Room 1:17 - Tampulma

¹⁷ Koosa biksi yau gbampulim ni a li o laaboor weri ti ni chenani o zi bu vɛ na nibinsa galimsa o wati. Chenani nibinsa se duŋduŋ su un nyɛ o tum chen. Ba fun sɔbi chen wɛ a li o sɛm tɔn ti ni saha digi a ŋɔ, “Nara se su Koosa, o wa zi bu na ba galimsa o wati a kpa o mi fali a nyɛ ba.”

Room 1:17 Marejeleo ya Msalaba

Jɔn 3:36

Ba naa maga se su o be ti, Koosa kpa o mi fali naa vɛ kpak bɔ a nyɛ ba. Ba naa maga se ka vɛ su un a vɛ tiŋ o nɔ, Koosa wa zi kpa o mi fali ti a nyɛ ba. O zi na paanu a du ba ni a lɛrgi ba diŋsa hali saha naa vɛ kpak bɔ.”

Room 10:3

Ba ha wa fun zim Koosa nyinbaan naa nyɛ o vɛ na nibinsa galimsa a kpaŋi aa kɔɔri ba titi nyinbaan di o du chen. Chendaha ba fun vɛ la chenani o koti a tum a nyɛ ba.

Room 3:21

Lalaknɔ Koosa fun a biksi ya o nyinbaan chenani o zi bu vɛ na nibinsa galimsa o wati. Chenani o tum chen wa kpak wu digi wa o chiksɛ ta tiŋi ni. O chiksɛ naa ba fun sɔbi a li o sɛm tɔn ti ni awa o witinsa ba naa nyɛn saha digi, funɛ biksi nara o wɛ.

Room 3:22

Koosa wa bu a na ba naa maga se su Yesu Kristo galimsa.

Room 3:3

Koosa zi vɛ o vɔwiu domi ba bɔnɛ wa ya wuti timaa?

Room 9:30

Tɔ. Yɛrɛ ya zi sɛm? Ba naa vɛ ya Ju tima wa funɛ dɛu di Koosa wa zi bu na ba galimsa o wati. Amaa ba se funɛ su un. Chendaha o fun ya chen.

2 Kɔr. 3:9

O chiksɛ naa nyɛ Koosa na nara galimsa a ta ba yɔri, dɔ Koosa jirima awa o chaani kinkan. Amaa o siim weri naa nyɛ nibinsa deŋli Koosa suwachak ni, dɔ o jirima awa o chaani kinkan kaali o te tel ti.

2 Kɔr. 5:21

Yesu Kristo funɛ nyɛn tɛɛnɛ nɔ maga ni, o wa fun tum tum tagna hali tama, amaa Koosa funɛ kpa ya tum tagnau a du o nin ni. Domi ya wa Yesu Kristo ya nibɛgimnɛ lalaknɔ, Koosa wa zi bu na ya galimsa o wati.

Gal. 3:11

Ya zimu nɛnɛ di nar tiŋ Koosa chiksɛ ta duŋduŋ, Koosa ha zi vɛɛn na o galimsau. Ba fun a bukoo sɔbi a li Koosa sɛm tɔn ti ni, “O wa zi bu na ba naa se su un galimsa, a kpa o mi fali ti a nyɛ ba.”

Filip. Tima 3:9

Mu daŋni di o wa min zi burgi nibɛgimnɛ hali o wa peti. Mu funɛ tiŋ Koosa chiksɛ ta, o ha funɛ vɛɛn na mu galimsau. Lalaknɔ mu si su Kristo, Koosa wa bu na mu galimsa.

Ju 10:38

Nara se su Koosa, o wa zi bu na ba galimsa o wati a kpa o mi fali a nyɛ ba. O tuha wa zi sɔɔni a li ba naa bur ba se suuli ni.”