JɔnN Deesi 21:22 - Tampulma

²² Ba wa fun sa Koosa bar jɛɛmi dama, domi ba naa nyɛn dooni funɛ jɛɛmi ba kunyana Koosa naa kpak kpok a kaali kina maga awa piisi be ti bawu maga ni.

JɔnN Deesi 21:22 Marejeleo ya Msalaba

Mat. 24:2

O fun ŋɔ ba, “Ma nyɛ mu ŋɔ ma bar nɔ wɛ. Saha zi wa wau, nara zi wa chɔk kina maga a li bar nɔ ni. Ba wa zi wa gil buŋkul bɛgim o sak o dɔŋtiin ni.”

Jɔn 10:30

Mu wa mu nyan ti ya nibɛgimnɛ.”

Jɔn 4:21

Yesu fun ŋɔ un, “Saha wau ba naa la jɛɛmi ya kunyan Koosa wa zi jɛɛmi un bi ti ni koo Jɛrusalɛm ni.

Jɔn 4:23

Saha telu nara ba naa la jɛɛmi Koosa wa wuti ni, zi jɛɛmi un chenu, domi o siim weri ti nyɛn ba bambe ni. Chene ya kunyana Koosa daŋni nara kijɛɛmi un.

Kɔl. 1:19

Yesu ya Koosa titi. O funɛ ya o tutɔrɛ o wɛ maga fun a nyɛn Yesu ni.

Kɔl. 2:9

Chenani Koosa du nyɛn Kristo bara nɛɛ.

JɔnN Deesi 1:8

Koosa funɛ nyɛn a ha vɛɛn nyɛn, o zi nyɛnu. O waa naa kpak kina maga kpok, ŋɔ, “Mu vɛ kpak piili a nyɛn a vɛ kpak peti.”

JɔnN Deesi 11:17

“Ya kunyan Koosa naa kpak kina maga kpok, i wa kpak piili aa nyɛn. Ya zaami hinu di i funɛ kpa i kpok zenu a piili a dɔ tɛɛnɛ nɔ tim maga.

JɔnN Deesi 14:4

Ba wa fun kpak haanasa akoo a daŋni nihaana yɔri yɔri a ya tu chaan tima. Piisi be ti funɛ lisi bau a li tɛɛnɛ nɔ tim maga ni, chen ni ba wa zi bu waligi dɔŋ ni. Ba waa ya ba naa o fun te lisi a nyɛ Koosa ni.

JɔnN Deesi 15:3

Ba funɛ lɔ Mosis naa funɛ ya Koosa tumtumna awa piisi be ti bool a ŋɔ, “Ya kunyana Koosa naa kpak kina maga kpok, alaazibu fun kpak ya i tum zene daha. I waa naa ya tɛɛnɛ nɔ tim maga koora. Tum naa maga i tum, a ya deŋliu a ya wuti.

JɔnN Deesi 16:14

Alizin tagna tora ta funɛ kpak kpok di a tum tum zene damata. Ba fun gba a lagmi tɛɛnɛ nɔ tim maga koorsa awa ba walɛ, chen ni Koosa wuzu zen naa o zi wa di ba sɛria chen wa tel, ba zi chem unu a li laal ni.

JɔnN Deesi 16:7

Doone mu fun nu ta a li biŋbiŋ ti ni ka o ŋɔ, “Ya kunyana Koosa naa kpak kina maga kpok, chenani i na ba galimsa deŋlu a ya wuti.”

JɔnN Deesi 19:15

Ba nyuhu tiina fun kpak chisi nɔsa lɛ o li o nɔ ni naa o zi lisi a nyaŋi tɛɛnɛ nɔ tim maga. O zi sɔ bau wa kpok kinkan ni a hɛmsi bugil ta nɔna naa malaika ti teŋsi a lagmi a dau, a bar hɛmsi ni. Dooni awa chenani Koosa na paan kinkan a la zi lɛrgi tɛɛnɛ nɔ tim maga diŋsa ya kibɛgimnɛ. Waa kpak kpok a kaali kina maga. Chendaha o zi koti a ya chen.

JɔnN Deesi 4:8

A maga funɛ kpak chɛnɛ anɔnɔrawa ka se ta su a bara maga. Ba yaa funɛ lɔ boola a vɛ hiisi a ŋɔ, “Ya kunyana Koosa naa ya tu chaan tiina a kpak kina maga kpok, i vɛ kpak piili a nyɛn a vɛ kpak peti.”

JɔnN Deesi 5:6

Mu fun nyini a na ka piisi be nyɛn doon. O chi ba funɛ kɔrigi unu. O fun chiŋi a dugli Koosa jirima bar kani ti ka sela naasi ta awa nihɛɛta nara fumlɛ danaasi ta go dooni. Piisi be ti funɛ kpak nyindaasa anɔpɛ awa se nɔpɛwa. O se nɔpɛ ta funɛ ya Koosa siimsa nɔpɛ naa Koosa fun tum tɛɛnɛ nɔ maga ni.

JɔnN Deesi 7:15

Chendaha ba nyɛn Koosa jirima bar kani suwachak ni a la tum o tuma saha maga a li Koosa tɔhɔn nɔ ni. Koosa titi zi kpalimi ba watiu.

JɔnN Deesi 7:17

Piisi be naa duglɛ Koosa jirima bar kani zi ya ba nigbaŋiu a zi te ba suwachak a dɛu ni pali di ba nyɔ. Hali Koosa titi zi fisi siniu a ta a li ba se ni.”