JɔnN Deesi 19:19 - Tampulma

¹⁹ Doone mu fun na sel zen naa funɛ li ni ni awa tɛɛnɛ nɔ tim maga koorsa wa ba lanjimasa ka ba la di ba la chem naa la zini zaag pilim ti awa o lanjimasa wa laa ni.

JɔnN Deesi 19:19 Marejeleo ya Msalaba

JɔnN Deesi 11:7

Ba funɛ biksi Koosa sɛma a peti, sel zen naa kpak kpok kinkan funɛ wa li bɔ naa vɛ kpak bar peti chenu a chem ba yo niu. O fun nyaŋi ba a kpu ba maga,

JɔnN Deesi 14:9

Malaikasa tora tiin ti fun za a tiŋ abalɛ ta mun ni a ŋɔ ta zaŋa ni, “Ba naa maga la jɛɛmi sel zen naa funɛ li teku ni ni chen akoo o vura a nyɛ o kpa o dana a dani ba nindilsa awa ba tilsa,

JɔnN Deesi 16:14

Alizin tagna tora ta funɛ kpak kpok di a tum tum zene damata. Ba fun gba a lagmi tɛɛnɛ nɔ tim maga koorsa awa ba walɛ, chen ni Koosa wuzu zen naa o zi wa di ba sɛria chen wa tel, ba zi chem unu a li laal ni.

JɔnN Deesi 16:16

Chen saha ti alizin tagni ta fun te koorsa ba naa a fun lagmi dɔŋ ni suwachak a la tel doonani ba yir Amagɛdɔn a li Ju tim sɛm ni.

JɔnN Deesi 18:9

Tɛɛnɛ nɔ tim maga koorsa ba naa wa un tum sakaal tuma, zi wa na tɔ zen tiu ka o bu din, ba zi wiu o daha.

JɔnN Deesi 19:21

Koosa tɔhɔn lanjimasi ta nyuhu tiina naa funɛ zini zaag pilim ti, fun lisi chisi nɔsa lɛ ti a li o nɔ ni a kpu tɛɛnɛ nɔ maga lanjimasa ba naa kaɛɛ. Zimebisa fun li buudaha a wa di ba puŋ a ka.