Room 13:11 - Tampulma

¹¹ Ma zimu di tɛɛne nɔ maga siili saha duglɛu. Chendaha maa kpak un ma bambe ni aa tiŋ chen. Saha naa Koosa zi wa yisi ya a li ya tum tagna ni hali a wa peti duglɛu a kaali saha naa ya se fun te su Yesu.

Room 13:11 Marejeleo ya Msalaba

Mat. 16:3

Nha ka wa yɛli ka buudaha buri, ma zim di doon zi miu. Ma zim di doon zi miu koo o wa zi mi, amaa ma wa koti a zim kin nawara la ya zinan mun.”

Luk 21:28

Ma wa na min, ma si chiŋi a zer ma nyuuna buudaha ni. Saha naa mu kaa la ma nyuuna a nyɛ ma duglɛu.”

1 Kɔr. 10:11

Kin na funɛ ya bau di a biksi ya. Ba fun sɔbi chenani funɛ ya di o biksi ya naa nyɛn tɛɛnɛ nɔ maga peti saha, di ya fiɛŋ ya wa tiŋ a chi chenani ba funɛ tiŋ.

1 Kɔr. 15:34

Ma bur wa ma nɛha ni a gil ma tum tagna. Ma bɔnɛ wa fun zim Koosa nɛnɛ. O wa kpak ma hiisaa?

Ɛfɛ. 5:14

Doonani nha nyɛn, birsa wa dugli dooni. Nandigi funɛ ŋɔ, “Ma naa la chɔ birsi ni nan, ma si a li ma sou ni, chen ni Yesu Kristo zi chaani ma niu.”

Jems 5:8

Ma gbanko kpak kanyita. Ma nyɛ ma bambe chiŋi bar bɛgim, domi wuzu naa ya kunyan ti zi wa bur wa, chen duglɛu.

1 Pita 4:7

Tɛɛnɛ nɔ maga siili saha duglɛu. O lawa ma ya bambe timau, chen ni ma zi koti a sumi Koosa wa nɛha niu.

2 Pita 3:11

Wuzu digi buudaha awa tɛɛnɛ nɔ maga zi wa chɔku a chi chen, nibin baŋwa ma kaa wa chi? Ma ya tu chaan tima a kitiŋ Koosa nɛnɛ,

2 Pita 3:9

Nara bɔnɛ lisi di ya kunyan ti vusiu a vɛ tum chenani o fun vɔwi. O daŋni ma gil ma tum tagniwa aa tiŋ un, chen ni o wa zi wa chɔk ma. Chendaha o kpak ma kanyita.

1 Jɔn 2:18

Mu bisa, tɛɛnɛ nɔ maga siili saha duglɛu. Ma funɛ nu di Yesu dɔm zen zi wa wau chen saha ti. Amaa Yesu dɔm damata piin liu a wa. Chendaha ya zim di tɛɛnɛ nɔ maga siili saha ti duglɛu.

JɔnN Deesi 1:3

Ba naa karimi tɔn nɔ a ŋɔ ba dɔŋtim ni awa ba naa nu chenani la zi wa ya ka ba tiŋ mu sɛma, ba tusa zi sɔɔniu kinkan. Saha naa kin nama kaa wa ya duglɛu.

JɔnN Deesi 22:10

O fun bu ŋɔ min, “Ta kpa sɛm naa nyɛn tɔn nɔ ni a sogli, domi o wa zi vusi ka a zi ya wuti.

JɔnN Deesi 22:12

Yesu ŋɔ, “Ma nu mu wati. O wa zi vusi ka mu wa bɔ ma chim a li chenani ma tum.

JɔnN Deesi 22:20

Naa chiŋɛ mu sɛm na gantɛl ni ŋɔɛɛ di, “Wuti o wa zi vusi ka mu bur wa.” Nyɛ o ya a chi chenani i ŋɔ chen. Ya kunyana, bur kuwa.