Mat. 26:14 - Tampulma

¹⁴ Yesu gantɛl tiŋsi ta nibɛgim naa ba funɛ yir Judas Iskariɔt, o fun si kaali Koosa dam kɔkɔɔrsi ta wati,

Mat. 26:14 Marejeleo ya Msalaba

Mat. 10:4

awa Simɔn naa o pulum wɛ nyɛn o bambi ni, awa Judas Iskariɔt naa funɛ li Yesu gantɛl chen.

Tuma 1:16

“Mu dɔŋtima, ba funɛ sɔbiu a li Koosa sɛm tɔn ti ni chenani Koosa siim weri ti fun nyɛ koor Devid te sɛm di Judas zi nyini ba naa funɛ kpak Yesuu. O sɛm ta fun ya wuti.

Jɔn 13:30

Judas funɛ la boroboro ti, o fun vaan si a li. O funɛ ya dusum saharɛ.

Jɔn 13:2

Yesu wa o gantɛl tiŋsi ta funɛ di dusum diwe ka sintana fun lisi di Judas Iskariɔt, Simɔn be, zi li Yesu gantɛlu.

Mat. 27:3

Judas, naa funɛ li Yesu gantɛl, o funɛ na ka ba di Yesu sou sɛria, o tuha fun chɔk. O fun bur kaali Koosa dam kɔkɔɔrsi ta awa nihɛɛti ta wati di o la nyɛ ba malɛ aniita fumtora naa ba bɔ un chen,

Mat. 26:47

O ha funɛ vɛɛn a sɛm chene, Judas naa ya o gantɛl tiŋsi ta digi chen, wa zɛmɛ kinkan fun wa. Koosa dam kɔkɔɔrsi ta awa Ju tim nihɛɛti ta fun a tum ba. Ba fun kpak chise zene awa daasa a wa kpak un.

Jɔn 18:2

Doone Yesu wa o gantɛl tiŋsi ta yaa la. Chendaha Judas, naa funɛ li Yesu gantɛl chen, zim dooni.

Mat. 26:25

Judas naa funɛ daŋni o li Yesu gantɛl chen fun pɛɛsi un, “Mu kunyana, i bi minɛɛ?” Yesu fun ŋɔ un, “Hinnɛ.”

Jɔn 12:4

Yesu gantɛl tiŋsi ta digi funɛ nyɛn doon ba yir un Judas Iskariɔt. Waa funɛ ya naa kaa li Yesu gantɛl. O fun ŋɔ,

Jɔn 13:26

Yesu fun ŋɔ un, “Mu kaa kpa diwere a suk disa a nyɛ un. Waa ya naa mu bi chen.” O fun kpa diwe ti a suk disa a nyɛ Judas Iskariɔt, Simɔn be, ni.

Tuma 1:18

O fun kpa o tum tagin malɛ a la yau ŋmaha. Wuzu digi o fun sou ka o lo fun fur o tuha kina maga li.