JɔnN Deesi 11:9 - Tampulma

⁹ Ba naa funɛ li pulum maga awa buuri a la sɛm sɛm kurgɛ, fun na ba bara ka ba chɔ dooni a ta nyɛ nara la sogli ba. Ba zi ya chenu wuzu butora awa wuzu bore.

JɔnN Deesi 11:9 Marejeleo ya Msalaba

Mat. 7:2

Chenani ma tum a nyɛ ma dɔŋtim ni, Koosa gbanko zi tum chenu a nyɛ ma. O zi tiŋ chen nyinbaanu a chi chenani maa tiŋ ma dɔŋtima chen.

JɔnN Deesi 10:11

Mu funɛ se un peti, o fun bu ŋɔ min, “Mu daŋni i la biksi chenani Koosa fun sɛm pulum damata awa ba naa la sɛm sɛm kurgɛ awa ba koorsa wɛu.”

JɔnN Deesi 11:11

Wuzu butora awa wuzu bore gantɛl ni, Koosa fun tum o siim weri ti di o lɛli ba a li ba sou ni. Nara funɛ na ba ka ba bu chiŋi, hansura fun kpak ba kinkan.

JɔnN Deesi 13:7

Ba fun nyɛ sel zen ti nyinbaan di o la chem Koosa nara wa laal ni a nyaŋi ba a kpa kpok a nyɛ un di o dɔ pulumsa awa buure ba naa maga la sɛm sɛm kurgɛ.

JɔnN Deesi 17:15

Malaika ti fun bu ŋɔ min, “Lisi chenani nihaan sakaal ti fun kani mɔɔg damata bambaan ni. A waa ya pulumsa awa buure ba naa maga la sɛm sɛm kurgɛ.

JɔnN Deesi 5:8

Piisi be ti funɛ la, sela naasi ta awa nihɛɛta nara fumlɛ danaasi ta fun si a pimi tɛɛnɛ ni o suwachak ni. Nihɛɛti ta maga funɛ kpak gɔnjisiwa awa salma gbaŋsa a kpa kin naa sɔɔra weree a du a tuha ni. Kin naa sɔɔra weree chen funɛ ya Koosa nara sumi.

JɔnN Deesi 5:9

Ba fun lɔ bool fali a ŋɔ, “I ya nizenu wa i la tɔn ti a kasi kitɔɔli ta a puk un. Ba funɛ kpu hin, i fun kpa i chɛl a la nidamata nyuuna a nyɛ Koosa ni. I funɛ lisi bau a li pulumsa awa buurisa maga ni ka ba maga sɛm sɛm kurgɛ.