Mat. 26:41 - Tampulma

⁴¹ Ma si a il a kisumi Koosa, chen ni sintana wa zi wa mur ma ma tiŋ o nɔ. Ma tusa daŋni ma ya chenani mu sɛm chenu, amaa ma bara vɛ kpoki.”

Mat. 26:41 Marejeleo ya Msalaba

Mat. 24:42

Ma wa zim a wuzu naa ma kunyana zi wa bur wa. Adaha maa il nɛnɛ.

Mat. 25:13

Yesu funɛ sɛm peti, o fun ŋɔ o gantɛl tiŋsi ta ni, “Maa saksi. Ma wa zim saha naa mu kaa bur wa.”

Mat. 26:38

O fun ŋɔ ba, “Tu chɔk naa nyɛn mu tuhu ni nan zenu. Ma kani bar nɔ a il min.”

Mat. 6:13

Domi i kpak jirima awa chaani wa kpok kinkan hali saha naa vɛ kpak bɔ. Ami.))’

Maak 14:38

Ma si a il a kisumi Koosa, chen ni sintana wa zi wa mur ma ma tiŋ o nɔ. Ma tusa daŋni ma ya chenani mu sɛm chenu, amaa ma bara vɛ kpoki.”

Luk 11:4

aa gil ya taali a pɛŋ ya, ka ya ka gil aa pɛŋ ba naa laa tum ya wu tagna.’ ”

Luk 21:36

Ma doso a kiil saha maga. Maa sumi Koosa di o nyɛ ma o kpok ma di namsi naa kaa wa chen a wa chiŋi n waa nibine be suwachak ni.”

Luk 22:40

Ba funɛ wa tel bar digi, o fun ŋɔ ba, “Ma chiŋi bar nɔ a sumi Koosa, chen ni sintana wa zi wa zaamsi ma.”

Luk 22:46

O fun ŋɔ ba, “Yɛrɛ ma chɔ do? Ma si a sumi Koosa, chen ni sintana wa zi wa zaamsi ma.”

Luk 8:13

Kiduha naa funɛ chesi buŋkul ta tuhu ni chen chi ba naa nu laaboor weri ti ka ba tusa sɔɔni. Amaa laaboor ti wa fun ta lur ta ba ni. Ba funɛ tiŋ tamnɛ, amaa saha naa namsi wa kpak ba chen laaboor weri ti daha, ba vɛ un a bu vɛ tiŋi.

Room 8:3

Nibinsa wa kpak kpok. Chendaha Koosa chiksɛ ta fun vɛ koti a ya chen. Koosa funɛ nyɛ o be burgi nibine a tum un o wa tɛɛnɛ nɔ maga a sou nibinsa tum tagna daha. O funɛ ya chen, Koosa chɔk tum tagna kpok ti,

1 Kɔr. 10:13

Sintana zaamsi nibine magau di ba tum tum tagna. Chenani o zaamsi ba, o zaamsi ma gbankou. Amaa Koosa ya wuti tiina. O wa zi nyɛ wu zaamsɛ a naa kaali ma kpok, wa pu ma, chen ni ma wa zi wa chel. O zi nyɛ ma kpoku ma kpak kanyita wa wu zaamsɛ ni a yisi ma a li a ni.

1 Kɔr. 16:13

Ma se su Yesu. Chendaha ma il a kpak ma titi nɛnɛ awa bambi kpok ni.

1 Kɔr. 9:27

Mu yaa muksi mu barawa aa kpak mu titi nɛnɛ, chen ni mu titi wa zi wa nyuksi laaboor weri ti papaha naa mu kpa biksi nara chen.

Gal. 5:24

Ba naa Yesu Kristo dɔ, ba funɛ kpa ba titi daŋnɛu a ta.

Ɛfɛ. 6:18

Maa sumi Koosa kin nama daha saha maga, chen ni o zi suŋi mau. Ma nyɛ o siim weri ti kibiksi ma chenani ma zi sumi Koosa. Ma il nɛnɛ awa kanyita kinkan ni, aa kisumi un di o suŋi o nara maga.

1 Pita 4:7

Tɛɛnɛ nɔ maga siili saha duglɛu. O lawa ma ya bambe timau, chen ni ma zi koti a sumi Koosa wa nɛha niu.

1 Pita 5:8

Ma dɔm sintana chi gbogumta naa la gba a la wire. O yaa dɛu nandigirɛ di o kpak a se. Chendaha ma ya bambi tima a kidoso aa il.

2 Pita 2:9

Koosa zim chenani o yisi ba naa la tiŋ un nɛnɛ a li ba namsi niu. O gbanko zimu chenani o chiŋsi ba naa la tum tum tagna hali saha naa o wa wa di o di tɛɛnɛ nɔ tim maga sɛria a lɛrgi ba diŋsa.

JɔnN Deesi 16:15

Maa nu chenani ya kunyana ŋɔ ma. O ŋɔ, “Mu zi bur wau ka ma vɛ zim mu wɛ a chi ŋmɛɛr. Chenani Koosa bu vɛ na ma galimsa chi ma gatiwa. Ma doso a kilaari a saha maga, chen ni mu wa wa, ma wa zi kpak bar kpal a chiŋi ma na hiisa nara suwachak ni.”

JɔnN Deesi 3:10

Saha naa ba naa maga nyɛn tɛɛnɛ nɔ maga ni zi wa namsi kinkan, ka mu zi zaamsi ba, duglɛu. Ma funɛ tum ma tumau wa kanyita ni a chi chenani mu fun biksi ma. Chendaha mu zi wa lisi mau a li namsi ti saha ni.