Mat. 24:5 - Tampulma

⁵ Nidamata zi wa wau a kpa mu sɔn a yir ba titi. Ba maga zi wa ŋɔu di ba ya Kristo naa Koosa fun ŋɔ di o zi tumu wuzu digi chen a mur nidamata. Adaha ma fiɛŋ ma wa tiŋ ba.

Mat. 24:5 Marejeleo ya Msalaba

Mat. 24:11

Witinsi ta nidamata ba naa vɛ zim Koosa, zi wa wau a mur nara kinkan,

Mat. 24:24

Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.

Jɔn 5:43

Mu kunyana Koosa funɛ tum min di mu wa chiŋi o bar chiŋi ni, amaa ma wa la min du. Nandigi ka wa ma wati o titi nyuhu ni, ma ya la un duu.

Jɔn 8:24

Mu piin ŋɔ mau di ma wa zi gil tum tagna tumi hali a wuzu naa ma wa siti. Ma vɛ nyɛ ma se su min, chene ma kaa wa siti.”

Jɔn 8:28

Doone Yesu fun bukoo ŋɔ ba, “Ma zi wa kpak mu waa nibine beu a kpaasi mari daakakli mu sou, ma zi wa zimu di min ya naa Koosa fun ŋɔ di o zi wa tumu wuzu digi chen. Ma gbanko zi wa zimu di sɛm na wa li mu wati. A ya sɛm naa mu nyan ti fun kpa nyɛ min nɛ.

1 Jɔn 2:18

Mu bisa, tɛɛnɛ nɔ maga siili saha duglɛu. Ma funɛ nu di Yesu dɔm zen zi wa wau chen saha ti. Amaa Yesu dɔm damata piin liu a wa. Chendaha ya zim di tɛɛnɛ nɔ maga siili saha ti duglɛu.

1 Jɔn 2:22

Naa vɛ la nɔɔni di Yesu ya Kristo naa Koosa fun tum chen, o ya nusun tiinnɛ. Naa vɛ Koosa awa o be Yesu, o ya Kristo dɔmnɛ.

1 Jɔn 4:3

Naa vɛ la nɔɔni Yesu wɛ nan ni, Koosa siim weri ti wa to un ni. O ya Kristo dɔmnɛ. Ma funɛ nu di chen tima zi wa tɛɛnɛ nɔ magau. Ba piin wau.

JɔnN Deesi 13:8

Koosa funɛ te sɔbi ba naa maga la zi wa la o mi fali ti, sɔna a du o tɔn ti ni a zi naami tɛɛnɛ nɔ maga. O piisi be naa ba fun kpu chen, dɔ tɔn ti. Ba naa maga sɔna vɛ nyɛn tɔn ti ni, funɛ jɛɛmi sel zen tire.