Room 12:8 - Tampulma

⁸ O nyɛ ya kpami nara ba tiŋi ni, ma nyɛ ya kpami ba chen ni. O nyɛ nibine kpa o kina a bɔni nara, o lawa o ya chenu a li o bambi ni. O nyɛ nibine ya nyuhu tiina, o lawa o kpak si sɛmu a tum nɛnɛ. O nyɛ nibine kpak nara siki, o lawa o kpak tu sɔɔnau.

Room 12:8 Marejeleo ya Msalaba

Mat. 25:40

Mu zi ŋɔ bau, ‘Wutirɛ n ŋɔ ma, chen naa maga ma fun ya a nyɛ mu gantɛl tiŋsi ta ni hali ba bichɛl tiin ni, mu nɛɛ ma tum nyɛ chen.’

Tuma 11:23

O funɛ la tel a na chenani Koosa nyɛ ba nyusum, o tuha fun sɔɔni kinkan. O fun kpami ba di ba kpak ya kunyana nɛnɛ awa ba tuha bɛgim ni.

Tuma 13:12

Gɔbnati nyuhu tiin ti funɛ na chenani yɛɛ, o se fun su Koosa laaboor weri ti. Alaazibu fun kpak un kinkan a li chenani Barnabas awa Sɔɔl fun biksi un ya kunyan ti wɛ.

Tuma 13:15

Nandigi funɛ karimi a li chiksɛ naa Koosa fun kpa nyɛ Mosis ni awa tɔni naa Koosa witinsi ta fun sɔbi ni. Doone bar lagmi dɛ ti nihɛɛta fun tum nandigi di o la ŋɔ ba, “Ya niinbisa, ma zim chenani ma zi sɛm a kpami nara tima, ya nyɛ ma nyinbaanu di ma ya chen.”

Tuma 15:32

Judas awa Sailas funɛ ya Koosa witinsi ta nara balɛwa. Ba gbanko fun kpami Yesu nitiŋɛ ba naa funɛ nyɛn dooni, di ba kpak Yesu nɛnɛ a vusi.

Tuma 20:2

O fun gba a go Masɛdonia pulum a kpami Yesu nitiŋɛ ba naa nyɛn dooni. O fun li dooni a kaali Girik tim pulum,

Tuma 20:28

Waa funɛ nyɛ o be sou a nyɛ ya, chen ni ya zi kotiu a bur a tiŋ un a ya o nara. O siim weri ti funɛ lisi ma di ma ya Yesu nitiŋɛ ba naa funɛ nyɛn Ɛfɛsus ni, nihɛɛta. Ba waa chi piisisa ka ma ka chi ba nigbaŋɛ. Ma kpak Yesu nɛnɛ, chen ni ma zi kotiu a kok ba.

Tuma 4:36

Ba nidigi sɔn funɛ ya Josɛf. Nitumɛ ta gbanko funɛ yir un Barnabas. Barnabas ti mun ya, ‘naa la kpami nara’. O funɛ li lul naa ba yir Livai nɛɛ a li pulum ni gore. Ba yir dooni Saiprus.

Room 12:13

Maa suŋi Koosa nara ba naa vɛ kpak kina, a la hɔɔra a du ma damsi ni.

Room 13:6

Chendaha o weru di ma bɔ lamposa. O ya Koosa tutɔrɛ ma ya chen, chen ni pulum ti nihɛɛti ta zi kotiu a tum ba tuma a nyɛ un.

1 Kɔr. 12:28

Koosa nyɛ ma nibɛgim bɛgim tum naa ma zi tum. Koosa nitumɛ ta ya ba naa funɛ te ma suwachak. O witinsa ba naa la mɔɔli o laaboor weri ti, tiŋ o nitumɛ tawa. Koosa nibiksɛ ta gbanko tiŋ ba warɛ. Ba naa la tum alaazibu tuma gbanko tiŋ Koosa nibiksɛ tawa. Ba naa la tiibi nara awa ba naa la suŋi nara, ba gbanko tiŋ ba warɛ. Ba naa ya ba nihɛɛta aa kpami nara ka ba naa la sɛm sɛm kurgɛ gbanko tiŋ ba warɛ.

1 Kɔr. 14:3

Amaa naa la sɛm a nyɛ nara ni a li Koosa kpok ti ni, waa la suŋi ba di ba zim Koosa wɛ a la kpami ba a la belimi ba.

2 Kɔr. 1:12

Ya tusa sɔɔniu domi ya zimu di ya ha wa tiŋ tɛɛnɛ nɔ tim maga zima. Koosa ka suŋi ya di ya nyɛn wa tu chaana awa tu bɛgim ni nara maga suwachak ni. Ya wa ma funɛ nyɛn chen, ya fun doso a kaali chenani ya fun nyɛn.

