JɔnN Deesi 11:15 - Tampulma

¹⁵ Doone malaikasa nɔpɛ tiina fun hu o kaabul. Mu fun nu ta kpoka a li Koosa tɔhɔn ti ni ka a ŋɔ, “Ya kunyana awa Kristo naa o fun lisi a nyɛ o titi ni kpak kpok a dɔ tɛɛnɛ nɔ maga. Waa la zi dɔ un hali saha naa vɛ kpak bɔ.”

JɔnN Deesi 11:15 Marejeleo ya Msalaba

Mat. 24:31

Koosa malaikasi ta digi zi wa hu kabulu kinkan. Doone mu zi wa tum ba di ba pisi a su tɛɛnɛ nɔ maga a lagmi o nara ba naa Koosa fun lisi di ba tiŋ un chen.”

Mat. 6:13

Domi i kpak jirima awa chaani wa kpok kinkan hali saha naa vɛ kpak bɔ. Ami.))’

Luk 1:33

O zi wa dɔ Jakɔb bi lulɛ magau hali saha naa vɛ kpak bɔ. O koor ti wa zi wa kpak bɔ.”

Luk 15:10

Yesu fun ŋɔ ba, “Chen vɛɛna, tum tagna tiin digi wa gil o tum tagna yaali a burgi tiŋ Koosa nyinbaan, o malaikasi ta tusa ya sɔɔniu kinkan.”

Luk 15:6

a yir o chɛnsa awa o dɔŋtima di ba wa lagmi o dam ni. Ba wa lagmi, o zi ŋɔ bau, ‘Mu na piisi nyuksi tiu, adaha ma nyɛ ma wa min tusa sɔɔni.’ ”

Tuma 4:26

Tɛɛnɛ nɔ maga koorsa funɛ saksiu awa ba nihɛɛta funɛ lagmi dɔŋ ni di ba chem ya kunyana Koosa awa naa o fun vɔu di o zi wa tumu wuzu digi chen a li laal ni.’

Ju 1:8

Amaa Koosa funɛ ŋɔ o be ti wɛwa, “I waa naa ya Koosa, i koor ti zi nyɛnu hali saha naa vɛ kpak bɔ. I dɔɔli maga deŋlu.

JɔnN Deesi 10:7

Malaikasa nɔpɛ tiin ti funɛ wa hu o kaabul, Koosa naa funɛ te kpa chenani o funɛ lisi a sogli a zi kpa a a li gbampulim a biksi o witinsa ba naa funɛ ya o tumtumsa, o zi tum chenani o daŋni o ya saha digiu.”

JɔnN Deesi 12:10

Doone mu fun nu ta kpok a li Koosa tɔhɔn ti ni ka o ŋɔ, “Ya funɛ nyaŋi naa yaa funɛ fiksi ya niinbisa Koosa suwachak niu saha maga a duŋni un a ta. Koosa naa ya ya koor wuti, funɛ kpa Kristo kpok a gbaari o kpok ni a lisi naa la muksi ya chen a li ba bambaan ni.

JɔnN Deesi 15:4

Ya kunyana, i duŋduŋ ya bambi chaani tiina. Chendaha o deŋlu di nibinsa maga kinyɛ hin jirima a ŋɔ ba dɔŋtim ni chenani i zen mak. Tɛɛnɛ nɔ tim maga zi wa chiŋi i suwachak niu a jɛɛmi hinu, domi ba zimu di i tuma maga deŋlu.”

JɔnN Deesi 16:17

Doone malaikasa nɔpɛ tiina fun la biti a du buudaha ni. Mu funɛ nu ta kpoku a li Koosa jirima bar nyɛni ni ka o ŋɔ, “Chenani mu di tɛɛnɛ nɔ tim maga sɛria duglɛ petiu.”

JɔnN Deesi 17:14

Ba wa ba walɛ zi la chem piisi be ti wa o nitiŋɛ ba naa o fun lisi a nyɛ o titi ni ka ba vɛ bur a li o tiŋi ni, wa laal ni. Waa la zi nyaŋi koorsi ta, domi waa ya koorsa maga kaŋkoora.”

JɔnN Deesi 19:1

A gantɛl ni mu fun nu zɛmɛ kinkan ta zaŋa a li Koosa tɔhɔn ti ni ka ba ŋɔ, “Ma nyɛ ya pɛgi Koosa, domi o kpak jirima awa chaani kinkan wa kpok a lisi ya a li ya tum tagna ni hali a wa peti.

JɔnN Deesi 19:6

Mu fun bu nu zɛmɛ kinkan ta a chi ni chuuri kinkan awa nasɛha tɛsi, ka ba ŋɔ, “Ma nyɛ ya pɛgi Koosa. Waa dɔ kina maga a kpak kina maga kpok a ya ya kunyana.

JɔnN Deesi 20:4

Doone mu fun na jirima bar kanɛ dooni. Ba funɛ kpa kpok a nyɛ ba naa kanɛ dooni di ba di sɛriasa. Mu gbanko funɛ na ba naa tɛɛnɛ nɔ tim maga fun kpu domi ba funɛ biksi ba Yesu wuti wɛu. Ba wa funɛ jɛɛmi sel zen ti akoo o vura, a vɛ nyɛ o kpa o sɔn a dani ba tilsa awa ba nisa. Kristo fun lɛli ba a li ba sou ni a nyɛ ba wa un ya koorsa a dɔ bun tusuga.

JɔnN Deesi 8:12

Anaasi tiin ti fun hu o kaabul. Ba fun purigi nha awa pɛna wa wula butora a lisi a chaani bar digi a ta. Ba gbanko fun purigi dusum awa nha a lisi a chaani bar digi a ta.

JɔnN Deesi 9:1

Anyuun tiin ti fun hu o kaabul. Mu fun na wul naa li buudaha a wa chel tɛɛnɛ nɔ maga ni. O fun kpak kpok a puk bɔ naa vɛ kpak bar peti, bulzɔɔnɔ.

JɔnN Deesi 9:13

Doone malaikasa nɔra tiin ti fun hu o kaabul. Mu fun nu ta a li salma biŋbiŋ naa nyɛn Koosa suwachak bambaan ni.