JɔnN Deesi 13:15 - Tampulma

¹⁵ Ba funɛ kpa kpok a nyɛ naa funɛ li tɛɛnɛ ni chen di o nyɛ vur ti kinyini a koti a sɛm sɛma. Vur ti fun ŋɔ di ba kpaksi ba naa maga vɛ jɛɛmi un, a kpu.

JɔnN Deesi 13:15 Marejeleo ya Msalaba

Jems 2:26

Nibine bara vɛ kpak siima, o ya yɔrirɛ. Nibine si su Koosa a vɛ tum tum were, o si suuli ti gbanko ya yɔrirɛ.

JɔnN Deesi 13:1

Doone mu fun na sel zen digi ka o li ni ni. O funɛ kpak nyuuna nɔpɛ awa nyindaasa fire a chiksi koorsa nyuchigsa kin fi o nyindaasi ni. Ba fun sɔbi sɛm nawara la pini Koosa zoma a sak o nyuuna nɔpɛ ta ni.

JɔnN Deesi 13:12

O funɛ chiŋi sel zen naa nyuha funɛ huusi a peti chen, gantɛl nɛɛ a kpa o kpok a muksi ba naa maga nyɛn tɛɛnɛ nɔ maga ni di ba jɛɛmi sel zen nɔ.

JɔnN Deesi 13:14

Domi kpok naa sel zen naa nyuha funɛ huusi a peti chen, fun kpa a nyɛ un chen, o fun koti a tum tum zene a la mur tɛɛnɛ nɔ tim maga. O fun ŋɔ ba di ba kɔɔri vura o chi sel zen naa nyuha funɛ huusi ka o ha vɛɛn kpak miisa chen a jɛɛmi un.

JɔnN Deesi 14:11

Din naa nyɛ ba namsi, nyɔɔsa zini buudaha hali saha naa vɛ kpak bɔ. Ba naa funɛ jɛɛmi sel zen ti awa o vur ti a nyɛ o kpa o sɔn a dani ba, ba waa la namsi a vɛ hiisi.”

JɔnN Deesi 14:9

Malaikasa tora tiin ti fun za a tiŋ abalɛ ta mun ni a ŋɔ ta zaŋa ni, “Ba naa maga la jɛɛmi sel zen naa funɛ li teku ni ni chen akoo o vura a nyɛ o kpa o dana a dani ba nindilsa awa ba tilsa,

JɔnN Deesi 16:2

Tel te tiin ti fun te la biti a dau tɛɛnɛ ni. Chɔɔra tagna a naa nyɛ nara namsi kinkan, fun nyɛn ba naa sel zen ti fun dani ka ba jɛɛmi o vur ti chen.

JɔnN Deesi 16:5

Mu fun nu malaika ti ka o ŋɔ Koosa ni, “I waa naa ya bambi chaani tiina a vɛ kpak piili aa nyɛn, chenani i na tɛɛnɛ nɔ tim maga galimsa deŋlu.

JɔnN Deesi 17:14

Ba wa ba walɛ zi la chem piisi be ti wa o nitiŋɛ ba naa o fun lisi a nyɛ o titi ni ka ba vɛ bur a li o tiŋi ni, wa laal ni. Waa la zi nyaŋi koorsi ta, domi waa ya koorsa maga kaŋkoora.”

JɔnN Deesi 17:17

O ya Koosa tutɔrɛ ba zi ya chen. O fun kpa un a du ba nyuuni ni di ba la nɔɔni a kpa sel zen ti a ya ba nihɛɛ hali Koosa sɛma wa ya wuti.

JɔnN Deesi 17:6

Mu funɛ na di nihaan ti nyɔ Koosa nara awa ba naa ba fun kpu domi ba ha vɛ bur Yesu gantɛl tiŋi ni, chɛl a dɛɛsi. Alaazibu fun kpak min kinkan o daha.

JɔnN Deesi 18:20

Doone mu fun nu ta ka o ŋɔ, “Ma naa ya Koosa nitumɛ awa o witinsa wa ba naa maga nyɛn o tɔhɔn ti ni, ma nyɛ ma tusa sɔɔni kinkan domi tɔ zen ti chel daha. Waa funɛ na o galimsa a ta un yɔri ma daha.”

JɔnN Deesi 18:24

Babilɔn tima dɔ ba naa funɛ ya Koosa witinsa awa o nara, sou. Hali ba dɔ ba naa maga ba fun kpu tɛɛnɛ nɔ maga ni, sou. Chendaha o fun lɛrgi ba diŋsa a ta ba yɔri.

JɔnN Deesi 19:20

Koosa tɔhɔn lanjimasi ta fun nyaŋi tɛɛnɛ nɔ tim maga lanjimasi ta a kpaksi sel zen ti awa witiina naa vɛ zim Koosa. Witiin ti yaa funɛ tum tum zenewa sel zen ti suwachak ni di o mur ba naa sel zen ti fun kpa o sɔn a dani ba a la jɛɛmi o vura. Koosa tɔhɔn lanjimasi ta fun kpa sel zen ti awa witiin ti a la yo a du bɛɛŋ naa din bu saha maga ni ka ba nyini.

JɔnN Deesi 20:4

Doone mu fun na jirima bar kanɛ dooni. Ba funɛ kpa kpok a nyɛ ba naa kanɛ dooni di ba di sɛriasa. Mu gbanko funɛ na ba naa tɛɛnɛ nɔ tim maga fun kpu domi ba funɛ biksi ba Yesu wuti wɛu. Ba wa funɛ jɛɛmi sel zen ti akoo o vura, a vɛ nyɛ o kpa o sɔn a dani ba tilsa awa ba nisa. Kristo fun lɛli ba a li ba sou ni a nyɛ ba wa un ya koorsa a dɔ bun tusuga.