Mat. 3:7 - Tampulma

⁷ Jɔn funɛ na Ju tima ba naa funɛ yir ba titi Farisi tima awa ba naa funɛ yir ba titi Sajusi tim nidamata la wa o wati di o chaksi ba, o fun ŋɔ ba, “Ma naa chi duma. Anti ŋɔ ma di Koosa zi na paanu a du ma ni a lɛrgi ma diŋsa ka ma chɔ?

Mat. 3:7 Marejeleo ya Msalaba

Mat. 12:24

Farisi tim ta funɛ nu chenani ba sɛm dɔŋ ni, ba fun ŋɔ ba, “Biɛlzɛbub, naa ya alizin tagna maga koora, nyɛn un ni a la nyɛ un kpok saha maga, chen ni o zi koti a duŋni alizin tagnau a li nara ni.”

Mat. 12:34

Ma chi dumwa. Maa tum tum tagniwa, yɛrɛ ma kaa ya a sɛm sɛm were? Ma sɛm chenani nyɛn ma bambe nee.

Mat. 15:12

O gantɛl tiŋsi ta fun wa ŋɔ un, “Chenani i sɛm chen, i pini Farisi tim ta zomwa.”

Mat. 16:1

Farisi tim ta awa Sajusi tim ta bɔnɛ fun wa Yesu wati a daŋni o tum alaazibu tuma a biksi ba ba zim di o kpok sir li Koosa watɛɛ.

Mat. 16:6

Yesu fun ŋɔ ba, “Ma kpak ma titi nɛnɛ aa kidoso Farisi tim ta awa Sajusi tim ta lure naa ba yaa kpa a du boroboro ni.”

Mat. 22:15

Koosa dam kɔkɔɔrsi ta awa Farisi tim ta fun gil un a la daŋni ba mo o lo a na chenani o zi sɛm ka ba na nyinbaan a kpu un.

Mat. 22:23

Doone Sajusi tim ta bɔnɛ fun wa Yesu wati. Ba yaa fun a ŋɔ di nara siwɛɛ, ba wa zi bu koti a si ba sou ni.

Mat. 22:34

Farisi tim ta funɛ nu chenani Sajusi tim ta fun a pɛɛsi Yesu ka o biksi a nyinbaan nɛnɛ a nyɛ ba chen, ba fun lagmi a wa o wati.

Mat. 23:33

Ma nawaalsa funɛ chi dumwa. Chendaha ma chi ba. Koosa wa wa di o wa di tɛɛnɛ nɔ maga tima sɛria, o zi wa na ma galimsau a kpa ma du din dam ti ni. Yɛrɛ ma kaa wa ya a chɔ li dooni?

Mat. 5:20

Koosa chiksɛ nibiksɛ ta awa Farisi tim ta yaa ŋɔ nara ni di ba tiŋ Koosa nyinbaan. Ma daŋni ma zu Koosa koor ti, o lawa ma tiŋi iiu a kaali ba kinkan.”

Maak 12:13

Ba fun burgi a nyini Farisi tim ta bɔnɛ awa Hɛrɔd nitiŋɛ bɔnɛ di ba la mo o lo a na chenani o zi sɛm ka ba na nyinbaan a kpu un.

Maak 12:18

Doone ba naa ba yir Sajusi tim chen bɔnɛ fun wa o wati. Ba yaa fun a ŋɔ di nara siwɛɛ, ba wa zi bu koti a si ba sou ni.

Maak 8:15

Yesu fun ŋɔ ba, “Ma kpak ma titi nɛnɛ aa kidoso Farisi tim ta awa Hɛrɔd luri naa ba kpa a du boroboro ni.”

Luk 16:14

Farisi tim ta funɛ ya malɛ timwa. Chendaha ba funɛ nu chenani Yesu sɛm chen, ba mɔmsi un.

Luk 18:11

Farisi tim ta baal ti fun la chiŋi o duŋduŋ a sumi Koosa a ŋɔ, ‘Mu kunyana Koosa, mu zaami hinu di n wa nara wa ya kibɛgim. Ba waa la daŋni malɛ ka ba se vɛ su ba dɔŋtima, ka ba daŋni nihaana yɔri yɔri. N zaami hinu n wa chi lampo nilali naa chiŋi dooni chen.

