se vɛ su o laaboor weri ti chen. O piili ya ni, yɛrɛ o kaa du ba ni?