Room 12:2 - Tampulma

² Ma ta bu tiŋ tɛɛnɛ nɔ tim nara nyinbaan, amaa ma nyɛ Koosa ka chɛrgi ma bambe, chen ni ma nyinbaan zi ya kifaliu. Ma nyɛ o ya chen, ma zi kotiu a zim o tutɔ naa weree hali a wa peti, a sɔɔni o tuha.

Room 12:2 Marejeleo ya Msalaba

Mat. 13:22

Kiduha naa funɛ chesi sɔta bar nyɛni ni chen chi ba naa nu laaboor ti, amaa tɛɛnɛ nɔ maga wi yaalɛ awa ba malɛ daŋni kinkan wa zu ba bambe ni a chɔk laaboor weri ti, chen ni o wa koti a lul ba tusa ni.

Maak 4:19

amaa ba tɛɛnɛ nɔ wi yaalɛ awa ba malɛ daŋni kinkan awa ba wi lise maga wa zu ba bambe ni a chɔk laaboor weri ti, chen ni o wa kikoti a lul ba tusa ni.

Jɔn 14:30

Mu wa bura daŋni mu sɛm kinkan ma wati, domi sintana naa dɔ tɛɛnɛ nɔ tim maga wau. Mu wa un wa kpak wu digi wa dɔŋ ni.

Jɔn 15:19

Ma wa tɛɛnɛ nɔ tim maga fu lagmi a nyɛn dɔŋ wati, ba fu zi daŋni mau. Mu funɛ lisi ma di ma wa ba ta lagmi nyɛn dɔŋ wati. Chendaha ba ha ma.

Jɔn 17:14

Sɛm naa maga i fun ŋɔ min chen, mu kpa au a ŋɔ ba. Tɛɛnɛ nɔ tim maga ha bau, domi ba wa ba wa bu ya nibɛgim a chi chenani mu wa tɛɛnɛ nɔ tim maga wa ya nibɛgim.

Jɔn 7:7

Min la biksi nara ba yaa tum tum tagna. Chendaha ba ha min. Amaa ba ka wa ha ma.

Room 12:1

Mu niinbisa, Koosa funɛ kpak ma sikiu kinkan. Chendaha mu sumi ma di ma kpa ma titi a nyɛ un a chi nara yaa kpa kina a kɔɔri kɔɔra chen. Ma ya chen a ya nibin were, ma zi tiŋ unu nɛnɛ a sɔɔni o tuha kinkan.

Room 13:14

Ma burgi chenani ya kunyana Yesu Kristo du. Ma ta tiŋ ma titi daŋnɛ a tum tum tagna.

Room 7:12

A bar peti nɛɛ, Koosa chiksɛ ta maga chaani a deŋli a wer.

Room 7:14

Ya zimu di chiksɛ ta ya Koosa siim weri ti kinawa. Mu waa ya nibine. Tum tagna funɛ di min a nyɛ mu fun burgi a yoma.

Room 7:22

Mu bambi zimu di Koosa chiksɛ ta weru,

1 Kɔr. 3:19

Tɛɛnɛ nɔ tim maga zima ti ya yɔrirɛ Koosa wati. Ba funɛ sɔbiu a li Koosa sɛm tɔn ti ni a ŋɔ, “O wa nyaŋi ba naa yaa kpa tɛɛnɛ nɔ tim maga zima ti aa tum tum tagna.”

2 Kɔr. 4:4

Ba wa koti a nyɛ ba se su o laaboor weri ti. O chi nharɛ a chaani nara bambe ni, amaa sintana naa dɔ tɛɛnɛ nɔ tim maga, tɔ ba lise. Koosa laaboor weri ti ya Kristo wɛ. O bambi chi Koosa bambire. Koosa awa un bɔnɛ o jirima awa o chaani ti kinkan.

2 Kɔr. 5:17

Nara burgi tiŋ Yesu Kristo, Koosa ya chɛrgi ba bambe a ya kifalɛ. Ba gantɛl tu kina wɛ wa bu toli.

Gal. 1:4

Kristo funɛ tiŋ ya kunyan Koosa tutɔrɛ a sou ya daha, chen ni o zi kotiu a yisi ya a li lalaknɔ wu tagna saha ni.

Ɛfɛ. 1:18

Mu sumi unu di ma lise zi la o wutiu, chen ni ma zi kpak bambi bɛgim a li chenani o fun yir ma ni a zim di kin nawara o fun vɔu di o kpa nyɛ o nara ni zenu kinkan.

Ɛfɛ. 2:2

Ma yaa funɛ tiŋ tɛɛnɛ nɔ maga nyinbaan taginnɛ awa siim tagna koora. Waa dɔ tɛɛnɛ nɔ tima ba naa maga vɛ tiŋ Koosa nɔ.

Ɛfɛ. 5:17

Ma ta chi womna, amaa ma dɛu chenani Koosa daŋni ma tum a nyɛ un.

