Mat. 3:2 - Tampulma

² O funɛ ŋɔ ba, “Koosa duglɛu a la daŋni o dɔ ma. Chendaha ma gil ma tum tagna a burgi a tiŋ o nyinbaan.”

Mat. 3:2 Marejeleo ya Msalaba

Mat. 10:7

Ma la biksi ba di saha zi wa telu Koosa dɔ nara.

Mat. 11:20

Yesu funɛ tum alaazibu tum damatau a go tɔsa naa duglɛ dooni, amaa tɔsi ta tima ha wa fun vɛɛn gil ba tum tagna. O fun zulimi ba a ŋɔ,

Mat. 12:41

Koosa wa wa di o wa di tɛɛnɛ nɔ tim maga sɛria, ba naa nyɛn doonani ba yir Ninivi chen, zi wa siu a fiksi ma. Joona funɛ biksi ba Koosa wɛ saha digi, ba fun gil ba tum tagna a tiŋ un. Mu waa naa nyɛn ma wati bar nɔ nan, min kaali Joona kinkan.

Mat. 13:11

Yesu fun ŋɔ ba, “Koosa funɛ kpa o koor ti kin naa o fun kpa a sogli chen a chiŋsi a nyɛ ma a li gbampulim ni di ma zim a muna. Amaa o ha wa ya chen a nyɛ ba.

Mat. 13:24

Yesu fun bu jɛɛgi jɛɛgɛ a ŋɔ ba, “Koosa koor ti chi baal naa funɛ kaali o ŋmaha di o la du mɛ.

Mat. 13:31

Yesu fun bukoo jɛɛgi jɛɛgɛ a ŋɔ ba, “Koosa koor ti chi kiduha naa ba yir ‘mastad’ ba yaa kpa a du chene. Waa yaa kidusi maga kiwewe.

Mat. 13:33

Yesu fun bukoo jɛɛgi jɛɛgɛ a ŋɔ ba, “Koosa koor ti chi sinmuna naa nihaan yaa kpa gbaari sau ni o maga fɔsi chen ni.”

Mat. 13:47

“Koosa koor ti gbanko chi baal naa la yo cham a li mɔɔga nɛɛ di o kpaksi nyin kuurgɛ maga.

Mat. 13:52

Yesu fun bukoo ŋɔ ba, “Nibinsa ba naa funɛ tiŋ Koosa chiksɛ gantɛl duŋduŋ ka Koosa dɔ ba lalaknɔ, ba waa chi ba naa kpak napagsa. Ba waa kote a lisi wuti bunɛ awa wuti falɛ a li ba napagsi ta ni a biksi nara.”

Mat. 18:23

Ma nyɛ mu ŋɔ ma chenani o du. Koosa koor ti chi koor digirɛ. Wuzu digirɛ o fun yir o tumtumsa di o pɛɛsi ba chenani ba tum.

Mat. 20:1

“Koosa koor ti chi ŋmaha tiinne. Chɔɔsa fun pisi, o li a gba di o dɛu tumtumsa ba la par o ŋmaha.

Mat. 22:2

O fun ŋɔ ba, “Koosa koor ti chi koora naa saksɛ a yir nara di ba wa o dama a wa di diwe domi o be funɛ kpa haan.

Mat. 23:13

“Ma Koosa chiksɛ nibiksɛ awa Farisi tima, yɛrɛ o kaa wa du ma ni? Ma ya nusun timwa. Chenani maa biksi nara chi ma tɔ Koosa koor ti bulzɔɔnɔ a nyɛ ba. Ma titi wara daŋni Koosa wa dɔ ma. Ma gbanko daŋni ma tɔ ba naa la wa Koosa wati nyinbaannɛ. ((

Mat. 25:1

“Mu bur wa, Koosa koor ti zi wa chi nihabichɛsa fi, ba naa funɛ siu a zer ba fitinsa a kaali di ba la chem haan fali baal.

Mat. 25:14

“Mu bur wa, Koosa koor ti zi wa chi baal naa la saksi di o li o dam ni a gbau. O fun yir o tumtumsa a fun a kpa o kina maga a du ba nisa ni.

Mat. 4:17

Saha ti kpa la Yesu yaa fun la biksi nara a ŋɔ ba, “Ma gil ma tum tagna a burgi tiŋ Koosa nyinbaan. Saha ti duglɛu di Koosa dɔ nara.”

