Room 2:7 - Tampulma

⁷ Ba naa maga la tum tum were wa kanyita saha maga, chen ni ba zi wa la jirima awa chaani kinkan awa miisa naa vɛ kpak bɔu Koosa wati, Koosa zi kpa kin namau a nyɛ ba.

Room 2:7 Marejeleo ya Msalaba

Mat. 25:46

Koosa zi kpa ba naa la tum tum tagna chenu a du namsi naa vɛ kpak bɔ bar ni, amaa o ka zi kpa ba naa la tum tum were chenu a nyɛ ba o miisa naa vɛ kpak bɔ.”

Luk 21:19

Ma di kanyita a vusi hali namsi ti wa peti, Koosa zi wa la ma nyuunau a nyɛ ma.”

Luk 8:15

Kiduha naa funɛ chesi tɛɛn weri ni chen chi ba naa nu laaboor weri ti ka ba bambe kpak un a tiŋ un nɛnɛ. Ba waa kpak kanyita a lulsi kinkan.”

Jɔn 4:36

Ba naa kumɛɛ a kpa du napagsi ni, ba waa le la ba bɔta. Tumtumsi ta wa peti ba tum maga, ba naa du kin ta awa ba naa kumɛɛ, ba maga tusa zi sɔɔniu. Chen vɛɛna, ba naa kpa nara a wa mu wati chen ni Koosa zi kpa o mi fali naa vɛ kpak bɔ a nyɛ ba, o zi bɔ ba ba chimu.”

Jɔn 5:44

Ma daŋni ma nyɛ dɔŋ wa jirimarɛ, amaa ma wara daŋni jirima naa Koosa bɛgim ti koti a nyɛ ma. O wa ya beelire ma se vɛ su min.

Room 2:10

Ba naa ka la tum tum were zi wa la jirima awa chaani kinkan awa bara sɔɔnau. Ba naa ya Ju tima zi wa te la ka ba naa vɛ ya Ju tima ka zi la.

Room 6:23

Ba naa maga la tum tum tagna, Koosa zi wa ta ba yɔriu. O ya chen, o chi o bɔ bau. Amaa papaha naa Koosa ka kpa a nyɛ ya yɔri, waa ya o mi fali naa vɛ kpak bɔ, domi ya wa ya kunyan Yesu Kristo ya nibɛgim.

Room 8:18

Mu zimu di o jirima awa o chaani naa o wa ya zi wa bɔni gbampulim ni wuzi digi kaali namsi naa ya na lalaknɔ nan hali a la gali.

Room 9:23

O gbanko funɛ daŋni o biksi ba naa o kpak siki o jirima awa o chaani kinkan. Saha digi o funɛ saksi bau di ba la nyɛn o tɔhɔn ti ni a la un.

1 Kɔr. 15:42

Chene nara zi si ba sou ni. Ba wa siti, bara naa ba kpak chen zi wa pɔu. Ba wa si ba sou ni, ba bara falɛ ta wa zi kut pɔ.

1 Kɔr. 15:50

Mu niinbisa, ma nyɛ mu ŋɔ ma nan. Ya bara titi wa kikoti a zu Koosa koor ti ni. Kinkin naa la zi wa pɔ wa kikoti a wa nyɛn doonani kin naa vɛ pɔɔli ni.

1 Kɔr. 15:58

Mu bi daŋnɛ, ma kpak nɛnɛ aa tum ya kunyan ti tuma kinkan. Ma zim di chenani maa tum tuma a nyɛ un, a wa zi wa ya yɔri.

Gal. 6:9

Ma ta nyɛ ya tum tum were a kuuli. Ya kpak chen nɛnɛ, Koosa zi bɔ ya ya chimu.

Ɛfɛ. 6:24

Koosa suŋi ba naa maga la daŋni ya kunyan Yesu Kristo awa daŋni naa vɛ kpak bɔ ni.

Kɔl. 1:27

O funɛ ya o tutɔrɛ o biksi o wu sogli nɔ mun a nyɛ o nara ni. Waa sir ya wu weri kinkan ba naa vɛ ya Ju tim chen wati. Nan ya o wu sogli ti. Kristo ti nyɛn ma ni. Chendaha ma kpak bambi bɛgim di wuzu digi Koosa zi wa kpa a li o jirima niu a nyɛ ma.

1 Tim. 1:17

Ma nyɛ ya yaa kipɛgi Koosa a kinyɛ un jirima kinkan. Waa ya ya koora naa nyɛnɛɛ hali saha naa vɛ kpak bɔ, a ya nibɛgim duŋduŋ. Nandigi wa koti a na un. Ami.

2 Tim. 1:10

Doone o fun tum o be Yesu Kristo di o wa lisi ya a li ya tum tagna ni yaa tiŋ un. Nan biksi ya di o ya Koosa tutɔrɛ o suŋi ya. Kristo funɛ sou a li o daakakli ti ni, o fun a nyaŋi sou. Waa funɛ kpa Koosa laaboor weri naa funɛ sogli chen a biksi ya o mi fali naa vɛ kpak bɔ, wɛ.

Ju 2:7

Saha naa la zi vɛ vusi, i funɛ nyɛ i malaikasi ta zenu a kaali ba, a kpa jirima awa chaani a nyɛ ba.

Ju 6:12

Ma ta ya zanyɛrka tima. Ma ka tiŋ ba naa nyɛ ba se su Koosa nɛnɛ a kpak kanyita a li ba tiŋi ni. Ma ya chen, wuzu digi Koosa zi wa lisiu a li o kin ni a nyɛ ma, a chi o funɛ vɔu.

Ju 6:15

Abraham funɛ kpak kanyitau. Chendaha o fun na chenani Koosa fun vɔu a nyɛ un.

1 Jɔn 2:25

Ya kunyan ti fun vɔu di o zi nyɛ ya o mi fali naa vɛ kpak bɔu.