Mat. 9:6 - Tampulma

⁶ N daŋni ma zimu di n waa nibine be kpak kpok a li tɛɛnɛ nɔ maga ni, chen ni mu zi kotiu a gil nara tum tagna a nyɛ ba.” O fun ŋɔ wichɔɔr ti ni, “Si chiŋi a zer i kichɔɔli ti a la dama.”

Mat. 9:6 Marejeleo ya Msalaba

Mat. 4:24

O laaboora fun pisi a su pulum naa ba funɛ yir Siiriya chen, chen ni ba naa funɛ nyɛn dooni, ba fun kpa wichɔɔrsi ta a wa di o tiibi fun nyɛn ba. Alizin tagna funɛ kani nara tima bɔnɛ nyuhu ni, kigbimgbiŋsa ka fun nyɛn ba bɔnɛ ni, ba bɔnɛ nisa awa naŋgere ka fun siti. Yesu fun tiibi ba maga.

Mat. 8:20

Yesu fun ŋɔ un, “Helsa nyɛn bɔ ni ka zimebisa ka nyɛn zaŋ ni, amaa n waa nibine be, n wa kpak doonani n zi chɔ a chɔ do.”

Mat. 9:2

Baal naa nisa awa o naŋgere funɛ sou chen, chɔ o kichɔɔli ni a li dooni. Nara bɔnɛ fun zer un a wa Yesu wati. O funɛ zim chenani ba se su un kinkan, o ŋɔ baal naa nisa awa o naŋgere funɛ sou chen, “Mu be, kpak i bambi. N waa nibine be gil i tum tagna a nyɛ hinu.”

Mat. 9:5

Baal nɔ, n ŋɔ un di Koosa gil o tum tagna a nyɛ un koo n ŋɔ un di o si a val, o leema bɔm?

Mat. 9:7

Baal ti vaan si chiŋi a zer o kichɔɔli ti a kaali dama.

Maak 2:10

N daŋni ma zimu di n waa nibine be kpak kpok a li tɛɛnɛ nɔ maga ni, chen ni mu zi koti a gil nara wu tagna a nyɛ ba.” O fun ŋɔ wichɔɔr ti ni,

Maak 2:7

“Baal nɔ, baŋ sɛmwa o sɛm chen? Anti la zi koti a gil nara wu tagna a nyɛ ba? See Koosa duŋduŋ la zi koti chen. O sɛm sɛma nan ni, o wara tiŋ Koosa nɔ. O kpa o titi a maksi Koosa.”

Luk 5:21

Farisi tim ta awa Koosa chiksɛ nibiksɛ ta funɛ lisi ba bambe niu, “Baal nɔ, baŋ sɛmwa o sɛm chen? Anti la zi koti a gil nara wu tagna a nyɛ ba? See Koosa duŋduŋ la zi koti chen. O sɛm sɛma nan ni, o wara tiŋ Koosa nɔ. O kpa o titirɛ a maksi Koosa.”

Jɔn 10:28

Mu kpa Koosa mi fali naa vɛ kpak bɔ a nyɛ a, chen ni o wa zi bu na a galimsa a ta a yɔri. Nandigi wa zi fuksi a n wati.

Jɔn 17:2

Hin funɛ nyɛ min nyinbaan di mu kpa i mi fali naa vɛ kpak bɔ a nyɛ tɛɛnɛ nɔ tim maga ni. Mu kpa un a nyɛ ba naa i fun lisi a nyɛ min chen.

Jɔn 5:27

Mu ya nibine be. Chendaha o fun kpa chenani o di nara sɛria a du mu nin ni.

Jɔn 5:8

Yesu fun ŋɔ un, “Kisi a guti i kichɔɔli a la.”

Tuma 5:31

a kpa un a zini kaali o tɔhɔn ti ni a nyɛ o kani Koosa nihɛɛti bar kani ni. Dooni o fun nyɛ o ya koora, chen ni Ju tim ta zi na nyinbaanu a gil ba tum tagna a bur tiŋ Koosa. Ba ya chen, Yesu zi yisi bau a li a ni ka Koosa zi gil a a ta.

Tuma 9:34

Pita fun wa ŋɔ un, “Ɛnɛus, Yesu Kristo nyɛ i na alaafɛ. Si a guti i kichɔɔli.” Ɛnɛus fun vaan na alaafɛ a si a guti un.

2 Kɔr. 2:10

Ma gil a nyɛ nar ni, mu zi chiŋi ma gantɛl niu. Mu daŋni mu suŋi mau. Chendaha ma ya chen. O chi Kristo nyini chenani mu yarɛ.

2 Kɔr. 5:20

Yesu Kristo funɛ tum ya ma wati, chen ni Koosa zi kotiu a sɛm sɛma a nyɛ ma. Ya sumi mau Yesu Kristo daha di ma wa Koosa ya nɔ bɛgim a peti.

Ɛfɛ. 4:32

Ma ka ya jɛrgɛ nara a kpak dɔŋa wa siki saha maga. Yesu Kristo siwi daha, Koosa fun gil ma tum tagna a nyɛ ma. Chendaha ma gbanko gil a nyɛ dɔŋ ni.

Kɔl. 3:13

aa kisuŋi ba. Ma wa ma dɔŋtima vɛ dɔŋa, ma gil a nyɛ ba. Ya kunyan ti funɛ gil ma tum tagnau a nyɛ ma. Chendaha ma gbanko gil ma dɔŋtima tum tagna a nyɛ ba.