JɔnN Deesi 14:13 - Tampulma

¹³ Doone mu fun nu ta a li Koosa tɔhɔn ti ni ka o ŋɔ, “Sɔbi chenani mu kaa sɛm nan a dau. Ba naa tum tuma aa nyɛ ya kunyan ni a wa siti, ba tusa zi sɔɔniu.” Koosa siim weri ti fun ŋɔ a gbaari, “I sɛma ya wutirɛ.” Koosa zi bɔ ba ba chimu a nyɛ ba hiisi a li ba tum kpok kinkan ni ka ba tusa sɔɔni.

JɔnN Deesi 14:13 Marejeleo ya Msalaba

Mat. 3:17

Ba fun nu ta a li buudaha ni ka o ŋɔ, “Mu be daŋni nɛɛnɛ. Mu sii su nara chen.”

Luk 16:25

Abraham fun ŋɔ un, ‘Mu be, lisi chenani i fun nyɛn awa i miisi ni a kpak kina kinkan ka Lazarus vɛ kpak kundɔŋ. Lalaknɔ i namsiu kinkan ka o tuha sɔɔni kinkan bar nɔ.

Luk 16:9

Yesu fun bukoo sɛm ba, “Wutirɛ mu ŋɔ ma, ma kpa ma kina a li ma nyɛni ni a suŋi nara, chen ni a bu vɛ wa kpak wu digi wa ma, Koosa zi wa la ma du o tɔhɔn naa nyɛn hali saha naa vɛ kpak bɔ.

Room 14:8

Ya nyɛnɛɛ a kpak miisa, ya kunyan ti daha ya nyɛn. Ya sitɛɛ, ya kunyan ti daha ya sou. Ya kpak miisa koo ya sitɛɛ, ya kunyan ti ha vɛɛn dɔ ya.

1 Kɔr. 15:18

Ba naa se funɛ su Kristo gbanko ka ba siti chen, ta yɔriu.

1 Kɔr. 15:20

Amaa wuti Koosa funɛ te lɛli Kristo a li o sou ni. Chendaha Koosa zi wa lɛli ba naa funɛ siti chen gbankou a li ba sou ni.

1 Kɔr. 15:58

Mu bi daŋnɛ, ma kpak nɛnɛ aa tum ya kunyan ti tuma kinkan. Ma zim di chenani maa tum tuma a nyɛ un, a wa zi wa ya yɔri.

2 Kɔr. 5:8

Ya tusa sɔɔnɛu kinkan. Ya wa kpak hansura di ya sou. Chen yɛɛ, ya zi la dugli ya kunyan tiu.

Filip. Tima 2:17

Ma se su Koosa ma tum a nyɛ un chen, chi chenani Ju tim ta fun kpa sela a kɔɔri kɔɔra a nyɛ un chene. Ba kpu min, mu tuha zi sɔɔniu.

1 Tɛs. 4:14

Ya se su di Yesu funɛ sou ka Koosa lɛli un a li o sou ni. Chendaha ya se su di Koosa zi wa lɛli ba naa se funɛ su unu a sou a chi o funɛ lɛli Yesu chen. Saha naa o wa wa, o wa ba zi wa bur wau.

1 Tɛs. 4:16

Wuzu digi nara zi wa nu ya kunyan ti tau awa Koosa malaikasa nyuhu tiin ta wa o kaabul kuuli. Ba zi na ya kunyan ti titi ka o li Koosa tɔhɔn ti a tu wa tɛɛnɛ. O zi te a lɛli ba naa maga se funɛ su unu a li ba sou ni.

1 Tɛs. 5:10

O funɛ sou ya daharɛ chen ni o wa bur wa, ka ya maga ha vɛɛn nyɛn akoo a siti, ya zi wa kpak miisau a nyɛn o wati.

1 Tim. 5:24

Bɔnɛ tum ba tum tagna gbampulim nɛɛ, chen ni ya zi zim a wɛu. Bɔnɛ ka tum ba tum tagna a sogli, chen ni ya wa zi zim a wɛ. Amaa wuzu digi Koosa zi wa di ba maga sɛriau.

1 Tim. 5:25

Ya zim tum were naa nibinsa tumu wɛ, hali a naa sogli wɛ, domi a zi wa li gbampulimu.

JɔnN Deesi 1:11

ka o ŋɔ min, “Sɔbi chenani i kaa na a du tɔn ni a nyɛ Yesu nitiŋɛ ba naa nyɛn Ɛfɛsus, Sumana, Pɛgamum, Tiataya, Sardis, Filadɛlfia, awa Laodisia a li Azia pulum ni.”