Mat. 4:23

A saha tirɛ Yesu fun a gba Galili maga a zu ba bar lagmi dɛɛna aa biksi nara Koosa laaboor weri naa o zi wa dɔ ba wɛ. O gbanko funɛ tiibi wichɔɔrsa bawu maga ni a nyɛ ba.

Mat. 5:10

Ba naa nara muksi kinkan domi baa tum chenani Koosa daŋni ba tumnɛ, o zi wa dɔ bau a nyɛ ba tu sɔɔna.

Mat. 5:3

O fun ŋɔ, “Ba naa zimɛɛ di ba daŋni Koosa suŋi ba, o zi wa dɔ bau a nyɛ ba tu sɔɔna.

Mat. 6:10

Ya daŋni i wa dɔ narawa, chen ni ba zi tiŋ i tutɔ daŋni a li tɛɛnɛ nɔ maga niu a chi chenani i malaikasi ta tiŋ hin a li i tɔha ti ni chenu.

Mat. 6:33

O lawa ma nyɛ chenani Koosa dɔ ma awa o tutɔ tiŋi te ma bambe ni. Maa lisi nan, o zi kpa kin naa maga ma daŋniu a nyɛ ma.

Maak 1:15

a fun ŋɔ ba, “Saha teliu wa Koosa koora dugli. Ma gil ma tum tagna a nyɛ ma se su o laaboor weri ti, chen ni o zi dɔ mau.”

Maak 1:4

Baal digi fun si a wa nyabaan ti. O sɔn funɛ ya Jɔn. O fun biksi narau Koosa wɛ a la chaksi ba wa ni ni. O fun ŋɔ ba, “Ma maga gil ma tum tagna a burgi a tiŋ Koosa nyinbaan. Ma ya chen, n zi chaksi ma wa ni niu ka Koosa zi gil ma tum tagni ta a nyɛ ma.”

Maak 6:12

Yesu funɛ biksi ba chene, ba fun si a kaali a la sɛm Koosa wɛ a nyɛ nara ni, a ŋɔ di ba gil ba tum tagna a burgi a tiŋ Koosa nyinbaan.

Luk 1:16

O zi wa nyɛ Ju tim nidamata bur wa tiŋ ba kunyana Koosau.

Luk 11:20

Koosa titi nyɛ min o kpok mu yaa duŋni alizin tagni ta a li nara ni. Nan biksi ma di saha ti telu di Koosa wa dɔ ma.

Luk 13:3

Aai. N ŋɔ mau di ma vɛ gil ma tum tagna a bur tiŋ Koosa nyinbaan, ma maga zi sitiu a chi chenani ba fun siti chen.

Luk 13:5

Aai. N ŋɔ mau di ma vɛ gil ma tum tagna a bur tiŋ Koosa nyinbaan, ma maga zi sitiu a chi chenani ba fun siti chen.”

Luk 15:10

Yesu fun ŋɔ ba, “Chen vɛɛna, tum tagna tiin digi wa gil o tum tagna yaali a burgi tiŋ Koosa nyinbaan, o malaikasi ta tusa ya sɔɔniu kinkan.”

Luk 15:7

Doone Yesu fun ŋɔ Farisi tim ta awa Koosa chiksɛ nibiksɛ ta ni, “Tum tagna tiina gil o tum tagna yaali a burgi tiŋ Koosa nyinbaan, ba naa nyɛn o tɔhɔn ti ni, tusa zi sɔɔniu o daha a kaali nara kɔkwa di kibɛgim wa to ba naa piin bur tiŋ un.”

Luk 16:30

Malɛ tiin ti fun ŋɔ un, ‘Mu kunyana Abraham, mu wa la nɔɔni. Lazarus si o sou ni a kaali ba wati, ba zi gil ba tum tagnau.’

Luk 21:31

Chen vɛɛna, ma wa na kin nama ka a wa ya, ma zi zimu di Koosa koor ti duglɛu.

Luk 24:47

O fun ŋɔ ba, “Koosa laaboor weri ti biksi nara gil ba tum tagna a bur a tiŋ Koosa, o zi gil ba tum tagnau a nyɛ ba chen tiin sou daha. Ba fun bukoo sɔbi di o lawa o gantɛl tiŋsi ta te biksi laaboor nɔ a li Jɛrusalɛm ni a zi biksi bawu maga ni.

