Biblia Todo Logo
Biblia ya mtandaoni

- Matangazo -




Mat. 5:10 - Tampulma

10 Ba naa nara muksi kinkan domi baa tum chenani Koosa daŋni ba tumnɛ, o zi wa dɔ bau a nyɛ ba tu sɔɔna.

Tazama sura Nakili




Mat. 5:10
30 Marejeleo ya Msalaba  

Ba muksi ma a li tɔ digi ni, ma li dooni a la bar digi. Wutirɛ n ŋɔ ma, ma wa zi tum ma tum maga a peti a li Ju tim tɔsi ta ni, hali n waa nibine be wa bur wa.


Yesu fun ŋɔ o gantɛl tiŋsi ta ni, “Ma nyɛ bichɛsa ta kuwa mu wati. Ma ta duŋni ba. Ma wa zim di ba naa se su min a chi bichɛsa, ba waa nyɛn Koosa koor ti nii?”


Mu naa dɔ tɛɛnɛ nɔ maga zi ŋɔ ba naa nyɛn mu nindil ni, ‘Mu kunyana Koosa nyɛ ma nyusum. O funɛ naami tɛɛnɛ nɔ maga chen, o fun saksi kina a chiŋsi ma. Ma wa a wa la a lalaknɔ.


O fun ŋɔ, “Ba naa zimɛɛ di ba daŋni Koosa suŋi ba, o zi wa dɔ bau a nyɛ ba tu sɔɔna.


Yesu funɛ wa na chen ni, o fun na paan a ŋɔ o gantɛl tiŋsi ta ni, “Ma nyɛ bichɛsi ta kuwa n wati. Ma ta duŋni ba. Ma wa zim di ba naa se su min a chi bichɛsa, ba waa nyɛn Koosa koor ti nii?


Koosa zi wa bɔ un o chimu a bukoo gbaari un kinkan, chen ni o zi bukoo na damsau, maanasa, niinbisa, numa, bisa awa ŋmaana, a na namsi a gbaari lalaknɔ a kpak Koosa miisa naa vɛ kpak bɔ.


Kin naa mu ŋɔ ma nan wa zi te ya. Ba zi wa te kpak mau kpok ni a muksi ma kinkan. Ba zi wa kpa mau a kaali ba bar lagmi dɛɛna di ba di ma sɛria a tɔ ma dɛ. Ba gbanko zi wa kpa ma la koorsa suwachaku ba di ma sɛria min daha.


Mu kunyana funɛ vɔu min koora di mu dɔ nara. Mu gbanko vɔu ma koora.


Yesu funɛ tiibi wichɔɔrsi ta peti, o funɛ burgi a ŋɔ o gantɛl tiŋsi ta ni, “Ma naa zimɛɛ di ma daŋni Koosa suŋi ma, o zi wa dɔ mau a nyɛ ma tu sɔɔna.


“Nara ha ma a vɛ ma a pini ma zoma a ŋɔ di ma ya tum tagna timawa domi maa tiŋ n waa nibine be daha, ma tusa zi sɔɔniu.


Ma lisi chenani mu fun ŋɔ ma di yom wa to a zen a kaali o kunyana. Ba funɛ muksi minu kinkan, adaha ba zi wa muksi ma gbanko zi nu ma sɛmau.


Gameliel funɛ sɛm peti, ba maga fun la nɔɔni a nyɛ un. Ba fun ŋɔ ba ba kpa nitumɛ ta a zu a nyɛ Koosa bar jɛɛmi dam ti niilɛ ta tuksi ba wa vurmsi ni. Doone ba fun bukoo tɛ ba nin di ba ta bu kpa Yesu sɔn a sɛm nara ni a nyɛ ba kaali.


Sɔɔl funɛ daŋni o sou. Saha ti kpa la, Ju tim ta fun nyɛ Yesu nitiŋɛ ba naa nyɛn Jɛrusalɛm ni, na namsi kinkan. Ba maga fun pisi a su Judia pulum awa Samaria pulum. Nitumɛ ta duŋduŋ funɛ ka a nyɛn Jɛrusalɛm ni.


Ya namsi naa ya namsi nan, a wa zi vusi. A wa peti, Koosa zi zeru a li o jirima zenzen naa vɛ kpak bɔ ni, a nyɛ ya. O jirima zenzen nɔ kaali ya lalaknɔ namsi kinkan.


Ma ta ɔm ma dɔma hali tama. Nan la zi biksi ba di Koosa titi zi wa na ba galimsau a ta ba yɔri, a biksi ma di o zi yisi mau a li ma tum tagna ni hali o wa peti.


Ya di ya namsi maga, wuzu digi ya wa un zi wa ya koorsau. Ya vɛ un, o gbanko zi vɛ yau.


I gban zimu chenani mu dɔma muksi minu kinkan a li tɔsi a naa ba yir Antiɔk, Ikonium awa Listira ni, ka mu di namsi dooni. Amaa Koosa funɛ bu wa lisi minu a li mu namsi maga ni.


Tu sɔɔn nyɛn nibine naa yaa di o zaamsi nɛɛ. O zaamsi saha wa peti, Koosa zi wa kpa o mi fali naa o fun vɔu, a nyɛ ba naa la daŋni un nɛɛ.


Ba tusa sɔɔnɛu lalaknɔ, domi ba funɛ di ba namsiu. Ma lisi chenani Jop fun di o namsi saha digi. Ma zimu di Koosa funɛ nyɛ o namsi chen, di o ɔm un siki a suŋi un.


Ma ta wa chi Keen naa funɛ ya sintana be chen a kpu o niinbe. Ma zim kinkin naa nyuhu ni o fun kpu o niinbe tiuu? O funɛ tum tum tagniwa ka o niinbe ti ka tum tum were. Chendaha o fun kpu un.


Ma ta ɔm chenani ma namsi zi wa gbaari. Sintana zi wa nyɛ ba kpak ma bɔnɛu a tɔ dɛ di o zaamsi ma a nyɛ ma namsi kinkan wuzu fi. Ba daŋni ba kpu ma, ma kpak nɛnɛ ka mu zi kpa Koosa mi fali ti a nyɛ ma.


Tufuate:

Matangazo


Matangazo