Mat. 6:2 - Tampulma

² “Adaha ma yaa tum tum were a nyɛ nara ni, ma ta mo luŋa yau ni awa ma bar lagmi dɛɛni ta ni a daŋni sɔn a chi nara bɔnɛ tum. Ba tum chene di nara pɛgi ba. Ma nu mu sɛma. Chenani nara pɛgi ba ya ba papaha.

Mat. 6:2 Marejeleo ya Msalaba

Mat. 15:7

Ma ya nusun timwa. O funɛ ya wutirɛ chenani Koosa witiina Azaaya fun sɔbi ma wɛ saha digi a du Koosa sɛm tɔn ti ni chen.

Mat. 16:3

Nha ka wa yɛli ka buudaha buri, ma zim di doon zi miu. Ma zim di doon zi miu koo o wa zi mi, amaa ma wa koti a zim kin nawara la ya zinan mun.”

Mat. 22:18

Yesu fun zim di ba daŋni ba mo o lore a ŋɔ ba, “Ma ya nusun timwa. Yɛrɛ murirɛ ma mur min nan?

Mat. 23:5

Ba fun kpa Koosa sɛm tɔn ti kiwiwisa a naa ba fun guti a vɔti ba tilsa awa ba nisa, ba funɛ gutiu a zen. Zɔsɛ naa ba fun kpa gbaari ba kilaarɛ ziŋziŋɛ ni, ba fun nyɛ a gbanko zen. Ba funɛ ya chene di nibinsa nyɛ ba sɔna.

Mat. 23:6

Ba wa lagmi a di diwe wuzu zen wuzu, ba yaa daŋni ba di nihɛɛta bar diili nee. Ba yaa daŋni ba kani kor were ni a li ba bar lagmi dɛɛni ta ni.

Mat. 24:51

O kunyan ti zi wa na paanu kinkan. O zi kpa unu a gbaari ba naa ya nusun tim ni a ta un yɔri. Dooni o zi wa wiu kinkan a se o nyina.”

Mat. 5:18

Ma nu nan. Hali kina maga wa si peti, nandigi wa zi koti a nyɛ Koosa chiksɛ ta kiwewe wa si peti.

Mat. 6:16

“Ma vɔti nɔɔna, ma ta nyɛ ma se nyakmi a chi ba naa vɔti nɔɔna a li gbampulim ni. Ba waa bɔrsi ba se, chen ni nara maga zi zim di ba vɔti nɔɔniwa. Ma nu mu sɛma. Ba waa piin na ba papahau.

Mat. 6:3

Ma tum tum were a nyɛ nara ni, ma ta nyɛ hali ma walɛ zim o wɛ.

Mat. 6:5

“Ma sumi Koosa, ma ta sumi a li gbampulim ni. Nara bɔnɛ daŋni ba chiŋi yau ni awa ba bar lagmi dɛɛni nɛɛ a sumi Koosa di nara na ba a pɛgi ba. Ma nu mu sɛma. Chenani nara pɛgi ba ya ba papaha,

Mat. 7:5

Ma mur ma titirɛ. Ma te a yisi dagume ti a ta ma se ni, a zi koti a na a yisi danugil ti a ta ma dɔŋtim se ni.

Maak 12:39

Ba yaa daŋni ba kani kor were ni a li ba bar lagmi dɛɛni ni. Ba wa lagmi a di diwe wuzu zen wuzu, ba yaa daŋni ba di nihɛɛta bar diili nɛɛ.

Maak 7:6

Yesu fun ŋɔ ba, “Ma ya nusun timwa. O funɛ ya wutirɛ chenani Koosa witiina Azaaya fun sɔbi ma wɛ saha digi a du Koosa sɛm tɔn ti ni. O funɛ ŋɔ, ‘Nara nama jɛɛmi min ba nyina nɛɛ, amaa ba tusa wa to min ni.

