Room 13:2 - Tampulma

² chen ni nara maga vɛ tiŋ ba nɔɔna, Koosa nɔrɛ ba vɛ chen. Waa la zi di ba sɛria a na ba galimsa.

Room 13:2 Marejeleo ya Msalaba

Mat. 23:13

“Ma Koosa chiksɛ nibiksɛ awa Farisi tima, yɛrɛ o kaa wa du ma ni? Ma ya nusun timwa. Chenani maa biksi nara chi ma tɔ Koosa koor ti bulzɔɔnɔ a nyɛ ba. Ma titi wara daŋni Koosa wa dɔ ma. Ma gbanko daŋni ma tɔ ba naa la wa Koosa wati nyinbaannɛ. ((

Maak 12:40

Ba yaa zaami Koosa wa ba zaamirɛ a vusi a bu ŋmɛ luhaana kina. Koosa wa di ba sɛria, ba zi wa na namsiu kinkan a kaali ba dɔŋtima.”

Luk 20:47

Ba yaa zaami Koosa wa ba zaamirɛ a vusi a bu ŋmɛ luhaana kina. Koosa wa di ba sɛria, ba zi wa na namsiu kinkan a kaali ba dɔŋtima.”

Room 13:1

Nara maga kitiŋ pulum nihɛɛta nɔɔna. Nandigi waa kikoti a ya nihɛɛ see Koosa la nɔɔni. Waa funɛ nyɛ ba ya nihɛɛta,

Room 13:3

Ba naa la tum tum were wa zi ɔm pulum ti nihɛɛti ta. Ba naa ka la tum tum tagna, ba zi ɔmu. Ma wara daŋni ma ɔm nihɛɛti taa? Maa tum tum were ba zi pɛgi mau.

Room 13:5

Chendaha o lawa maa tiŋ pulum ti nihɛɛti ta nɔɔnau. Ma ta tiŋi di ma ɔm ba paan ti duŋduŋ, amaa maa nyɛ ba jirima domi ma la tiŋ Koosa wa tu bɛgim ni daha.

Room 9:19

Tɔ. Ma zi ŋɔ minu Koosa nyɛ nibine si kpok, yɛrɛ o zi ŋɔ di chen tiin tum galimsau? Nandigi wa kikoti a burgi o gantɛl a chak chenani Koosa tum.

Tait. 3:1

Kilisi nara di baa kpa ba bambe a du ba koora awa ba nyuhu tim ni a tiŋ ba nɔɔna a kisaksi ba titi aa tum tum were saha maga.

Jems 3:1

Mu niinbisa, ma zim di Koosa zi wa di ya naa ya nibiksɛ sɛria a kaali ya dɔŋtima. Chendaha o wa lawa ma i a ya nibiksɛ.

1 Pita 2:13

Ma kpak ya kunyan ti sɔn. Chendaha maa tiŋ kaŋkoorsa awa koorsa ba naa maga tiŋ ba gantɛl, nɔ. O vɔti bau di ba lɛrgi ba naa la tum tum tagna diŋsa a kipɛgi ba naa la tum tum were.