Mat. 8:5 - Tampulma

⁵ Saha naa Yesu fun wa tel Kapɛrnaum chen, lanjima nihɛɛ digi fun wa chem un a sumi di o suŋi un.

Mat. 8:5 Marejeleo ya Msalaba

Mat. 11:23

Ma Kapɛrnaum tima. Ma waa la daŋni ma zer ma titi buudaha. A wuzu ti wa tel, ba waa la zi zer ma a yo du din dam ti ni. N fu tum alaazibu tum na a li Sɔdɔm tɔhɔn ni saha digi a chi chenani n fun tum ma wati nan, Koosa fu wa zi di ba sɛria a chɔk ba.

Mat. 27:54

Lanjimasa kɔkwa nihɛɛ awa o lanjimasa ba naa funɛ chiŋi bɔnɛ a il Yesu, ba funɛ na tɛɛnɛ zigsɛɛ awa chenani maga yɛɛ, hansura fun kpak ba kinkan. Ba funɛ sɛm dɔŋ ni, “Wuti baal nɔ sir ya Koosa bere.”

Mat. 4:13

O funɛ wa li Nazarɛt a gali a la nyɛn tɔha naa ba funɛ yir Kapɛrnaum ni. Tɔha nɔ funɛ nyɛn Galili bɛɛŋ nɔ nɛɛ. Zɛbulun awa Naftalai tima koora funɛ dɔ un.

Mat. 9:1

Yesu fun zu arŋ ti a bur la ji jibaŋ ti a kaali Kapɛrnaum.

Maak 15:39

Lanjimasa kɔkwa nihɛɛ funɛ chiŋi daakakli ti mun ni a il Yesu. O funɛ na chenani o sou, o fun ŋɔ o titi ni, “Wuti baal nɔ sir ya Koosa bere.”

Maak 2:1

Yesu fun nyɛn doon wuzu bilɛ a bur wa Kapɛrnaum. Tɔhɔn ti tima fun nu di waa nyɛn o dam zuuli ni.

Tuma 22:25

Lanjimasi ta fun kpa ganɛsa a vɔu Pɔɔl a saksi di ba tuk un. O fun burgi a ŋɔ ba nihɛɛ naa chiŋi dooni, “Mu ya Ju tim baallɛ a vɛɛn ya Roman tim gbanko. Ma wa kpak nyinbaan naa ma zi tuk min wa vurmsi ni, domi ma ha wa kpa min la sɛria bar diili dɛ a na mu galimsa.”

Tuma 23:17

Pɔɔl funɛ nu o sɛm ta, o fun yir lanjimasi ta nihɛɛti ta digi o wa. O fun ŋɔ un, “Kpa bunɔɔn ti kila i nihɛɛ nyuhu tiin ti wati. O kpak wu digirɛ a kaa ŋɔ un.”

Tuma 23:23

Doone nihɛɛ nyuhu tiin ti fun yir o nihɛɛta nara balɛ ba wa o ŋɔ ba, “Ma lagmi lanjimasa kɔksa lɛ, lanjimasa ba naa la zini zaagna fumnɔpɛ awa lanjimasa ba naa la chem laal wa tima ni, kɔksa lɛ a nyɛ ba saksi Siizaria laali. Ma nyɛ ba wa la dusum diwe diili peti saha.

Tuma 27:13

Wuzu digi peha naa vɛ kpoki fun ya a li pul mun. Niduse ta fun lisi di ba si awa arŋ ti ni a la a lisi lugɛ yuga naa kpak arŋ ti o vɛ laali a li ni ti ni. Ya fun si dooni a val a dugli Krit pulum ni nɔ.

Tuma 27:31

Pɔɔl funɛ na ka niduse tima daŋni ba gil arŋ ti ta a ta bu bur laali, o fun ŋɔ lanjimasi ta awa ba nihɛɛ ti ni, “Ma ta nyɛ niduse tima kaali a ka ya. Ba kaalɛɛ, ya maga zi sitiu.”

Tuma 27:43

Lanjimasi ta nihɛɛ ti wa fun nyɛ lanjimasi ta kpu ba, domi o wa funɛ daŋni Pɔɔl sou. O fun purigi ya maga chen bilɛ. O fun ŋɔ ba naa zim ni diili chen ba te tu ni ti a di a la zini jibaŋ,

Tuma 9:38

Jɔpa awa Lida wa fun bol wa dɔŋ ni. Yesu nitiŋɛ ba naa nyɛn Jɔpa ni, funɛ nu di Pita nyɛn Lida ni, ba fun tum nara balɛ o wati ba la ŋɔ un di o ta vusi a kuwa.