Luk 11:41

Ma zer ma diwe awa ma kinyɔɔlɛ ta a nyɛ fara tim ni. Ma ya chen, ma tusa wa zi bu kpak doŋa.

Luk 11:43

“Ma Farisi tim ta, yɛrɛ o kaa wa du ma ni? Ma yaa daŋni ma kani kor were ni a li ma bar lagmi dɛɛni ni. Ma yaa daŋni narawa kizaami ma a li yau ni a kinyɛ ma jirima.

Luk 12:33

Ma kpa ma kina maga a suŋi ba naa la daŋni a. Ma ta chiŋsɛ kidamata a li tɛɛnɛ nɔ maga ni. Ma ka chiŋsɛ kidamata a li Koosa tɔhɔn ti ni. Chau wa zi wa chɔk a ka ŋmɛɛrsa wa chɔk dɛ ti a ŋmɛ a dooni.

Luk 12:56

Ma ya nusun timwa. Ma zi nyini buudahau awa tɛɛnɛ aa zim chen mun. Yɛrɛ ma vɛ zim chenani mu duuli?”

Luk 13:15

Yesu fun nu o sɛm ta a ŋɔ un, “I wa ba naa tiŋ i nɔ ya nusun timwa. Ma zi pur ma nuha koo kokuma a kpa un la pul di o la nyɔ ni hiisi wuzu tiuu?

Luk 20:46

“Ma doso ma ta nyɛ Koosa chiksɛ nibiksɛ ta yaa kimur ma. Baa daŋni takta ziŋɛ laarɛ kinkan a la daŋni ba val yau ni, chen ni nara zi nyɛ ba jirimau a kizaami ba. Ba yaa daŋni ba kani kor were ni a li ba bar lagmi dɛɛni ni. Ba wa lagmi a di diwe wuzu zen wuzu, ba yaa daŋni ba di nihɛɛta bar diili nɛɛ.

Luk 6:24

Yɛrɛ o kaa wa du ma naa vɛ daŋni Koosa suŋi ma lalaknɔ. O wa zi koti a wa dɔ ma.

Luk 6:42

Yɛrɛ ma ya a ŋɔ ma dɔŋtiin ni, ‘Nyɛ ya lisi danugil ti a ta i si ni ka ma kpak dagume a li ma se ni?’ Ma mur ma titirɛ. Ma te a lisi dagume ti a ta ma se ni, a zi koti a na a lisi danugil ti a ta ma dɔŋtiin si ni.”

Jɔn 13:29

Ba maga malɛ funɛ nyɛn Judas nin nee. Ba bɔnɛ fun lisi di Yesu ŋɔ un di o la yau wuzu zen ti diwe. Bɔnɛ ka fun lisi di Yesu ŋɔ un di o lisi malɛ ta bɔnɛ a la nyɛ fara tim ni.

Jɔn 5:41

“Ma vɛ nyɛ min jirima nan daha mu baga wa to,

Jɔn 5:44

Ma daŋni ma nyɛ dɔŋ wa jirimarɛ, amaa ma wara daŋni jirima naa Koosa bɛgim ti koti a nyɛ ma. O wa ya beelire ma se vɛ su min.

Jɔn 7:18

Naa sɛm o titi sɛma daŋni narawa kinyɛ un jirima. Nar ka daŋni o nyɛ naa tum un chen, jirima ya wuti tiinnɛ. Nusuna wa to un ni.

Tuma 10:2

O wa o walɛ yaa funɛ sumi Koosa a la jɛɛmi un. O gbanko yaa funɛ suŋi Ju tim fara tim tau.

Tuma 10:31

a ŋɔ, ‘Kɔnilius, chenani ii sumi Koosa a la suŋi fara tim ta chen sɔɔnɛ o tuha.

