Mat. 8:4 - Tampulma

⁴ Yesu fun ŋɔ un, “I fiɛŋ i sɛm nandigi ni, amaa kila Koosa dam kɔkɔɔrsi ta digi wati, chen ni o zi koti a na hinu. O na hin, i nyɛ o kɔɔri kɔɔri ti a nyɛ hin a chi Mosis funɛ biksi ya saha digi chen. Chen la zi biksi nara di i zagumti ti petiu.”

Mat. 8:4 Marejeleo ya Msalaba

Mat. 10:18

Ba zi wa kpa ma a la koorsa awa nihɛɛta suwachaku di ba di ma sɛria mu daha. Nan daha, ma zi na nyinbaanu a sɛm ba awa ba naa vɛ ya Ju tima Koosa laaboor weri ti wɛ.

Mat. 16:20

Doone Yesu fun ŋɔ o gantɛl tiŋsi ta ni di ba fiɛŋ ba ŋɔ nandigi ni di waa ya Kristo naa Koosa fun ŋɔ di o zi wa tumu wuzu digi chen.

Mat. 17:9

Saha naa ba fun li bi ti nyuhu ti a tu wa chen, Yesu fun ŋɔ ba, “Kinkin naa ma na nan, ma fiɛŋ ma wa sɛm nandigi ni, hali a wuzu naa mu waa nibine be wa si a li mu sou ni.”

Mat. 3:15

Yesu fun ŋɔ un, “O deŋlu wa i chaksi min. O ya Koosa tutɔrɛ.” Jɔn funɛ nu o sɛm ta, o fun la nɔɔni a chaksi un.

Mat. 5:17

“Ma ta lisi di n funɛ wau di mu biksi chiŋi Ju tim chiksɛ awa Koosa witinsa biksi bar chiŋi nɛɛ. N wa fun wa di mu wa ya chene, amaa n wa di n wa biksi nara a wuti munwa.

Mat. 6:1

“Ma tum tum were a nyɛ nara ni, ma ta nyɛ a li gbampulim nara maga naali. Ma tum chen, ma wa zi na papaha a li ma kunyan Koosa naa nyɛn o tɔha ti ni.

Mat. 9:30

Ba se fun vaan lɛli ka ba na. Yesu fun tɛ ba nin a ŋɔ ba, “Ma fiɛŋ ma ŋɔ nandigi ni kinkin naa yɛɛ.”

Maak 13:9

“Ma doso ma titi ni. Ba zi wa kpak mau wa kpok ni a muksi ma kinkan. Ba zi wa kpa mau a kaali ba bar lagmi dɛɛna nihɛɛti wati ba di ma sɛria a tuk ma. Ba gbanko zi wa kpa ma la koorsa suwachaku ba di ma sɛria domi maa tiŋ min daha. Ba wa di ma sɛria, ba gbanko zi wa nu Koosa laaboor weri tiu.

Maak 3:12

Yesu fun ŋɔ alizin tagni ta wa kpok ni di a fiɛŋ a ŋɔ o wɛ nandigi ni.

Maak 5:43

Yesu fun ŋɔ di ba ya diwe a nyɛ be ti ni o di, a fun ŋɔ ba kpok ni, “Ma ta nyɛ nandigi zim kinkin naa yɛɛ.”

Maak 6:11

Amaa ma wa zu tɔ digi ka tɔhɔn ti nara vɛ la ma duuli koo a vɛ nu nyɛ ma, ma li dooni, a piisi ma naasa hɛɛra a ta, chen ni ba zi zim di a li ba nɛɛ. O wa li ma ni.”

Maak 7:36

Yesu fun ŋɔ ba kpok ni di ba fiɛŋ ba ŋɔ nandigi ni chenani yɛɛ, amaa ba funɛ vɛu a mɔɔli nidamata ni.

Maak 8:30

Yesu fun ŋɔ ba, “Ma doso ma ta ŋɔ nandigi ni chen wɛ.”

Maak 9:9

Saha naa ba fun li bi ti nyuhu ti a tu wa chen, Yesu fun ŋɔ ba, “Kinkin naa ma na nan, ma fiɛŋ ma wa sɛm nandigi ni, hali a wuzu naa mu waa nibine be zi wa si a li mu sou ni.”

Luk 17:14

Yesu fun na ba a ŋɔ, “Ma la Koosa dam kɔkɔɔrsi ta digi wati o la nyini ma.” Ba fun burgi a kaali. Ba funɛ nyɛn nyinbaan ti ni a la chene, ba maga fun na alaafɛ.

Luk 21:13

Ba wa kpa ma a la sɛria bar diili, ma zi na nyinbaanu a ŋɔ ba naa nyɛn dooni Koosa laaboor weri ti wɛ.

Luk 4:41

Yesu funɛ duŋni alizin tagni ta a li nara ta ni. A fun a tɛsi a ŋɔ, “I ya Koosa bere.” A funɛ zimu di waa ya Kristo naa Koosa fun ŋɔ di o zi wa tumu wuzu digi. Yesu fun ŋɔ a di a gil chɛɛma.

Luk 5:14

Yesu fun ŋɔ un, “I fiɛŋ i sɛm nandigi ni, amaa kila Koosa dam kɔkɔɔrsi ta digi wati, chen ni o zi koti a na hinu. O na hin, i nyɛ o kɔɔri kɔɔra a nyɛ hin a chi Mosis funɛ biksi ma saha digi chen. Chen la zi biksi nara di i zagumti ti petiu.”

Luk 8:56

O fun ya o nyana awa o niina alaazibu kinkan. Yesu fun ŋɔ ba kpok ni, “Ma ta nyɛ nandigi zim kinkin naa yɛɛ.”

Luk 9:21

Yesu fun ŋɔ ba, “Ma doso ma ta ŋɔ nandigi ni chen wɛ.

Jɔn 5:41

“Ma vɛ nyɛ min jirima nan daha mu baga wa to,

Jɔn 7:18

Naa sɛm o titi sɛma daŋni narawa kinyɛ un jirima. Nar ka daŋni o nyɛ naa tum un chen, jirima ya wuti tiinnɛ. Nusuna wa to un ni.

Jɔn 8:50

Mu bak wa to di ma nyɛ min jirima, amaa Koosa waa baga nyɛnu di nara nyɛ min a kidi ba naa vɛ min sɛria.