Luk 6:20

Yesu funɛ tiibi wichɔɔrsi ta peti, o funɛ burgi a ŋɔ o gantɛl tiŋsi ta ni, “Ma naa zimɛɛ di ma daŋni Koosa suŋi ma, o zi wa dɔ mau a nyɛ ma tu sɔɔna.

Luk 9:2

O funɛ daŋni o tum bau ba la biksi nara di Koosa daŋni o dɔ bau.

Tuma 11:18

Yesu nitiŋɛ ta fun nu o sɛm ta, ba fun gil Pita zulimi a la pɛgi Koosa a ŋɔ dɔŋ ni, “Lalaknɔwa ya zim di Koosa funɛ nyɛ ba naa vɛ ya Ju tima nyinbaanu di ba gil ba tum tagna a bur tiŋ un, chen ni ba zi wa na o mi fali tiu.”

Tuma 17:30

Hali saha nɔ Koosa wa fun lɛrgi ba naa vɛ zim o wɛ diŋsa, amaa o fun ŋɔ ba naa nyɛn bawu maga ni lalaknɔ di ba gil ba tum tagna a bur tiŋ un.

Tuma 2:38

Pita fun ŋɔ ba, “Ma te gil ma tum tagna a bur tiŋ Koosa, a nyɛ ya chaksi ma wa ni ni a li Yesu Kristo sɔn ni. Ma ya chen, Koosa zi gil ma tum tagnau a ta a kpa o siim weri ti a du ma ni.

Tuma 20:21

Mu funɛ tɛ Ju tim ta awa ba naa vɛ ya Ju tima ninu di o lawa ba gil ba tum tagnau a burgi a tiŋ Koosa a nyɛ ba se su ya kunyana Yesu.

Tuma 26:20

Mu funɛ te biksi Koosa laaboor weri ti a nyɛ Damaskus tim ni a zi kaali Jɛrusalɛm awa Judia pulum awa ba naa vɛ ya Ju tima a la biksi doonma ni. Mu fun biksi ba di o lawa ba gil ba tum tagnau a bur tiŋ Koosa a tum tum were di ba biksi nara chenani ba tum.

Tuma 3:19

Adaha ma gil ma tum tagna a bur tiŋ ma kunyana Koosa, chen ni o wa zi bu na ma galimsa.

2 Kɔr. 7:10

Chenani ma tusa fun chɔk nyɛ ma gil ma tum tagna a bur a tiŋ un. Ya ya chen, wuzu digi o zi kotiu a yisi ya a li ya tum tagna ni hali a wa peti. O wa ya kin naa ya zi vɛ. Naa vɛ nyɛ Koosa chɔk o tuha, wuzu digi Koosa zi wa na o galimsau a ta un yɔri.

Kɔl. 1:13

O fun a yisi ya a li sintana naa nyɛn birsi ni, nin awa kpok ni, a kpa ya a la du o be daŋni koor ti ni.

2 Tim. 2:25

Saha naa o wa burgi womna nibiksɛ na nyuuna, o ta na paan a du ba ni. Ami Koosa zi nyɛ ba nyinbaanu di ba gil ba tum tagna a bur tiŋ un a wa zim o wuti ti.

Ju 6:1

Ma nyɛ ya kpa Koosa laaboor weri te tel ti a chiŋsi a kidaŋni ya zim o laaboor weri ti maga a peti. O wa lawa ya sɛm dɔŋ ni chenani ya zi kpa ya tuma a naa ya yɔri a ta a nyɛ ya se su Koosa nɛnɛ,

2 Pita 3:9

Nara bɔnɛ lisi di ya kunyan ti vusiu a vɛ tum chenani o fun vɔwi. O daŋni ma gil ma tum tagniwa aa tiŋ un, chen ni o wa zi wa chɔk ma. Chendaha o kpak ma kanyita.

JɔnN Deesi 2:21

Saha naa mu fun ŋɔ un di o gil o tum tagni chen galɛu. O wara daŋni o bur a li o chɔkumsi tum ta ni.

JɔnN Deesi 2:5

Ma lisi chenani o fun te du a bur kuwa mu wati. Ma vɛ di ma wa zi bur wa, mu zi bur wa ma watiu lalaga a wa zer ma fitin bar chiŋsi a chɔk un.