Tuma 10:4

Kɔnilius fun kpa o se a zɔŋ un ni. Hansura kpak un a li o nyini ti ni. O fun ŋɔ un, “Mu kunyana, baŋnɛ i daŋni mu suŋi hin?” Malaika ti fun bu ŋɔ un, “Chenani ii sumi Koosa a la suŋi fara tim ta chen sɔɔnɛ o tuha. Chendaha o fun tum min i wati.

Tuma 11:29

Yesu nitiŋɛ ba naa funɛ nyɛn Antiɔk ni, funɛ daŋni ba suŋi ba niinbisa ba naa nyɛn Judia pulum ni. Ba nibɛgim bɛgima fun lisi chenani ba nyaŋi a li ba malɛ ni,

Tuma 24:17

“Saha naa mu fun nyɛn Jɛrusalɛm ni, o funɛ vusiu ka mu la dooni. Ju tim ta bɔnɛ fun lagmi malɛ a du mu nin ni di mu kpa la Jɛrusalɛm. Mu gbanko fun la dooni di mu jɛɛmi Koosa.

Tuma 9:36

Yesu nitiŋɛ ta nidigi funɛ ya nihaannɛ ba yir un Tabita. Girik tima sɛm ni ba ka yir un Dɔɔkas. O mun funɛ ya ‘cherga’. O fun nyɛn tɔhɔn naa ba yir Jɔpa. O yaa funɛ tum tum werewa a la suŋi fara tima.

Room 12:8

O nyɛ ya kpami nara ba tiŋi ni, ma nyɛ ya kpami ba chen ni. O nyɛ nibine kpa o kina a bɔni nara, o lawa o ya chenu a li o bambi ni. O nyɛ nibine ya nyuhu tiina, o lawa o kpak si sɛmu a tum nɛnɛ. O nyɛ nibine kpak nara siki, o lawa o kpak tu sɔɔnau.

1 Kɔr. 13:3

Mu kpa mu kina maga a nyɛ fara tim ni a kpa mu titi a la du din ni a sou Koosa daha a vɛ daŋni nara, o nyɔɔra ya baŋa?

Gal. 2:10

Ba gbanko fun ŋɔ ya di ya suŋi fara tima ba naa ya Yesu nitiŋɛ ta a nyɛn doon pulum ti ni. Mu piin kpak unu mu bambi ni di ya ya chen. Ya wa ba funɛ sɛm peti, ya fun li dooni a kaali Antiɔk.

Ɛfɛ. 4:28

Ma ya ŋmɛɛrsa, ma gil ŋmɛɛli. Ma la di ma bara wilim ni, chen ni ma zi kotiu a lisi ma kina tuhu ni a suŋi fara tima.

1 Tɛs. 2:6

Ya wa funɛ daŋni sɔniwa ma wati koo nandigi wati.

1 Tim. 6:18

Kibiksi ba baa tum tum were nɛnɛ a kidaŋni ba bɔni ba kina a nyɛ ba dɔŋtima ni.

Faili. 1:7

Mu niinbe daŋni, hin la kpami min a la nyɛ mu tuha sɔɔni kinkan, domi ii daŋni ba naa maga la tiŋ Koosa nyinbaannɛ a la kpami ba.

Ju 13:16

Ma ta suglɛ di ma tum tum were a kisuŋi dɔŋa saha maga. Chenani ya ya chen gbanko kɔɔr naa sɔɔni Koosa tuha kinkan.

1 Pita 4:11

Naa kpak Koosa papaha ti a kaa ŋɔ nara ni o wɛ, ma nyɛ o sɛm sɛm ta wa si sɛm ni. Naa kpak Koosa papaha ti a kaa tum a nyɛ o dɔŋtima ni, ma nyɛ o kpa Koosa kpok ti a tum nɛnɛ a nyɛ ba. Ya ya chen, Koosa zi na pɛgiu a li ya tum maga ni Yesu Kristo sɔn daha. Koosa zi kpak kpoku awa jirima kinkan hali saha naa vɛ kpak bɔu. Ami.