2 Kɔr. 11:3

O muksi minu kinkan ma daha. Ma bɔnɛ nyɛ nara burgi ma bambeu a li chenani ma fun te tiŋ Yesu Kristo a li tu bɛgim ni. Ma burgi nɔ chi chenani sintana fun nɛɛgi a mur Iif saha digi chen.

2 Kɔr. 8:12

Ma daŋni kinkan di ma lisi a li ma kin ta ni a nyɛ nara ni, Koosa zi la ma papahau. O bak wa to kin naa ma vɛ koti a nyɛ ba. O baga nyɛnu di ma kpa nyɛ ba chenani ma koti.

2 Kɔr. 9:11

O yaa daŋni ma lisi a li kidamata a naa o fun nyɛ ma ni di ma suŋi ma dɔŋtima. Ya kpa ma papaha ti a nyɛ ba naa la daŋni un ni, ba zi pɛgi Koosau ma daha.

2 Kɔr. 9:13

Ma suŋi ba kinkan chen ni, ma biksi narawa di maa tiŋ Koosa laaboor weri ti Yesu Kristo wɛ nɛnɛ. Ba zi nyɛ Koosa jirimau, domi ma waa la suŋi ba awa nara maga kinkan.

2 Kɔr. 9:7

Ma maga kpa chenani ma lisi di ma nyɛ ya. Ma ta nyɛ ma nisa zugi a li ma papaha ti nyɛɛli ni. Ba naa la nyɛ awa nin fuŋsɛ ni yaa sɔɔni Koosa tuha kinkan.

Ɛfɛ. 6:5

Yosa, maa nyɛ ma kunyama wa jirima kinkan aa tiŋ ba nɔɔna ma bambe ni, a chi chenani maa tiŋ Yesu Kristo.

Kɔl. 3:22

Yosa, maa tiŋ ma kunyama nɔɔna a li kina maga ni. Ma ta tum kinkan a li ba se duŋduŋ ni, amaa maa tum ma bambe ni saha maga, domi ma nyɛ ya kunyan Yesu jirimarɛ.

1 Tɛs. 2:3

Laaboor weri naa ya funɛ sɛm ma a la sumi ma di ma nu, o maga funɛ ya wutirɛ. Ya wara daŋni ya suni wɛ di ya mur ma a kidaŋni nyɔɔra ma daha.

1 Tɛs. 2:8

Domi ya funɛ daŋni mau kinkan, o wa fun ya di Koosa laaboor weri ti duŋduŋnɛ ya funɛ daŋni ya kpa a nyɛ ma. Hali ya funɛ daŋni ya kpa ya titi miisarɛ a nyɛ ma.

1 Tim. 4:13

Hali mu wa wa i wati, kpak si sɛm a karimi Koosa sɛm tɔn ti nara suwachak ni a kibiksi ba Koosa wɛ.

1 Tim. 5:17

Yesu nitiŋɛ nihɛɛta ba naa la nyini ba nara nɛnɛ a kpak si sɛm aa biksi nara Koosa wɛ kinkan, o lawa ba na jirima bilɛu.

1 Tim. 6:18

Kibiksi ba baa tum tum were nɛnɛ a kidaŋni ba bɔni ba kina a nyɛ ba dɔŋtima ni.

Ju 10:25

Ya bɔnɛ wara lagmi dɔŋ ni a chi chenani ya fu zi du. Ma ta nyɛ ya tiŋ chenani ba tiŋi. Ya kunyan ti zi bur wa lalaga. Chendaha o lawa yaa kpami dɔŋau kinkan a gbaari.

Ju 13:17

Maa tiŋ ma nihɛɛti ta nɔɔna saha maga. Wuzu digi Koosa zi wa daŋni ba wa ŋɔ un chenani ba fun tum a nyɛ unu. Chendaha ba vɛ koti a hiisi a la nyini ma. Ma tiŋ ba nɔɔna, ba zi tum ba tuma wa tu sɔɔniu. Ma vɛ tiŋ ba nɔɔna, ma zi chɔk ba tusau ka o vɛ suŋi ma.

Ju 13:22

Mu niinbisa, mu tɔn naa sɔbi a nyɛ ma nan, o wa ziŋ. Mu sumi mau di ma nu mu sɛma a naa la zi kpami ma, wa kanyita ni.

Ju 13:24

Ma zaami ma nihɛɛta awa Koosa nara ba naa maga nyɛn ma ni, a nyɛ ya. Ma niinbisa ba naa nyɛn Itali pulum ni, ba gbanko zaami mau.

Ju 13:7

Maa lisi ba naa funɛ te wa biksi Koosa laaboor weri ti a nyɛ ma, a siti. Ma zim chenani ba funɛ tiŋ un nɛnɛu. Ma nyɛ ma se su Koosa a chi chenani ba se fu su un.