Room 12:3 - Tampulma

³ Koosa la suŋi min di mu biksi ma nan. Ma ta daŋni sɔna a kaali chenani ma fu zi du. Koosa nyɛ ma se su un. Ma kpa ma se suuli ti a kidi ma titi sɛria wa nɛha ni.

Room 12:3 Marejeleo ya Msalaba

Luk 18:11

Farisi tim ta baal ti fun la chiŋi o duŋduŋ a sumi Koosa a ŋɔ, ‘Mu kunyana Koosa, mu zaami hinu di n wa nara wa ya kibɛgim. Ba waa la daŋni malɛ ka ba se vɛ su ba dɔŋtima, ka ba daŋni nihaana yɔri yɔri. N zaami hinu n wa chi lampo nilali naa chiŋi dooni chen.

Jɔn 3:34

Koosa funɛ tum un di o la biksi nara o wɛ. O funɛ nyɛ o siim weri ti si un niu a suŋi un o tum chen.

Room 1:5

Yesu Kristo fun a suŋi min di mu ya o nitumi aa la sɛm tɛɛnɛ nɔ tim maga ni a nyɛ un, chen ni ba se zi su unu ka baa tiŋ o nɔ.

Room 11:20

Chenani ma sɛm ya wuti. Ju tim ta wa fun a nyɛ ba se su Koosa. Chendaha o fun teŋ a a ta. Ma se su un. Chendaha ma ka chiŋi a bar chiŋi ni. Ma ta daŋni sɔn a li chenani Koosa tum ni. Ma doso a ta wa cheli a chi Ju tim ta.

Room 11:25

Mu niinbisa, mu daŋni mu zimu wuti naa Koosa fun biksi ya gbampulim ni, chen ni ma wa zi daŋni sɔn o funɛ lisi ma daha. Wuzu digi ba naa maga vɛ ya Ju tima Koosa fun lisi chen, zi wa o watiu. Hali chen saha ti o zi nyɛ Ju tim nidamata se kpoku.

Room 12:16

Maa kpak nɔ bɛgim wa dɔŋ ni. Ma ta daŋni sɔna. Ma saksi a nyɛ ma wa ba naa la tum tum wisa lagmi kitum. Ma ta lisi di maa zim kina magau.

1 Kɔr. 15:10

Amaa Koosa funɛ ɔm min sikiu a suŋi min. O funɛ suŋi min chen daha, mu koti a du chenani mu du nan. Amaa chenani o fun suŋi min, mu wa kpa a a ta. Mu funɛ siu aa tum o tuma kinkan hali a kaali ba maga. Mu wara tum o tuma a li mu titi kpok ni, amaa Koosa la suŋi min.

1 Kɔr. 3:10

Koosa nyɛ min o kpok ti mu ya tɛsal weri a baŋ o dɛ ti sɛchik a nyɛ un. Nandigi wa wa sa zɔŋ o daha. Ba naa maga sa Koosa dɛɛna, ba doso a ya tɛsal were.

1 Kɔr. 7:17

Adaha nara maga kitum aa di a chi chenani o fun piinsa tum aa di hali Koosa fun yir un. Chene Koosa daŋni nara maga kitum aa di. Mu biksi Koosa nitiŋɛ ta bawu maga ni a chi chen.

2 Kɔr. 10:13

Ya wara daŋni sɔna a kaali chenani Koosa fun lisi ya di ya tum o tuma. Chenani ya suŋi ma ya tum ta bar digirɛ.

2 Kɔr. 12:13

Chenani mu fun a biksi ma awa chenani mu fun a biksi Koosa nitiŋɛ ba naa nyɛn bar kurgɛ ni, ya kibɛgimnɛ, amaa kibɛgim funɛ ka. Mu wa fun pɛɛsi ma di ma suŋi min wa diwe ni. Mu vɛ nyɛ ma tusa sɔɔni diwe na daha, ma gil nyɛ min.

2 Kɔr. 12:7

Koosa wa funɛ daŋni mu zer mu titi, domi o funɛ nyɛ mu nu alaazibu sɛmau. Chendaha o fun kpa wichɔɔrta a nyɛ min o wi mu bara ni saha maga. O chi Koosa nyɛ sintana tuksi minu saha maga.

Gal. 6:3

Nar lisee di o ya nibin zenne a vɛ yaali, o mur o titirɛ.

Ɛfɛ. 3:2

Ma wa fun zim di Koosa funɛ kpa o kina a naa la zi suŋi ma a du mu nin nee?

Ɛfɛ. 3:4

Ma bukoo a karimi tɔn naa mu fun sɔbi a nyɛ ma chen, ma zi zim chenani mu zim Yesu Kristo wu sogle mun wɛu.

Ɛfɛ. 4:16

Ya chi o bara luk pɛksiwa. Waa nyɛ o bara kpok a li boma naa chomse ya ni. Ya maga tum nɛnɛ a la daŋni dɔŋa aa tiŋ un nɛnɛ a gbaari, o bara zi na alaafɛu.

