Tɛɛnɛ nɔ maga nara awa ba koorsa zi wa siu a chem dɔŋa wa laal ni. Tɛɛnɛ zi wa jimu kinkan ka lɔsa zi wa chel pulumsi ta maga niu. Kina maga kaa wa piili wiilire.
Kin naa mu ŋɔ ma nan wa zi te ya. Ba zi wa te kpak mau kpok ni a muksi ma kinkan. Ba zi wa kpa mau a kaali ba bar lagmi dɛɛna di ba di ma sɛria a tɔ ma dɛ. Ba gbanko zi wa kpa ma la koorsa suwachaku ba di ma sɛria min daha.
A saha naa nara yaa sɛm di alaafɛ nyɛnu ka ba vɛ ɔm kundɔŋ, muksi kinkan ya vaan wa pu ba lalaga. Ba nidigi wa zi li muksi ti ni. O zi jɛri bau a chi nihaan naa kpak lo. O wa kaa lul, wiili ti yaa jɛri unu.