Kɔl. 1:9

O funɛ sɛm ya ma wɛ, ya yaa sumi Koosau aa nyɛ ma di o zi nyɛ ma wa zim o wɛu nɛnɛ a lɛli ma se di ma zim o tutɔ ti, a kpa o zima a nyɛ ma.

Kɔl. 3:10

Lalaknɔwa ma kpak ma suwachak tuhu kin a naa Koosa fun kpa a nyɛ ma. A chi o titi kinawa. Waa la kɔɔri a saha maga, chen ni ma zi kotiu a zim un hali o wa peti.

Kɔl. 4:12

Ɛpafras gbanko ya ma digirɛ a zaami ma. O gbanko tum Yesu Kristo tumwa. O kpak unu o bambi ni a sumi Koosa a nyɛ ma saha maga di Koosa zi suŋi mau ma kpak nɛnɛ a zim o wɛ nɛnɛ hali o wa peti, chen ni ma wa zi beeli Kristo biksi ti, amaa ma zi koti a la nɔɔniu a tiŋ Koosa tutɔ ti maga.

1 Tɛs. 4:3

Koosa daŋni maa tum tum were duŋduŋnɛ a gil chɔkumsi tuma maga hali o wa peti.

Tait. 3:5

o fun yisi ya a li ya tum tagna ni yaa tiŋ un. O wa fun ya chen ya titi tum were daharɛ, amaa o ka funɛ ɔm ya sikirɛ. O fun kpa o siim weri a du ya ni, di o chaksi ya tum tagna a li ya ni a kpa o mi fali ti a nyɛ ya.

Jems 1:27

Ya kunyana Koosa daŋni yaa tiŋ un wa wuti nɛɛ. O lawa yaa suŋi sunsa awa luhaana ba naa la namsi, aa gil tɛɛnɛ nɔ tim maga tum tagna a ta.

Jems 4:4

Ma naa vɛ tiŋ wuti ti nan, ma wa zim di ma wa tɛɛnɛ nɔ tim maga ya chɛnsa, ma ya Koosa dɔmwaa? Nara la daŋni ba wa tɛɛnɛ nɔ tim maga ya chɛnsa, ba waa ya Koosa dɔma.

1 Pita 1:14

Saha naa ma fun zɛ zim un, ma funɛ tiŋ ma tutɔ daŋnirɛ. Ma ta tiŋ chen lalaknɔ, amaa maa tiŋ Koosa nɔ nɛnɛ.

1 Pita 1:18

Ma lisi saha naa ma funɛ tiŋ ma nawaalsa nyinbaan naa funɛ ya yɔri chen, Koosa wa fun kpa salma akoo aniita a naa la zi wa chɔk, a la ma nyuuna a nyɛ ma di ma burgi aa tiŋ un. O ka fun a tum Kristo tɛɛnɛ nɔ maga ni di o wa sou o chɛl li. Koosa fun kpa chɛl weri ti a la ma nyuuna a nyɛ ma. Kristo funɛ chi piisibe werire naa Ju tima yaa fun kpa a la kɔrigi chene.

1 Pita 2:3

Ma zimu di Koosa funɛ suŋi ma.

1 Pita 4:2

a kitiŋ Koosa tutɔ wuzuna naa kaɛɛ ni.

2 Pita 1:4

O vɔwɛ zenu kinkan a kaali kina maga. Ya wa la o kin naa o fun a vɔu di o nyɛ ya chen, ma zi kotiu a chɔ li ma titi daŋnɛ a naa la chɔk tɛɛnɛ nɔ tim maga, a wa bɔni chenani Koosa duu.

2 Pita 2:20

Nara wa zim ya kunyan Yesu Kristo a nyɛ o yisi ba a li tɛɛnɛ nɔ tim maga tiŋi ni ka ba burgi a zu tɛɛnɛ nɔ tim tum tagna ni a nyaŋi ba, chenani ba nyɛn taginɛɛ a kaali chenani ba fun nyɛn.

1 Jɔn 3:13

Mu niinbisa, ba naa la tiŋ tɛɛnɛ nɔ tim maga nyinbaan ha ma, ma ta nyɛ chen jɛri ma.

1 Jɔn 5:19

Ya zimu di ya ya Koosa bisiwa. Ba naa maga vɛ ya Koosa bisa, ba waa nyɛn sintana nin ni.

JɔnN Deesi 12:9

A fun duŋni a a ta tɛɛnɛ nɔ maga ni di a nyɛn dooni. Sel zen ti awa sintana ya kibɛgimnɛ. Waa ya naa ba yir dum ti a nyɛn a vusi a ya alizin tagna koora. Saha maga o yaa mur tɛɛnɛ nɔ tim magau.

JɔnN Deesi 13:8

Koosa funɛ te sɔbi ba naa maga la zi wa la o mi fali ti, sɔna a du o tɔn ti ni a zi naami tɛɛnɛ nɔ maga. O piisi be naa ba fun kpu chen, dɔ tɔn ti. Ba naa maga sɔna vɛ nyɛn tɔn ti ni, funɛ jɛɛmi sel zen tire.