Filip. Tima 2:13

Saha maga Koosa yaa tum ma bambe niu, chen ni ma zi zim chenani o daŋni ma tumu.

Kɔl. 1:29

Chendaha mu si sɛri mu tum ni ka mu kpaŋi kinkan. Kristo la nyɛ min o kpok ti kinkan, chen ni mu zi kotiu a tum chen.

Kɔl. 2:13

Saha digi ma funɛ ya ba naa vɛ ya Ju timwa a vɛ zim Koosa. Ma tum tagna funɛ nyɛ ma chi nibin sitɛ. Lalaknɔ Koosa funɛ lɛli mau a li ma sou ni a chi chenani o fun lɛli Kristo chen. Waa funɛ gil ya tum tagna maga a nyɛ ya.

1 Tim. 1:14

a suŋi min hali o vɛ kpak bɔ di mu si su un, chen ni mu zi kotiu a daŋni nara. Ba naa maga wa Yesu Kristo ya nibɛgim, o suŋi ya nan.

1 Tim. 2:15

Amaa nihaana ba naa la dɛɛsi bisa, ba kpak nɛnɛ a nyɛ ba se su Koosa kinkan a daŋni dɔŋa aa ya bambi tima, wuzu digi Koosa zi yisi bau a li ba tum tagna ni hali o wa peti.

1 Tim. 2:9

Mu gbanko daŋni nihaana ba ta niŋi gata a chi sakaalsa a kiniŋi wa nɛha ni. Ba ta kpa malɛ damata a vɔti ba nyuksa a ta laari salma kina awa buŋkul were awa gar were.

Tait. 2:12

Nan biksi ya di ya ta tum tum tagna a kidaŋni ya titi daŋnɛ a chi ba naa vɛ zim un. Lalaknɔ o daŋni ya ya bambi timwa awa wuti tima aa kitum tuma a naa la zi sɔɔni Koosa tuha.

Tait. 2:2

Kibiksi nibaal hɛɛta di ba ta nyɔ sin aa dɛɛsi. O lawa ba ya nɛha timau awa bambe tima, chen ni nara zi nyɛ ba jirimau. Kibiksi ba di ba se su Yesu kinkan a kidaŋni nara maga a kidi ba namsi.

Tait. 2:4

chen ni ba se zi sɛriu ka baa daŋni ba baalasa awa ba bisa,

Tait. 2:6

O lawa i gbanko biksi bunɔɔnau ba ya nɛha tima.

Jems 4:6

Amaa suŋi naa Koosa kpa a nyɛ ya, kpok kaali siim naa o kpa du ya ni chen. Ba funɛ sɔbiu a li Koosa sɛm tɔn ti ni di, “O suŋi ba naa ya jɛrgɛwa, amaa o burgi o gantɛllɛ a chak sɔn dɔŋtima.”

1 Pita 1:13

Adaha ma saksi chenani ma lisi a ya bambe tima a kpak bambi bɛgim a li chenani Koosa zi wa suŋi ma. O be Yesu Kristo wa bur wa nara suwachak ni, Koosa zi ya chenu.

1 Pita 4:11

Naa kpak Koosa papaha ti a kaa ŋɔ nara ni o wɛ, ma nyɛ o sɛm sɛm ta wa si sɛm ni. Naa kpak Koosa papaha ti a kaa tum a nyɛ o dɔŋtima ni, ma nyɛ o kpa Koosa kpok ti a tum nɛnɛ a nyɛ ba. Ya ya chen, Koosa zi na pɛgiu a li ya tum maga ni Yesu Kristo sɔn daha. Koosa zi kpak kpoku awa jirima kinkan hali saha naa vɛ kpak bɔu. Ami.

1 Pita 4:7

Tɛɛnɛ nɔ maga siili saha duglɛu. O lawa ma ya bambe timau, chen ni ma zi koti a sumi Koosa wa nɛha niu.

1 Pita 5:5

Nibaala, chen vɛɛna maa tiŋ ma nihɛɛta nɔɔna a ya jɛrgɛ tima. Ba fun a sɔbi a li Koosa sɛm tɔn ti ni, “Koosa vɛ ba naa la zer ba titi, amaa o suŋi ba naa ya jɛrgɛu.”

1 Pita 5:8

Ma dɔm sintana chi gbogumta naa la gba a la wire. O yaa dɛu nandigirɛ di o kpak a se. Chendaha ma ya bambi tima a kidoso aa il.

3 Jɔn 1:9

Min funɛ sɔbi tɔn a nyɛ Yesu nitiŋɛ ba naa funɛ nyɛn i tɔhɔn ni, amaa Diɔtrifis wa fun la nɔɔni di o tiŋ mu nɔ. O daŋni o burgi ma nihɛɛrɛ.