Mat. 27:1 - Tampulma

¹ Chɔɔsa funɛ wa pisi, Koosa dam kɔkɔɔrsi ta awa Ju tima nihɛɛti ta maga fun lagmi a na dɔŋa di ba kpu Yesu.

Mat. 27:1 Marejeleo ya Msalaba

Mat. 23:13

“Ma Koosa chiksɛ nibiksɛ awa Farisi tima, yɛrɛ o kaa wa du ma ni? Ma ya nusun timwa. Chenani maa biksi nara chi ma tɔ Koosa koor ti bulzɔɔnɔ a nyɛ ba. Ma titi wara daŋni Koosa wa dɔ ma. Ma gbanko daŋni ma tɔ ba naa la wa Koosa wati nyinbaannɛ. ((

Maak 15:1

Chɔɔsa funɛ wa pisi, Koosa dam kɔkɔɔrsi ta, tɔhɔn nihɛɛti ta, Koosa chiksɛ nibiksɛ ta awa sɛria nidiile, ba fun lagmi a na dɔŋa Yesu daha. Ba funɛ sɛm peti, ba fun vɔu o nisa a kpa un a la nyɛ gɔbnati nyuhu tiina naa ba yir Pailɔt ni chen.

Luk 13:1

A saha ti nara bɔnɛ funɛ wa ŋɔ Yesu ni Galili tim bɔnɛ wɛ. Ba funɛ kɔɔri kɔɔra a nyɛ Koosa ni a li o bar jɛɛmi dam ti ni chene, gɔbnati nyuhu tiina naa ba funɛ yir Pailɔt fun tum o lanjimasa ba la kpu ba.

Luk 22:66

Chɔɔsa funɛ pisi, Koosa dam kɔkɔɔrsi ta awa Koosa chiksɛ nibiksɛ, ba naa funɛ ya Ju tim sɛria nidiile, fun a lagmi dɔŋ ni. Ba fun kpa Yesu a chiŋsi ba suwachak ni.

Jɔn 18:28

Chɔɔsa fininirɛ Kaifas awa Yesu fun na dɔŋa peti. Ju tim ta funɛ saksiu di ba di ba wuzu zen wuzu naa ba yir val la gali ti diwe. Lanjimasi ta funɛ kpa Yesu a kaali gɔbnati nyuhu tiina sɛria bar diili dɛ. Ju tim ta fun kpalimi sal ni, domi o funɛ chiu di ba tiŋ zu.

Tuma 5:21

Chɔɔsa funɛ wa pisi chɔsa, nitumɛ ta fun tiŋ malaika ti nɔ a la zu Koosa bar jɛɛmi dam ti a biksi nara tima. Koosa dam kɔkɔɔrsi ta nihɛɛ ti awa ba naa funɛ nyɛn o wati, fun yir sɛria nidiile ta awa Ju tim nihɛɛti ta maga ba lagmi o wati a tum Koosa bar jɛɛmi dam ti niilɛ di ba lisi nitumɛ ba naa ba tɔ dɛ chen, a wa.