Room 13:13 - Tampulma

¹³ Ya wa bu nyɛn dusum ni. Chendaha o lawa ya tum chenu. Ma ta nyɛ ya lagmi dɔŋ ni a nyɔ sin a dɛɛsi. Ma ta tum chɔkumsa awa sakaal tuma a kidi dɔŋa wa amɔrɛ a kpak handɔta wa dɔŋ ni.

Room 13:13 Marejeleo ya Msalaba

Luk 1:6

O wa o haan ti funɛ ya nibin werewa aa tiŋ Koosa chiksɛ nɛnɛ.

Luk 16:19

Yesu fun bukoo ŋɔ ba, “Malɛ tiin digi funɛ nyɛn doon a laari kilaarɛ naa malɛ kpokee kinkan. O funɛ kpak kin naa maga o daŋniu.

Luk 21:34

“A wuzu naa mu kaa wa zi pirigi ma niu. Adaha ma doso ma ta vaan kpa ma bambe a tiŋ lalaknɔ yaali. Ma ta nyɛ ma wa ma dɔŋtima lagmi a diili a kinyɔ sin kpoka.

Tuma 2:15

Ma bɔnɛ ŋɔ dɔŋ ni di ya nyɔ sinnɛ a dɛɛsi, amaa o wa ya wuti. O ha ya chɔɔsau di nara ha vɛ di kundɔŋ a nyɔ sinu.

1 Kɔr. 3:3

domi ma ha vɛɛna tiŋu a chi tɛɛnɛ nɔ tim maga. Chenani maa di handɔta awa dɔŋa a la di amɔrɛ wa dɔŋ ni biksi di ma wara tiŋ Koosa siim weri ti nyinbaan. Ma ka tiŋ tɛɛnɛ nɔ tim maga nyinbaannɛ.

Gal. 5:19

Ma zim chenani nara titi daŋnɛ duu. Saha maga baa tum sakaal tumwa awa chɔkumsi tuma.

Gal. 5:21

a nyɔ sin a dɛɛsi a lagmi a di diwe kinkan a la tum tum tagna kinkan. Mu funɛ te tɛ ma ninu kin nama daha. Mu bukoo tɛ ba naa la tum tuma a chi nan ninu di ba wa zi wa zu Koosa koor ti.

Ɛfɛ. 4:1

Mu waa naa ba fun tɔ dɛ ya kunyan ti daha, mu sumi mau di ma tiŋ chenani deŋlee wa ma tiŋ. Koosa funɛ yir ma di ma tiŋ chen.

Ɛfɛ. 4:17

Domi ma wa ma kunyan ti ya nibɛgim daha, mu daŋni mu ŋɔ ma di ma ta nyɛni a chi ba naa vɛ zim Koosa nyɛni. Chenani ba lisi ya yɔrirɛ,

Ɛfɛ. 5:15

Maa doso ma nyɛni ni. Ma ta tiŋi a chi womna, amaa maa tiŋ a chi ninɛɛgɛ.

Ɛfɛ. 5:18

Ma ta nyɛ sin dɔ ma. Ma ka nyɛ Koosa siim weri ti dɔ ma.

Ɛfɛ. 5:8

Ma funɛ vɛ te zim Koosa, ma funɛ nyɛn birsi nee, amaa lalaknɔ ma wa Yesu Kristo ya nibɛgimnɛ, ma nyɛn nha nɛɛ. Chendaha maa tiŋ a chi ba naa nyɛn nha ni chen tiŋ.

Filip. Tima 1:27

Ma zim chenani o deŋliu wa maa tiŋ un. Maa tiŋ chen, chen ni mu wa wa ma wati lalaga koo mu vusu a nu ma wɛ, mu zi zimu di ma kpak nɔ bɛgimu wa dɔŋ ni a kpak nɛnɛ, a kpak un ma bambe ni kinkan di ma biksi nara Koosa laaboor weri naa nyɛ ba se su un wɛ.

Filip. Tima 2:3

Ma ta ya se tima a kidaŋni sɔna. Ma ta lisi di ma ya nibin werewa a kaali ma dɔŋtima. Ma ka ya jɛrgɛ tima.

Kɔl. 1:10

Ya daŋni ma zim nannɛ, chen ni ma zi tiŋu a chi chenani ya kunyan ti daŋni a sɔɔni o tuha saha maga, a tum tum were nɛnɛ a zim Koosa a gbaari,

Kɔl. 3:5

Ma kpa ma tum tagna a ta. Ma ta kpa ma bara aa tum chɔkumsi tuma, a ta tum sakaal tuma koo tum tum tagna ma lisi tagna daha. Ma gbanko ta chi kidɔŋtima. Kidɔŋtim maga chi ba naa yaa nyɛ vursa wa jirima chene a ya yɔrirɛ.

1 Tɛs. 2:12

Ya funɛ belimi mau a la kpami ma a ŋɔ ma di ma tum tum naa la zi sɔɔni Koosa tuha. Waa ya naa funɛ yir ma di ma wa zu o koor ti. O wa ma zi wa bɔni o jirima awa o chaaniu wuzu digi.

1 Tɛs. 4:12

Maa tiŋ nan ni, ba naa funɛ vɛ di se wa zi su Yesu chen, ba zi nyɛ ma jirimau. Ma wa zi nyini nandigi se ni di o nyɛ ma kundɔŋ.

1 Tɛs. 5:17

a kisumi Koosa saha maga,

Jems 4:5

Ma ta lisi di sɛmsɛm naa ba fun a sɔbi a du Koosa sɛm tɔn ti ni, ya yɔrirɛ. Ba funɛ sɔbiu a ŋɔ, “Siim naa Koosa fun kpa a du ya ni chen, o yaa kpak handɔtirɛ a li o titi daŋni ni.”

1 Jɔn 2:6

Nar ŋɔ di o nyɛn Koosa nɛɛ, o tiŋ un a chi o be Yesu funɛ tiŋ un chen.

2 Jɔn 1:4

Mu tuha sɔɔnɛu kinkan domi mu funɛ na ka i bisi ta bɔnɛ tiŋ wuti ti a chi chenani ya kunyana Koosa fun ŋɔ di ya tiŋ chen.

Juud 1:23

a yisi ba a li bar tagin ni. Ma gbanko kpak ba naa bur Koosa nyinbaan tiŋi ti ni siki. Amaa ma doso wa ba tum tagna ni a ha a.