JɔnN Deesi 10:4

A funɛ tɛsi a peti, mu funɛ daŋni mu sɔbi chenani yɛɛ, amaa ta funɛ ŋɔ min a li Koosa tɔhɔn ti ni a ŋɔ, “Ta sɔbi chenani nasɛhasa nɔpɛ ta sɛmi a dawi. Mu daŋni a sogliu.”

JɔnN Deesi 11:15

Doone malaikasa nɔpɛ tiina fun hu o kaabul. Mu fun nu ta kpoka a li Koosa tɔhɔn ti ni ka a ŋɔ, “Ya kunyana awa Kristo naa o fun lisi a nyɛ o titi ni kpak kpok a dɔ tɛɛnɛ nɔ maga. Waa la zi dɔ un hali saha naa vɛ kpak bɔ.”

JɔnN Deesi 11:19

Nihɛɛti ta funɛ sɛm peti, ba fun puk Koosa bar jɛɛmi dam naa nyɛn o tɔhɔn ti ni, bulzɔɔnɔ, ka tɛɛnɛ nɔ tim maga fun na o tuha. Doonee ba fun na adaka awa doonani ba fun sɔbi di Koosa wa nara funɛ ya nɔ bɛgim. Nasɛha fun nyiksi a tɛsi. Tɛɛnɛ fun zigsi ka doonbe chesi kinkan.

JɔnN Deesi 16:17

Doone malaikasa nɔpɛ tiina fun la biti a du buudaha ni. Mu funɛ nu ta kpoku a li Koosa jirima bar nyɛni ni ka o ŋɔ, “Chenani mu di tɛɛnɛ nɔ tim maga sɛria duglɛ petiu.”

JɔnN Deesi 19:9

Malaikasi ta digi fun wa ŋɔ min, “Sɔbi chenani mu kaa sɛm nan a dau. Ba naa ba zi yir ba wa piisi be ti di diwe a li haan fali dam ti ni, ba tusa zi sɔɔni.” O funɛ sɛm nannɛ a peti a bu sɛm tama a gbaari, “Sɛm na ya Koosa wuti sɛmwa.”

JɔnN Deesi 2:1

“Sɔbi kin nama a la nyɛ naa la nyini Yesu nitiŋɛ ta a li Ɛfɛsus ni. Mu waa naa kpak wula nɔpɛ mu nindil ni a val a go fitinsa bar chiŋɛ nɔpɛ ka ba fun kpa salma a kɔɔri a bambaan ni, ma nu chenani mu kaa ŋɔ ma.

JɔnN Deesi 2:7

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni. Ba naa maga vɛ bur mu tiŋi ni, mu zi nyɛ ba nyinbaanu ba di Koosa mi fali bugil nɔnau. O bi Koosa tɔhɔn naa weri nee. Ba naa maga nyɛn dooni, ba tusa sɔɔnɛu kinkan.”

JɔnN Deesi 20:6

Ba naa Kristo fun te lisi a lɛli ba a li ba sou ni, ba tusa zi sɔɔniu. Ba zi ya Koosa awa Kristo dam kɔkɔɔrsau ka ba wa un dɔ bun tusuga. Saha ti wa peti ka Koosa zi wa na ba naa kpalimi chen galimsa a ta ba yɔri, o wa zi wa la nɔɔni di o ya chen a nyɛ ba.

JɔnN Deesi 21:5

Doone naa funɛ kanɛ a li Koosa jirima bar kani ni, fun ŋɔ min, “Mu naami kina maga kifalɛ.” O fun bu ŋɔ min, “Sɔbi chenani mu kaa ŋɔ hin nan a dau, domi mu sɛma deŋlu a ya wuti.

JɔnN Deesi 22:17

Koosa siim weri ti awa piisi be haan ti la ŋɔ, “Ma wa.” Ba naa maga nu ba sɛma zi gbaari a ŋɔ, “Ma wa.” Ma naa maga nyɔksa kpak, ma wa nyɔ Koosa mi fali ni yɔri.

JɔnN Deesi 6:11

Ba naa funɛ nyɛn Koosa jirima bar kani ti ni a go, bɔnɛ fun kpa takta ziŋɛ pilima a nyɛ ba a ŋɔ ba di ba hiisi tama, hali tɛɛnɛ nɔ tim maga wa kpu ba niinbisa a chi ba funɛ kpu ba a gbaari peti.