Room 2:4 - Tampulma

⁴ I baa di chenani Koosa ya niwerire kinkan i wati a kpak hin wa kanyita, chen ya yɔrirɛɛ? I wa zim di Koosa ya niwerire kinkan i wati, chen i zi gil i tum tagna a bur tiŋ unn?

Room 2:4 Marejeleo ya Msalaba

Room 10:12

Koosa wara daŋni bɔnɛ a ka bɔnɛ. Ba naa ya Ju tima awa ba naa vɛ ya Ju tima, ba maga ya kibɛgimnɛ o wati. Ba maga kunyana yaa nu a la suŋi ba naa la yir o sɔn kinkan.

Room 11:22

Maa lisi chenani Koosa kpok awa bɔnɛ ni a kpak siki wa bɔnɛ ni. O funɛ kpoku wa ba naa chel chen ni, amaa o kpak ma sikiu. Ma nyɛ o kpak ma siki aa la. Ma ta nyɛ o wa teŋ ma a taali.

Room 11:33

Ei. Koosa siki awa nɛha wa zima zenu kinkan. A wa kpak bɔ. Nandigi wa kikoti a zim chenani o lisi a la tum.

Room 3:25

Koosa funɛ kpa Yesu Kristo a chiŋsi gbampulim ni a nyɛ o sou o daakakli ti ni, chen ni Koosa wa zi bu na paan a du ba naa maga se su Yesu sou chɛl ni. O funɛ ya chene di o biksi nara di o ya wuti tiinnɛ. Hali chen saha ti o funɛ kpak ba kanyitau a li nara tum tagna ni a ta lɛrgi ba diŋsa.

Room 6:1

O ya chen, yɛrɛ ya zi sɛm? Ya zi tum tum tagnau a la chen ni Koosa zi suŋi ya a gbaariuu?

Room 6:15

Mu ŋɔɛɛ di chiksɛ ta wa dɔ ma amaa Koosa suŋi mau, o deŋlu wa yaa tum tum tagnaa? Aai.

2 Kɔr. 8:2

Ba funɛ na namsi kinkan, amaa chenani ba funɛ na namsi, chene ba fun vɛɛn a na tu sɔɔna kinkan. Ba ya fara timwa kinkan, amaa ba funɛ lisiu a li ba kina tam ni a wa nyɛ nara ni.

Ɛfɛ. 1:18

Mu sumi unu di ma lise zi la o wutiu, chen ni ma zi kpak bambi bɛgim a li chenani o fun yir ma ni a zim di kin nawara o fun vɔu di o kpa nyɛ o nara ni zenu kinkan.

Ɛfɛ. 1:7

Yesu Kristo funɛ sou ya daharɛ, chen ni o zi kotiu a la ya nyuuna a nyɛ ya a gil ya tum tagna a nyɛ ya. Yɛrɛ o zen mak Koosa suŋi ya,

Ɛfɛ. 2:4

Amaa Koosa daŋni ya kinkan a kpak ya siki hali a kaali a maga,

Ɛfɛ. 2:7

Koosa funɛ ya chen maga a nyɛ ya a biksi ba naa maga nyɛn o tɔhɔn ti ni awa ba naa nyɛn tɛɛnɛ nɔ maga ni, chenani o funɛ daŋni ya kinkan a la gali a tum Yesu Kristo di o wa suŋi ya. O biksi nɔ nyɛnu hali saha naa vɛ kpak bɔ.

Ɛfɛ. 3:16

Koosa kpak jirima awa chaani kinkan. Chendaha muu sumi unu di o nyɛ o siim weri ti lisi a li o kpok ti ni a du ma bambe ni,

Ɛfɛ. 3:8

Min ya bichɛla a kaali o nara maga, amaa o funɛ lisi minnɛ di mu la biksi ba naa vɛ ya Ju tima o laaboor weri ti wɛ. O laaboor weri ti biksi ya Yesu Kristo wu were damata naa vɛ kpak peti wɛ.

Filip. Tima 4:19

Ma daŋni kundɔŋ, o zi lisi au a li o kidamata a naa o kpak a li Kristo ni, a suŋi ma.

Kɔl. 1:27

O funɛ ya o tutɔrɛ o biksi o wu sogli nɔ mun a nyɛ o nara ni. Waa sir ya wu weri kinkan ba naa vɛ ya Ju tim chen wati. Nan ya o wu sogli ti. Kristo ti nyɛn ma ni. Chendaha ma kpak bambi bɛgim di wuzu digi Koosa zi wa kpa a li o jirima niu a nyɛ ma.

Kɔl. 2:2

Mu kpaŋi mu titiu di mu kpami ma maga, chen ni ma zi ya nibɛgimu domi maa daŋni dɔŋau a zim Koosa wu sogli mun nɛnɛ a ta beeli. O wu sogli ti ya Kristo.

1 Tim. 1:16

Chendaha Koosa fun a kpak min siki ka muu tum tum tagna a kaali nara maga ka Yesu Kristo fun kpak kanyita kinkan min ni. Chenani ba fun ya a nyɛ min biksi ba naa la zi wa a nyɛ ba se su un, chenani ba zi wa la o mi fali naa vɛ kpak bɔ.

1 Tim. 6:17

Kibiksi ba naa kpak kidamata di ba ta daŋni sɔn a daha. Ba ta kpak bambi bɛgim a li ba kin naa la zi wa chɔk ni, amaa ba ka kpak bambi bɛgim Koosa naa la nyɛ ya kina maga di ya tusa sɔɔni ni.

1 Pita 3:20

Siimsi nama wa fun tiŋ Koosa nɔ. Ba funɛ nyɛnu saha naa Nowa fun kɔɔri o arŋa saha digi chen. Chen saha ti Koosa kpak ba kanyita, amaa ni funɛ wa su, o fun a yisi nara mɛnasa duŋduŋ ni ti ni.

2 Pita 1:11

ka ya kunyan Yesu Kristo zi la ma du koor naa nyɛnɛɛ hali saha naa vɛ kpak bɔ, ni. Waa funɛ yisi ma a li ma tum tagna ni maa tiŋ un.

2 Pita 3:15

Ma lisi chenani ya kunyan ti nyɛ narawa nyinbaan lalaknɔ di ba gil ba tum tagna aa tiŋ un. Koosa funɛ kpa o zimarɛ a nyɛ ya niinbe daŋni Pɔɔl ni o fun sɔbi chen wɛ a nyɛ ma.

2 Pita 3:3

O lawa ma zimu di tɛɛnɛ nɔ maga siili saha wa dugli, nibinsa ba naa yaa tiŋ ba tutɔ daŋnɛ, zi wau. Ba zi wa mɔmsi mau,

2 Pita 3:9

Nara bɔnɛ lisi di ya kunyan ti vusiu a vɛ tum chenani o fun vɔwi. O daŋni ma gil ma tum tagniwa aa tiŋ un, chen ni o wa zi wa chɔk ma. Chendaha o kpak ma kanyita.

JɔnN Deesi 2:21

Saha naa mu fun ŋɔ un di o gil o tum tagni chen galɛu. O wara daŋni o bur a li o chɔkumsi tum ta ni.

JɔnN Deesi 3:20

Ma nu mu wati. Saha maga mu yaa chiŋi bulzɔɔnɔ nɛɛ a mo a la yir. Ba naa nu mu ta a puk bulzɔɔnɔ ti, mu zi zuu, chen ni ba wa min zi lagmiu a di diwe.