JɔnN Deesi 20:13 - Tampulma

¹³ Ba naa funɛ siti ka ba sogli ba tɛɛnɛ awa teku ni ni awa ba naa funɛ nyɛn nisitɛ bar nyɛni ni, ba maga funɛ chiŋi dooni. O fun di ba sɛria a li tum naa ba tum ni.

JɔnN Deesi 20:13 Marejeleo ya Msalaba

Mat. 11:23

Ma Kapɛrnaum tima. Ma waa la daŋni ma zer ma titi buudaha. A wuzu ti wa tel, ba waa la zi zer ma a yo du din dam ti ni. N fu tum alaazibu tum na a li Sɔdɔm tɔhɔn ni saha digi a chi chenani n fun tum ma wati nan, Koosa fu wa zi di ba sɛria a chɔk ba.

Mat. 16:27

N waa nibine be zi wa bur wau awa Koosa kpok ni awa o malaikasa awa o jirima ni. N wa bur wa, n zi pa nara magau a li ba tum ni.

1 Kɔr. 15:26

O gantɛl dɔm naa o zi nyaŋi ya sou.

JɔnN Deesi 1:18

Mu ya naa nyɛnɛɛ. Mu funɛ sou, amaa lalaknɔ mu zi nyɛnu hali saha naa vɛ kpak bɔ. Min dɔ sou awa ba naa sitɛɛ bar nyɛni.

JɔnN Deesi 2:23

Mu zi nyɛ o bisa sitiu, chen ni Yesu nitiŋɛ ta maga zi zimu di min ya naa zim chenani nibinsa bambe du. Mu zi bɔ ma magau a li chenani ma tum ni.

JɔnN Deesi 20:12

Mu fun na tɛɛnɛ nɔ tim maga ba naa funɛ ya nibirige awa ba baa funɛ vɛ yaali ka Koosa lɛli ba a li ba sou ni. Ba funɛ chiŋi o jirima bar kani suwachak nɛɛ. Ba fun puk Koosa mi fali tɔn ti awa tɔni naa ba fun sɔbi ba tuma a du a tuhu ni. O fun di ba sɛria a li chenani ba sɔbi a du tɔni ta ni.

JɔnN Deesi 20:14

Ba fun kpa sou kpok awa nisitɛ bar nyɛni a yo du bɛɛŋ naa din nyɛn saha maga ni di a wa chɔk.

JɔnN Deesi 21:4

O zi fiisi ba sine magau a ta a li ba se ni. Sou awa namsi wa bara wiha wa zi bu nyɛn. Chenani o fun te du wa bu toli.”

JɔnN Deesi 6:8

mu fun nyini a na zaaga ka o chi suwasi ni ka o nyɛn dooni. Naa funɛ zini zaag ti chen, sɔn funɛ ya ‘sou’. Nidigi sɔn funɛ ya ‘nisitɛ bar nyɛni’ fun tiŋ o gantɛl. Ba fun purigi tɛɛnɛ nɔ maga bunaasi a lisi bar digi a nyɛ ba di ba kpa nyinbaan kurgɛ a kpu ba naa maga nyɛn dooni. Nara balɛ ta fun kaali a nyɛ lɔsa awa wichɔɔrta chel dooni. Ba gbanko fun kpa chisi zene awa sel zene a kpu ba.