Room 12:6 - Tampulma

⁶ Koosa fun kpa o papaha kurgɛ a nyɛ ya di ya tum tuma a nyɛ un. O fun nyɛ ya burgi o witinsa chen ni ya zi kotiu a biksi nara o wɛ, ma nyɛ ya ya chen. Ma nyɛ ya biksi a chi chenani ya se su un.

Room 12:6 Marejeleo ya Msalaba

Mat. 23:34

Adaha mu ŋɔ mau, n zi wa tum witinsa awa nibin nɛɛgɛ awa nibiksɛ ba wa ma watiu. Ma zi kpaasi ba bɔnɛu a marigi daakaklɛ niu a kpu ba. Ma ka zi wa tuk ba bɔnɛ awa vurmsi niu a li ma bar lagmi dɛɛni ta ni a duŋni ba a li ma tɔsi ni.

Mat. 25:22

Tumtum naa funɛ la sidi tusugsa lɛ chen, o fun wa o suwachak a ŋɔ un, ‘Mu kunyana, i funɛ kpa sidi tusugsa lɛwa a nyɛ min. Mu ka gbaari sidi tusugsa lɛ.’

Luk 11:49

Koosa naa ya zima tiina fun ŋɔ saha digi di o zi wa tum o witinsi ta awa o nitumɛ ta Ju tim watiu. O funɛ zimu di Ju tim ta zi wa kpu ba bɔnɛu a namsi ba bɔnɛ.

Tuma 13:1

Yesu nitiŋɛ ba naa funɛ nyɛn Antiɔk ni, bɔnɛ yaa mɔɔli Koosa laaboor weri ti. Bɔnɛ ka yaa biksi ba o mun. Ba funɛ yir ba sɔna, Barnabas, Simiɔn naa funɛ ya nibin bilim, Lusius naa funɛ li Sairini pulum, Manayɛn naa wa koor Hɛrɔd funɛ lagmi a bi, awa Sɔɔl.

Tuma 15:32

Judas awa Sailas funɛ ya Koosa witinsi ta nara balɛwa. Ba gbanko fun kpami Yesu nitiŋɛ ba naa funɛ nyɛn dooni, di ba kpak Yesu nɛnɛ a vusi.

Tuma 2:17

‘Tɛɛnɛ nɔ maga siili saha wa dugli, mu zi kpa mu siim weri tiu a du nara maga ni. Ma bisa awa ma nihabichɛsa zi mɔɔli mu laaboorau a biksi nara. Ma bunɔɔna awa nihɛɛta zi la mu wutiu a chi ba deesi.

Tuma 21:9

O funɛ kpak nihabichɛsa nara banaasiwa ba gbaari un ni a biksi nara Koosa laaboor weri ti wɛ. Ba ha wa fun yu baalasa.

Room 1:11

Mu daŋni mu na mau kinkan, chen ni mu wa ma zi kotiu a bɔni Koosa siim weri ti papaha bɛgim di ma kpak nɛnɛ.

Room 12:3

Koosa la suŋi min di mu biksi ma nan. Ma ta daŋni sɔna a kaali chenani ma fu zi du. Koosa nyɛ ma se su un. Ma kpa ma se suuli ti a kidi ma titi sɛria wa nɛha ni.

1 Kɔr. 12:18

Amaa chen laata Koosa fun naami ya. O funɛ kpa ya bara luk pɛksiwa a lagmi a chi chenani o daŋni.

1 Kɔr. 13:2

Mu koti a biksi nara Koosa wɛ nɛnɛ o kpok ti ni, a nɛɛgi kinkan a zim Koosa kisogle a kpak kpok a zi koti a ŋɔ bi ni di o si o bar chiŋi ti ni aa la bar digi. Mu koti aa tum nan maga a vɛ daŋni nara, o ya yɔrirɛ.

1 Kɔr. 14:1

Ma nyɛ ma se sɛri awa nara daŋni ni. Ma gbanko nyɛ ma se sɛri wa papaha a naa Koosa siim weri ti kpa nyɛ ma ni. Papaha naa nyɛ yaa sɛm Koosa sɛma a li o kpok ti ni, waa kaali a maga.

1 Kɔr. 14:24

Amaa ma maga sɛm a li Koosa kpok ti ni, ba naa se vɛ su Koosa awa ba naa maga vɛ zim sɛm kurgɛ ta wa zu, ba zi nuu a la nɔɔni di ba ya tum tagna nitumɛwa. Ma sɛm maga zi zu ba bambeu.

1 Kɔr. 14:29

Koosa witinsa ba naa la zi sɛm a li Koosa kpok ti ni, ma nyɛ ba ya nara balɛ akoo nara batora duŋduŋ nyɛ ba dɔŋtima kani a nu ba sɛm tima nɛnɛ aa kilisi a maga wɛ.

1 Kɔr. 3:5

Apɔlɔs wa Pɔɔl ya nibin zenewa maa tiŋ baa? Aai. Ya waa ya Koosa tumtumsa a nyɛ ma nyinbaan di ma se su un. Waa funɛ nyɛ ya nara balɛ na tuma yaa tum.

1 Kɔr. 7:7

amaa mu wati, nibaala maga fun ya bazooma a chi mu ya bazoom nan, chen fu zi bɔ wa ba kpak nihaana. Amaa o wa ya di nara maga nɛɛ Koosa nyɛ ba chen papaha ti di o nyɛn a ta kpak haan. Koosa papaha naa o kpa nyɛ nara ni, a kuurgu.

2 Kɔr. 8:12

Ma daŋni kinkan di ma lisi a li ma kin ta ni a nyɛ nara ni, Koosa zi la ma papahau. O bak wa to kin naa ma vɛ koti a nyɛ ba. O baga nyɛnu di ma kpa nyɛ ba chenani ma koti.

Ɛfɛ. 3:5

Saha digi hali lalaknɔ Koosa wa fun biksi o wu sogle ta mun. Amaa lalaknɔ o kpa au a li gbampulim a nyɛ o siim weri ti biksi o witinsi ta awa o nitumɛ ba naa o fun lisi a nyɛ o titi ni.

Ɛfɛ. 4:11

O funɛ lisi a li o papaha ti ni a nyɛ o nitiŋɛ ta ni, o fun nyɛ ba bɔnɛ ŋɔ nara o wɛ, bɔnɛ nyini o nitiŋɛ ta, bɔnɛ ka biksi ba o wɛ,

Filip. Tima 3:15

Ya naa maga la tiŋ Kristo aa kpak un nɛnɛ, ya maga kilisi chen. Ma bɔnɛ vɛ la nɔɔni chenani mu sɔbi chen, Koosa zi suŋi mau ma zim chenani mu biksi ma.

1 Tɛs. 5:20

Ma ta sɛm sɛm tagna a nyɛ laaboor naa Koosa witinsa ta sɛm a li o kpok ti ni chen.

2 Pita 1:20

O lawa ma zimu nɛnɛ di chenani Koosa witinsi ta fun sɔbi a li Koosa sɛm tɔn ti ni wa fun li ba titi nɛɛ.