Mat. 9:2 - Tampulma

² Baal naa nisa awa o naŋgere funɛ sou chen, chɔ o kichɔɔli ni a li dooni. Nara bɔnɛ fun zer un a wa Yesu wati. O funɛ zim chenani ba se su un kinkan, o ŋɔ baal naa nisa awa o naŋgere funɛ sou chen, “Mu be, kpak i bambi. N waa nibine be gil i tum tagna a nyɛ hinu.”

Mat. 9:2 Marejeleo ya Msalaba

Mat. 14:27

Yesu fun vaan ŋɔ ba, “Ma kpak ma bambe. Minnɛ. Ma ta ɔmi.”

Mat. 4:24

O laaboora fun pisi a su pulum naa ba funɛ yir Siiriya chen, chen ni ba naa funɛ nyɛn dooni, ba fun kpa wichɔɔrsi ta a wa di o tiibi fun nyɛn ba. Alizin tagna funɛ kani nara tima bɔnɛ nyuhu ni, kigbimgbiŋsa ka fun nyɛn ba bɔnɛ ni, ba bɔnɛ nisa awa naŋgere ka fun siti. Yesu fun tiibi ba maga.

Mat. 6:12

aa gil ya taali a pɛŋ ya, ka ya ka gil aa pɛŋ ba naa laa tum ya wu tagna. ((

Mat. 8:10

O sɛm ta fun jɛri Yesu kinkan. O fun burgi a ŋɔ zɛmɛ naa funɛ tiŋ un chen, “Wutirɛ n ŋɔ ma, n funɛ pu Ju tim nidamata ba naa se su min. Baal naa vɛ ya Ju nan, si suuli kaali ba.

Mat. 8:16

Nha funɛ wa chel, tɔhɔn tima kpa ba wichoorsa awa ba naa alizin tagna nyɛn ba ni a wa Yesu wati. O fun ŋɔ alizin tagni ta ni a duŋni a a ta a tiibi wichɔɔrsi ta maga.

Mat. 9:22

Yesu fun burgi a gantɛl a na un a ŋɔ, “Mu nihabichɛla, kpak bambi. I si suuli nyɛ i na alaafɛu.” O funɛ sɛm sɛm nama, o fun vaan na alaafɛ.

Mat. 9:5

Baal nɔ, n ŋɔ un di Koosa gil o tum tagna a nyɛ un koo n ŋɔ un di o si a val, o leema bɔm?

Mat. 9:6

N daŋni ma zimu di n waa nibine be kpak kpok a li tɛɛnɛ nɔ maga ni, chen ni mu zi kotiu a gil nara tum tagna a nyɛ ba.” O fun ŋɔ wichɔɔr ti ni, “Si chiŋi a zer i kichɔɔli ti a la dama.”

Maak 1:32

Nha funɛ chel chen, tɔhɔn ti tima kpa ba wichɔɔrsa awa ba naa alizin tagna nyɛn ba ni a wa Yesu wati.

Maak 10:49

Yesu fun chiŋi a ŋɔ di ba yir un o wa. Ba fun yir un a ŋɔ, “Nyɛ i bara sɔɔni ka i si a wa. O yir hinu.”

Maak 5:34

Yesu fun ŋɔ un, “N be, i si suuli nyɛ i na alaafɛu. Kila dama awa tu sɔɔn ni. I wichɔɔrti ti petiu. O wa zi bu bur wi.”

Maak 6:50

Hansura fun kpak ba. Ba fun a huusi kinkan. Yesu fun ŋɔ ba, “Ma ta ɔmi. Minnɛ. Ma nyɛ ma bara sɔɔni.”

Jɔn 16:33

Chenani ma nyɛn tɛɛnɛ nɔ maga ni zi nyɛ ma na namsiu kinkan. Chenani ma wa min ya nibɛgim a nyɛn ka zi nyɛ ma bara sɔɔniu. Chendaha mu fun ŋɔ ma kin nama. Ma kpak ma bambe. Mu kpok ti ya kizen a kaali tɛɛnɛ nɔ tim maga kpok.”

Jɔn 2:25

O wa funɛ daŋni di nara biksi un chenani nibinsa bambe du.

Jɔn 21:5

Ba funɛ wa dugli, Yesu fun pɛɛsi ba, “Mu bisa, ma kpaksi nyinsauu?” Ba fun ŋɔ un, “Ya wa kpak kundɔŋ.”

Tuma 14:9

O fun nu chenani Pɔɔl biksi tɔhɔn tima Koosa laaboor weri ti wɛ. Doone Pɔɔl fun wa zaami un a zim di o si su di o zi kotiu a tiibi un. O fun nyini o se ni,

Tuma 19:12

Yesu nitiŋɛ ta fun kpa Pɔɔl tum kilaarɛ a la gbaŋsi wichɔɔrsa ba na alaafɛ. Ba fun vɛɛn kpa a a gbaŋsi ba naa alizin tagna nyɛn ba nyuuni ni a li ba ni.

Tuma 23:11

Dusum funɛ wa biri, Pɔɔl fun bu na ya kunyan ti a chi o deesi. Ya kunyan ti fun ŋɔ un, “Kpak bambi. Mu zi nyɛ i la Roomu a la ŋɔ ba naa nyɛn dooni, mu wɛ a chi chenani i ya bar nɔ nan.”

Room 5:11

Chen maga laatanɛ. Lalaknɔ Koosa ya ya jirima tiina ya kunyana Yesu Kristo naa nyɛ ya wa un ya nibɛgim daha.

Jems 2:18

Amaa ma nidigi zi ŋɔ o dɔŋtiin niu, “Mu si su Yesu ka i tum tum were.” Mu zi ŋɔ unu, “Biksi min chenani nar si su Yesu ka o vɛ tum tum were. Chenani mu tum tum were biksi nara di mu si su Yesu.”