Room 1:8 - Tampulma

⁸ Mu daŋni n te ŋɔ di Yesu Kristo kpa chenani mu kunyana Koosa ma maga daha a nyɛ un. Nara sɛmu bawu maga ni chenani ma se su Yesu Kristo.

Room 1:8 Marejeleo ya Msalaba

Mat. 24:14

Nibinsa zi wa kpa Koosa laaboor weri tiu a biksi nara di Koosa daŋni o dɔ bau. Nara maga zi wa na nyinbaanu a nu o laaboor weri ti ka tɛɛnɛ nɔ maga peti.”

Luk 2:1

A saha ti koor digi funɛ dɔ dooni. Ba funɛ yir un Ɔgastus. O funɛ daŋni o gur a zim nibinsa ba naa nyɛn o koor ti ni.

Tuma 11:28

Ba nidigi sɔn funɛ ya Agabus. Wuzu digi Koosa siim weri ti fun nyɛ o si nara tima suwachak ni a fun te ŋɔ di lɔsa tagin zi wa chelu tɛɛnɛ nɔ maga ni. Bunsi naa Klɔdius fun di Koosi ta nyuhu tiina Siiza chen bambaan nɛɛ, lɔsa tagin ti fun wa chel.

Tuma 28:22

Ya zimu di ba naa nyɛn bawu maga ni ka ba sɛm sɛm tagna a du ba naa wa hin la tum tum ni. Chendaha ya daŋni ya nu chenani i lisi.”

Room 10:18

Amaa ma nyɛ mu pɛɛsi ma, Ju tim ta nu Koosa wɛuu? Ba funɛ nuu. Ba funɛ sɔbi a li Koosa sɛm tɔn ti ni a ŋɔ, “Laaboor ti funɛ pisi tɛɛnɛ nɔ maga ni. Nara funɛ nu o wɛu bawu maga ni.”

Room 16:19

Nara nyɛ ma jirima bawu maga ni domi chenani maa tiŋ Koosa nɛnɛ. Chendaha mu tuha sɔɔni. Mu daŋni ma zim wu werewa a ya womna a li wu tagna ni.

Room 6:17

Ma nyɛ yaa zaami Koosa. Saha digi ma funɛ kpa ma titirɛ a tum tum tagna saha maga, amaa lalaknɔ maa kpak unu ma bambe ni di ma tiŋ Koosa wuti nyinbaan naa ba fun wa biksi ma chen.

1 Kɔr. 1:4

Mu pɛgi Koosa saha maga ma daha. Waa la suŋi ma di ma tiŋ un Yesu Kristo daha.

2 Kɔr. 2:14

Ma nyɛ ya pɛgi Koosa kinkan. Waa funɛ nyɛ ya wa Kristo ya nibɛgim. Lalaknɔ waa dɔ ya. Saha maga waa nyɛ ya gba a biksi nara, chen ni ba zi na nyinbaanu a zim un.

Ɛfɛ. 1:15

Mu funɛ nu chenani ma se su ya kunyan Yesu awa chenani maa daŋni Koosa nara maga.

Ɛfɛ. 1:16

Mu pɛgi Koosa a yaa sumi un saha maga ma daha,

Ɛfɛ. 3:21

O nitiŋɛ ta wa Yesu Kristo naa ya ba nyuhu tiina, zi nyɛ un jirimau hali saha naa vɛ kpak bɔ. Ami.

Ɛfɛ. 5:20

Ma kunyana Koosa tum tum damatau a nyɛ ma. Chendaha maa zaami un saha maga ya kunyan Yesu Kristo sɔn daha.

Filip. Tima 1:11

Yesu Kristo zi suŋi mau di ma ya nibin werewa kinkan a chi chen. Nara zi na mau a kidaŋni ba pɛgi Koosa a nyɛ un jirima.

Filip. Tima 1:3

Mu yaa lisi ma wɛu a la zaami Koosa ma daha.

Kɔl. 1:3

Saha maga ya yaa sumi Koosau a nyɛ ma. Waa ya ya kunyan Yesu Kristo ti nyana. Saha maga ya yaa zaami unu kinkan.

1 Tɛs. 1:2

Yaa zaami Koosau saha maga a la sumi un ma daha.

1 Tɛs. 2:13

Ya gbanko yaa zaami Koosau domi ya funɛ a wa ma wati a fun ŋɔ ma Koosa sɛma, ma funɛ nuu a la nɔɔni di a ya wutiu. A wa fun ya nibinsa sɛmwa amaa Koosa titi sɛmwa. O kpa o sɛma aa du ma naa se su un di aa tum ma ni.

2 Tɛs. 1:3

Mu niinbisa, ya yaa zaami Koosau ma daha saha maga. O weru di yaa zaami un chen, domi ma se suuli gbaariu kinkan ka maa daŋni dɔŋa.

2 Tim. 1:3

Min la tum Koosa tuma awa tuha bɛgim ni a chi chenani mu nawaalsa fun tum chen. Mu yaa sumi Koosa a la zaami un i daha nha awa dusum.

Faili. 1:4

Mu niinbe, Failimɔn, mu yaa sumi Koosau a la zaami un i daha.

Ju 13:15

Yesu yaa suŋi ya yaa pɛgi Koosa a la ŋɔ nara o wɛ. Chenani ya ya chen chi kɔɔrrɛ ya kpa a nyɛ un.

1 Pita 2:5

Ma naa kpak o mi fali ti, chi buŋkula a naa Koosa kpa sa o dam ti, chen ni o zi kotiu a nyɛn dooni. Ma chi ba naa funɛ ya o kɔkɔɔrsa saha digi, a kpa ma titi a nyɛ Koosa ni Yesu Kristo daha.

1 Pita 4:11

Naa kpak Koosa papaha ti a kaa ŋɔ nara ni o wɛ, ma nyɛ o sɛm sɛm ta wa si sɛm ni. Naa kpak Koosa papaha ti a kaa tum a nyɛ o dɔŋtima ni, ma nyɛ o kpa Koosa kpok ti a tum nɛnɛ a nyɛ ba. Ya ya chen, Koosa zi na pɛgiu a li ya tum maga ni Yesu Kristo sɔn daha. Koosa zi kpak kpoku awa jirima kinkan hali saha naa vɛ kpak bɔu. Ami.