Luk 7:30

Amaa Farisi tim ta awa Koosa chiksɛ nibiksɛ ta ka funɛ vɛu di ba wa zi nu Koosa nɔ a nyɛ Jɔn chaksi ba.

Jɔn 1:24

Ju tim ba naa funɛ tum Koosa dam kɔkɔɔrsi ta awa Livait tima Jɔn wati, ba funɛ ya Farisi timwa.

Jɔn 8:44

Ma waa ya sintan bisa aa daŋni ma tiŋ o tutɔ. Saha naa Koosa fun naami tɛɛnɛ nɔ maga hali a wa tel lalaknɔ, sintana funɛ ya nara nikpuuli. O wa zim chenani wuti du. Waa ya nusun koora. O kaa suni wɛ, o wara bɔm un ni.

Jɔn 9:40

Farisi tima ba naa funɛ dugli dooni, bɔnɛ fun nu ka o sɛm. Ba fun ŋɔ un, “Hin la daŋni i ŋɔ di ya se wa lɛli.”

Tuma 15:5

Saha ti Yesu nitiŋɛ ba naa ya Farisi tim ta bɔnɛ fun si chiŋi ba suwachak ni a ŋɔ, “O lawa Yesu nitiŋɛ ta tiŋ Ju tim chiksɛ tau a nyɛ ba teŋsi ba.”

Tuma 20:31

Ma doso a kilisi chenani mu fun kpak un mu bambi ni di mu biksi ma bunsa tora a ta hiisi tama.

Tuma 26:5

Ba zimu di mu ya Farisi tim nidigirɛ a li o piili ni. Ba waa kpak si sɛm a jɛɛmi Koosa a kaali kinkin tima. Ju tima ba naa nyɛn bar nɔ daŋni, ba zi ŋɔ hinu di chenani mu sɛm chen ya wutirɛ.

Tuma 5:17

Doone Koosa dam kɔkɔɔrsi ta nihɛɛ ti awa Sajusi tima ba naa funɛ nyɛn o wati, funɛ di handɔtirɛ a du nitumɛ ta ni ba tum were daha.

Room 1:18

O waa na paan a du ba naa vɛ o nɔ a la tum tum tagna a zi lɛrgi ba diŋsa. Ba tum tagna daha, ba kpa o wuti ti a ta.

Room 5:9

O sou daha, o funɛ nyɛ Koosa wa nyinbaanu di o ta bu na ya galimsa. Chendaha ya koti a kpak bambi kinkan di Kristo zi yisi yau a li Koosa paan ni awa chenani o zi lɛrgi ya diŋsau.

1 Tɛs. 1:10

Lalaknɔ maa tum o tumwa a la pɔ o be Yesu naa kaa wa li Koosa tɔhɔn ti ni a bur wa. Koosa funɛ lɛli unu a li o sou ni. Waa ya naa la zi yisi ya a li chenani Koosa zi na paan a du ya a lɛrgi ya diŋsa ni.

Ju 11:7

Baal digirɛ ba funɛ yir Nowa, o si fun su Koosa. Chendaha o fun koti a nu ka Koosa ŋɔ un di o kaa kpa nire a su tɛɛnɛ nɔ maga. Nowa fun tiŋ Koosa nɔ a koori arŋa. O funɛ kɔɔri un peti, o wa o walɛ fun zu o tuha ka Koosa yisi ba a li ni ti ni. Tɛɛnɛ nɔ tim maga fun siti, domi ba se wa fun su Koosa. Amaa Nowa si funɛ su unu. Chendaha Koosa bu vɛ na o galimsa.

Ju 6:18

Koosa ya wuti tiina a vɛ chɛrgi o bambi. Chenani o fun kpa o sɔn ti a gbaari o vɔu ti ni kpami ya kinkan. Ya naa funɛ chɔ la Koosa wati di o suŋi ya koti a kpak nɛnɛ a li chenani ya kpak bambi bɛgim ni di o zi wa kpa o kinau a nyɛ ya wuzu digi.

1 Jɔn 3:10

Chene ma zi zim ba naa ya Koosa bisa awa ba naa ya sintana bisa. Ba naa vɛ tum tum were awa ba naa vɛ daŋni ba dɔŋtima, ba wa ya Koosa bisa.