Room 10:16 - Tampulma

¹⁶ Amaa nara maga ha wa la nɔɔni Koosa laaboor weri ti ni. O witiina Azaaya funɛ sɔbiu, “Mu kunyana, Ju tim tama la nɔɔni sɛm naa i fun kpa a du ya nisi ni.”

Room 10:16 Marejeleo ya Msalaba

Mat. 13:14

Chenani Koosa witiina Azaaya fun sɔbi ba wɛ a li Koosa sɛm tɔn ti ni saha digi chen ya wutiu. O funɛ sɔbi di Koosa ŋɔ, ‘Ba kpak seu a vɛ naali. Mu ŋɔ bau, ba ka wa zim mu sɛm ta mun.

Jɔn 10:26

Mu funɛ piin ŋɔ mau di ba naa se su min chi mu piisisiwa, amaa ma wa a wa ya kibɛgim. Chendaha ma se wa su mu sɛm ta.

Tuma 28:24

Ba bɔnɛ fun nyɛ ba se su o biksi ti. Ba bɔnɛ ka wa fun nyɛ ba se su un.

Room 1:5

Yesu Kristo fun a suŋi min di mu ya o nitumi aa la sɛm tɛɛnɛ nɔ tim maga ni a nyɛ un, chen ni ba se zi su unu ka baa tiŋ o nɔ.

Room 11:17

Ju tim ta chi bugil naa Koosa fun chɔɔsirɛ. Ba yir un ‘ɔlif’. Koosa fun a teŋsi o hulsi ta bɔnɛ a ta a kpa ma a chiŋsi a bar chiŋɛ ni. O funɛ ya chene, chen ni ma wa o hulsi ta zi lagmi dɔŋ niu a la weri naa la li luti ta ni.

Room 16:26

a zi kpa un a li gbampulim a nyɛ o witinsi ta ni ba sɔbi o wɛ. Koosa naa nyɛnɛɛ hali saha naa vɛ kpak bɔ, ŋɔu lalaknɔ di ya kpa un a la biksi ba naa maga vɛ ya Ju tima, chen ni ba zi na nyinbaanu a nyɛ ba se su Koosa a tiŋ o nɔ.

Room 2:8

Amaa ba naa ka kpak se a la vɛ di ba tiŋ wuti nyinbaan a la tum tum tagna saha maga, Koosa zi na paanu kinkan a du ba ni a lɛrgi ba diŋsa.

Room 3:3

Koosa zi vɛ o vɔwiu domi ba bɔnɛ wa ya wuti timaa?

Room 6:17

Ma nyɛ yaa zaami Koosa. Saha digi ma funɛ kpa ma titirɛ a tum tum tagna saha maga, amaa lalaknɔ maa kpak unu ma bambe ni di ma tiŋ Koosa wuti nyinbaan naa ba fun wa biksi ma chen.

Gal. 3:1

Ma Galesia tima ya womniwa. Anti kpa o kpok a du ma ni di ma gil Koosa wuti nyinbaan? Ya wa fun wa biksi ma gbampulim ni chenani Yesu Kristo fun sou a li o daakakli ti nii? Ma wa fun la nɔɔni di ya sɛm ta ya wutirɛɛ?

Gal. 5:7

Ma funɛ tiŋ Koosa nyinbaanu nɛnɛ. Lalaknɔ ma nyɛ nusun nibiksɛ nama wa nyɛ ma buru a li o wuti ti tiŋi ni.

2 Tɛs. 1:8

Ba naa vɛ zim Koosa awa ba naa se vɛ su o laaboor weri ti ya kunyan Yesu wɛ, Koosa zi wa lɛrgi ba diŋsau a ta ba yɔri.

Ju 11:8

Baal digirɛ ba funɛ yir Abraham, o si fun su Koosa. Koosa funɛ yir un, o fun a tiŋ o nɔ a gba a la pulum naa Koosa fun vɔu di o nyɛ un chen. O funɛ li o titi tɔhɔn ti ni, o wa fun zim doonani Koosa kpa un a la.

Ju 4:2

Ba funɛ wa biksi ya Koosa laaboor weri ti wɛ a chi chenani Mosis gbanko fun biksi ba chen. Amaa ba wa fun na nyɔɔra a li un ni, domi ba se wa fun su un.

Ju 5:9

O funɛ biksi Koosa di o yaa kitiŋ o nɔ a li kina maga ni, Koosa fun koti a yisi ba naa maga tiŋ o nɔ a li ba tum tagna ni. Chenani o ya a nyɛ ba zi nyɛnu hali saha naa vɛ kpak bɔ.

1 Pita 1:22

Ma funɛ nu Koosa laaboor weri naa ya wuti chen, ma fun a chaksi ma tusa a li ma tum tagna ni a tiŋ un, chen ni ma fun piili a daŋni ma dɔŋtima a li bambe ni. Maa daŋni ba kinkan ma bambe ni.

1 Pita 2:8

Buŋkul nɔ la zi mo nibinsi naŋgere ba chel,” domi ba vɛu di ba wa zi nu Koosa laaboor weri ti. Koosa tutɔ funɛ ya chen.

1 Pita 3:1

Nihaana, ma gbanko kitiŋ ma baalasa nɔɔna, chen ni ba bɔnɛ se vɛ su Koosa laaboor weri ti, ba zi daŋni ba burgiu a tiŋ un chenani maa tum daha. Ba wa zi burgi a tiŋ un ma sɛm daha,