Room 2:10 - Tampulma

¹⁰ Ba naa ka la tum tum were zi wa la jirima awa chaani kinkan awa bara sɔɔnau. Ba naa ya Ju tima zi wa te la ka ba naa vɛ ya Ju tima ka zi la.

Room 2:10 Marejeleo ya Msalaba

Mat. 10:13

Ba la ma a du, Koosa zi nyɛ ba bar sɔɔnau. Ba ka vɛ la ma duuli, Koosa wa zi nyɛ ba.

Luk 1:79

O wara daŋni o na ya galimsa a ta ya yɔri, amaa o ka daŋni o te ya suwachakrɛ a biksi ya o bar sɔɔn nyinbaan.”

Luk 12:37

Ba kunyan ti na ba ka ba si a saksi a pɔ un chen, o tumtumsi ta tusa zi sɔɔniu. O zi saksi o titiu a kpa diwe a wa nyɛ ba.

Luk 19:42

O fun ŋɔ, “Ma Jɛrusalɛm tima, ma fu nu mu biksi ti, ma bara fu zi sɔɔniu. Amaa ma wa kikoti a nu.

Luk 22:14

Ba diili saha funɛ wa tel, Yesu wa o gantɛl tiŋsi ta fun wa kani aa di.

Luk 9:48

a ŋɔ ba, “Nar la be nɔ a du di oo tiŋ min daha, minnɛ o la du chen. Nar la min, naa tum min chene o la du. Nar kpa o titi a burgi bichɛl tiina a tum a nyɛ o dɔŋtim ni, waa ya suwachak tiina.”

Jɔn 12:26

Ma la ŋɔ Girik tim ta ni di ba daŋni ba wa min tum tuma, ba wa tiŋ min, chen ni ba zi nyɛn doonani mu nyɛnu. Ba ya chen, mu nyan ti zi nyɛ ba jirimau.”

Jɔn 14:27

“Mu zi nyɛ ma bar sɔɔnau a chi chenani mu bara du. A wa kaali tɛɛnɛ nɔ tim maga bar sɔɔnau kinkan. Ma ta nyɛ ma bambe bure a ta ɔmi.

Jɔn 16:33

Chenani ma nyɛn tɛɛnɛ nɔ maga ni zi nyɛ ma na namsiu kinkan. Chenani ma wa min ya nibɛgim a nyɛn ka zi nyɛ ma bara sɔɔniu. Chendaha mu fun ŋɔ ma kin nama. Ma kpak ma bambe. Mu kpok ti ya kizen a kaali tɛɛnɛ nɔ tim maga kpok.”

Tuma 10:35

Ba naa maga yaa tum tum were a la nyɛ un jirima a li pulumsi maga ni, o zi la ba duu.

Room 14:17

Koosa dɔ ma, diwe naa ma di a la nyɔ wa bu ya kibirigi o wati. Chenani o siim weri ti nyɛ ma bara sɔɔna awa tu sɔɔna a la suŋi ma di ma tum tum were a nyɛ Koosa ni, kin nama ka ya kibirigi a li o wati.

Room 15:13

Ma se su Koosa naa ya bambi bɛgim tiina. Chendaha o zi nyɛ ma tu sɔɔna awa bara sɔɔna kinkan, chen ni ma bambi bɛgim naa ma kpak un ni zi zenu aa gbaari a li o siim weri ti kpok ni.

Room 2:7

Ba naa maga la tum tum were wa kanyita saha maga, chen ni ba zi wa la jirima awa chaani kinkan awa miisa naa vɛ kpak bɔu Koosa wati, Koosa zi kpa kin namau a nyɛ ba.

Room 2:9

Muksi awa wiili zi wa pu ba naa maga la tum tum tagnau. A zi wa te pu ba naa ya Ju tima a zi pu ba naa vɛ ya Ju tima.

Room 5:1

Lalaknɔ Koosa wa piin na ya galimsa ya se suuli daha. Ya wa un kpak nɔ bɛgimnɛ ya kunyan Yesu Kristo daha.

Room 8:6

Ba naa la lisi ba bara kina wɛ, Koosa zi wa ta ba yɔriu, amaa ba naa ka la lisi Koosa siim weri ti kina wɛ, ba waa kpak bara sɔɔna awa o mi fali ti.

Room 9:21

Tempile nikɔɔri daŋni o lagmi chuha a kɔɔri tempile naa ba zi kpa a tum tum were, a ka kɔɔri tempile naa ba zi kpa a tum tum tagna, waa kpak chen kpok.

Room 9:23

O gbanko funɛ daŋni o biksi ba naa o kpak siki o jirima awa o chaani kinkan. Saha digi o funɛ saksi bau di ba la nyɛn o tɔhɔn ti ni a la un.

Gal. 5:22

Amaa Koosa siim weri ti ka nyɛn ma ni, o zi nyɛ maa daŋni dɔŋau a kinyɛ ma tu sɔɔna awa bara sɔɔna saha maga. O zi nyɛ ma kpak kanyitau a tum tum were a nyɛ nara ni a ya nibin were a ya wuti tima,

Gal. 5:6

Domi ya wa Kristo ya nibɛgimnɛ, Koosa baga wa to di nara teŋsi yau koo ba wa teŋsi. Amaa o ka daŋni kinkannɛ di ya se su un, chen ni ya zi daŋni dɔŋau.

Filip. Tima 4:7

Koosa nyɛ ma bara sɔɔni kinkan. Chen zi nyɛn ma bambe awa ma lise niu domi ma wa Yesu Kristo ya nibɛgimnɛ. Chenani o ya chen kaali chenani ya zim.

1 Tim. 1:17

Ma nyɛ ya yaa kipɛgi Koosa a kinyɛ un jirima kinkan. Waa ya ya koora naa nyɛnɛɛ hali saha naa vɛ kpak bɔ, a ya nibɛgim duŋduŋ. Nandigi wa koti a na un. Ami.

Ju 2:7

Saha naa la zi vɛ vusi, i funɛ nyɛ i malaikasi ta zenu a kaali ba, a kpa jirima awa chaani a nyɛ ba.

Jems 2:22

Abraham si suuli awa o yaali funɛ ya kibɛgimne. O chen yaali ti la biksi ya di o si funɛ sir su Koosau.

Jems 3:13

Nandigi kpak nɛha awa zima a li ma niuu? O nyɛ o nyɛni awa o tum were kibiksi nara di o kpak nɛha awa zima a ya jɛrgi.

1 Pita 1:7

Nibinsa yaa kpa salmau a du din ni di o burgi kiweri. Chen vɛɛna, Koosa nyɛ sintana zaamsi ma, chen ni o zi biksi di ma se suuli naa ma kpak un ni, chen ya wutirɛ. Ma se suuli ti Koosa wati, o kaali salma naa la zi wa chɔku. Saha naa Yesu Kristo wa bur wa nara suwachak ni, Koosa tuha zi sɔɔniu wa ya ni ka o zi nyɛ ya o jirima awa o chaani kinkan.

1 Pita 5:4

Chen ni Kristo naa ya ya nigbaŋi nihɛɛ, wa bur wa, o zi wa bɔ ma chimu ka o zi wa kpa jirima naa vɛ chɔki a nyɛ ma.